Jasi 4:7 - Anatunya Buku Baepole Ole Testamene Pii Lapo dee Nuu Tesamene

⁷ Nambame Sisira baa akali Jepene lenge dokona yanda singi ami akali mupwa ingyuo karenge doko lanyuo eparo. Eparonopa embapa ipwa Kisone dokona yanda pirambi. Akali Sisira banya mena oseme ipyuo papingi uliuli dupwape yanda singi dupwape reto kararamopape nambame emba pyao anamasi minyingi renge jeronopa baa anamasi minyare, langipya, leya Deporame.

Jasi 4:7 Referans Kwoze

1 Kiŋi 18:40

Dokopa Ilainjame mee bange kingi Bealo lakandenge poropeta dupwana mendalipi nyisa paa nana lao nakamame minyarapala pyao nyinya leya. Dokopa wambu dupwame pyao nyiyaminyi dokopa Ilainjame yuu ipwa Kisone dokona minyuo papala peparae pyao kumakaya.

Jasi 5:21

Ipwa Kisone lenge doko palipala nakama peparae soo peya. Dokona namba porai ingyuo karo kimbu pyao piso paro.

1 Samyuele 24:18

Namba Kamongome emba nyuo jepapyamopape emba namba pyaa napala epapu emba namba kando keyange pyuo karoŋo lao lasaka pilini.

1 Samyuele 24:10

Ene dae epapu kananda dokona Kamongo dokome emba namba nyuo jelamo doko silini. Jipyamo dokopa nambana akali dupwana lapome emba pyao kumaka laminyipape nambame emba kondapala lao, Emba Kamongome kiŋi rombo palyiya dokona nambame emba pyaa naro, lapu.

Jasi 4:14

Dokopa dee Depora baame akali Bereke lamaiyuo leya. Mee pao pilinyili pyuo pupi. Epapu yuu gii Kamongome Sisira baa pyao ralinyi nembalase lao yuu gii jilyamo. Jepala Kamongome emba dopa pii lao kata lasaka pyuo karamo, leya. Dokopa Bereke baa yuu kyau Tapo lenge doko yaki nyuo banya akali taosande akalisa (10,000) dupwa pipya lupyuo peyami.

Josua 10:8

Peyaminyi dokopa Kamongome Josua lamaiyuo, Ama paka napipi. Wambu dupwana mendeme emba pyao isa palya narami. Nambana porainya renge dokome embame wambu dupwa nyuo anamasi minyare, leya.

Ekesetase 14:4

Dokopa Kamongo nambame kiŋi banya mona kana pokanyi pyambuo kararo dokopa baame nakama pyalana peta epara. Eparamo dokopa baape banya yanda singi dupwape pyao isa palyaronopa nambana kingi ketae para. Dokopa Isipi wambumi namba Kamongo lao serami, leya. Dokopa Isaraele wambu dupwame pinya lao leyamo dupwa piyami.

Jasi 4:8

Dokopa Bereke baame enda Depora lamaiyuo leya. Emba namba role pyao epare ramo doko kapa paro. Dee emba daa lare ramo dokopa namba opetae paa naroko, leya.

Ekesetase 14:8

Peyamopa Isaraele wambu dupwame namwame wini pyuo pelyamano lao rae maiyuo yaki nyuo peyaminyipa Kamongome kiŋinya mona kana pokanyi pyambuyasa baame Isaraele wambu dupwa rokeyakandeme imanji aku nyili lao peta ralyuo peya.

Ekesetase 14:17

Nambame Isipi akali dupwana mona kana pokanyi pyambwaronopa nakamame nakama peteta parami. Dokopa kiŋipi banya ami yanda singipi mena oseme ipyuo penge uliuli piso yanda pela pengepe dee banya uliuli minyuo penge akalipi nyuo isa palyaronopa nambana kingi doko ketae palira.