Jemesa 2:6 - Anatunya Buku Baepole Ole Testamene Pii Lapo dee Nuu Tesamene

⁶ Nakambame pendewa dupwa kilya kandelyaminyi. Dopa pyuo pilyaminyoko doŋo kamongo dupwame nakama keta mangena minyuo randa joo kote laa nalyamisi?

Jemesa 2:6 Referans Kwoze

1 Korina 11:22

Nakama rangena anda dokona ipwa nao nenge nao pirama doko rolae suu pyaa nalyamisi? Nakamana andana nenge naa napala Anatunya Elyambu Pingi doko mee inginyi pyambuo wambu nenge keyange manjo epa nange dupwa elyanyi pyambwaramisi? Nambame nakama kando apa lapili lao suu pilyamisi? Nakamana kingi lakandaowape? Lakandaro ramo doko kapa ingya nalyamo.

Samu 14:6

Wambu koo pingi dupwame akali inyimungu karenge dokona mende pinya rapa rapa pingi doko kata rokwalyaminyipape Kamongo dokome baa kyawa minyingi.

Jemesa 5:4

Nakamana yulu akali ee pyakao karaminyi dupwana yole angi ingyuo mai napala pingyakamiyami dokona nakama kando lasara. Ee dupwana nenge manjakao pyuo karaminyi dupwame mumu letaminyi doko Anatu Kamongo Porai dokona kale katana palyuo karamo.

Jemesa 2:3

Nakamame komau keyange wapuramo doko kando elya pyuo lamaiyuo, Rate keyange dakena pisiri lao dee akali koosale dokona lamaiyuo, Emba dambisa mee roya karare panda kimbu silyamo dole mee isa pisiri lamairami ramo

APOSELENA YULU 17:6

Papala nakamba kando nyii napala Jesonemoo Kurisene akali lapo pipya ipyuo nyuo wato lenge anda akali kamongo kareyami dokona peyami. Papala pii porakaiyuo lapala dopa leyami. Isa yulu pingi doko kapu kyepala mende pilapape lao papyuo karambinyi pipa dakena imbi.

APOSELENA YULU 13:50

Dokopa Juu wambu anda repe repe pyuo karenge dokona kareyami dupwame enda mupwa lapo Anatu suu pyao petenge dupwape dee akali kamongo dupwape nembo nembo pyuo lamaiyaminyipa Pole Banapasapa randa nena lao renge kuiyuo karo nakamba yuu dokona kata kaena lao ralinyi nembeyami.

APOSELENA YULU 8:3

Dokopa Sole dokome Elyambu Pingi wambu dupwa uki palyiya. Uki palyuo anda kambu dupwa peparaena papapu enda akalipi dupwa ipyuo lanyuo pao karapusi anda dokona pyambwapa pyuo kareya.

Emosa 5:11

Nakamame wambu pendewa dupwa pyalana pyuo kalyinyi palyapala nakamana nenge dupwa waa nyakamyuo karaminyi kande. Dokona lao nakamana kaname anda keyange piyaminyi dupwana pali nao nakamba range girapo ee keyange wara piyaminyi dokona ipwa waene elyape dupwa naa nao pirami, leya.

Jemesa 5:6

Nakama dopa pyuo karo rolae pingi wambu dupwa kando kote lapala pyao kumakayami. Nakamame isingi mende laa nange.

APOSELENA YULU 18:12

Lao kareyamopape Galio yuu Akaya dokona kyapo mupwa ingyuo rombo palyiyami gii dokopa Juu wambu dupwame mendakinya palyuo lapala Pole pyalana pyuo nyepala lanyuo kote lenge anda dokona peyami.

Apakuku 3:14

Banya yanda pimwai dupwa ipwaŋa kulimbuli lao epo namwa pyao bolombalo lanyi nembala epeyami. Bange aya nange wambu dupwana bange dupwa yalu pyuo kingi rukyuo nyakamyuo pingi dopale ingyuo epeyami. Dopa piyaminyipape dupwana yanda singi mupwa doko embame angi keta pii.

Emosa 4:1

Samaria enda dupwa nakama pii dake selapape. Nakama mena bulamakao yuu Basane dokona karenge dupwame nenge malu napala ando kameya ingyuo rondo lenge dopale ingyuo rondo lasi mee dolapo petaminyi. Nakamame wambu porai renge palya nange dupwa pyuo kopetame pisilyaminyi. Wambu pendewa dupwa randa maipala nakamame wambu dupwa kuki perala konda nalyaminyiko ama daa. Nakamame nakamana akali dupwa kando dopa letaminyi. Ipwa biya malu nao sepake lalana kaeya nao minyakao ipupwa letaminyi.

Aisaya 53:3

Namwame baa epe kanda nale nale lapala baa mata maiyuo kareyama. Baame randa dupwa epeyamopa yasu nao rando kareya. Dopa pyuo kareyamopa mendeme baa kandalana suu pyaa nayami. namwame baa mende daaŋa lao suu piyama.

Jone 8:49

Yesumi isingi lao dopa leya. Namba imambu koo maralyapyamo karonde daa. Nambame Rakanena kingi ketae nembo karo. Nakamame nambana kingi isa nembelyaminyi.