Jenesese 1:22 - Anatunya Buku Baepole Ole Testamene Pii Lapo dee Nuu Tesamene

²² Kandapala Anatumi mondo lao andena lao elyape keta pisinya pyambuo lao, Nakama jingi kapape pyao malu wai kisinya pyambuo kota pete dupwa kete pyao nyelapape. Dee yaka dupwa yuu dokona wai kiso pinya, leya.

Jenesese 1:22 Referans Kwoze

Jenesese 8:17

Embame lete bange rara peparae yakape menape bange panga panga papingi kuki dupwape nakama yuu muu dupwana ikyane manjo wai kiso pauinya lao lanyuo pare, leya.

Samu 107:38

Baame banya wambu dupwa elyape keta pisiyasa wane wai kisiya. Dee nakamana mena bulamakao dupwa wai kiso andakyuo piya.

Jopo 40:15

Mena ama kameya kingi Bimote lenge doko kandape. Nambame doko waso emba wasoko piyu lyakande. Baame mena bulamakao ingyuo isoko dupwa nao karenge.

Jenesese 1:28

Wasapala dokopa Anatumi nakamba elyape keta pisinyi pyambuo lao, Nakambame jingipi parape pyao raeyo yuu dupwa minyarambuo nyuo dee bange peparaena ketae ingyuo karo pirambi. Dopa pipala ipwa petena oma dupwape yakena yakape lete bange kata paenge semalama pelyamo dupwapena peparae rapu pyuo karena, leya.

Jopo 42:12

Kamongome wambo dokopa Jopo elyape keta pisiyamopape enakana randa maipaesa kamame wakasa elyape keta pisiya. Yuu gii dokopa Jopona mena sipisipi taosande akalisa ipisu kisima (14,000) mena kamele lenge taosande pakinyamange (6,000) mena bulamakao taosande lama (2,000) dee mena donge taosande mendaki (1,000) pyuo minyiya.

Jenesese 9:1

Anatumi Noa baape banya ikinyingi dupwape kando elyape keta palyuo karena lao lamaiyuo, Nakamame wambu wai kiso nyuo jingi parape pyarami dokome yuu pandape dupwa minyarambu nyera, leya.

Samu 107:31

Nakamame Kamongo banya mona reto puu penge dokona baa ange lao dokopa yulu keyange nakama keta pyakamyuo karamo dupwana baa ange lapenge ingilyamo.

Jenesese 35:11

Anatumi deeko lamaiyuo, Namba Anatu Porai Wakasa dokome emba para pyao malu nyere dupwa lapo kiŋi ingyuo parami. Dopa pyuo wane wanake malu manjirinyi rara malu ingyuo para pyao parami.

Jenesese 30:30

Namba epapa nayono dokopa kuki lama iki minyiipya kande. Namba dae epapala pyuo kareyono palusa Kamongo dokome mena wai kiso kaiya karapala emba pyuo ketae nembeya. Dopa piyunupape nambana anda range wambu dupwa apa pyuo nyisarose? leya.

Jenesese 30:27

Leyamopape Lapaneme isingi lamaiyuo, Embame dokona palyuo nambame mende lapili lao lare ramo doko nambame kandapunu dokopa Kamongo dokome embapa lapolapo lao namba elyape keta pisipyamo karo.

Jenesese 1:21

Anatumi dopa pyuo kota petena oma bange kameya wakasape lete bange ipwa dokona kata papyuo mee ree inginya lao dupwa pyuo yaka peparaepe rara wakale wakale dupwa pyuo wasiyako. Anatumi doko keyange lamo lao kandeya.

Jenesese 1:23

Lapaladoo kwuara yangara piyamo doko yuu gii kingi paki ingiya.