Ipuru 9:7 - Anatunya Buku Baepole Ole Testamene Pii Lapo dee Nuu Tesamene

⁷ Tembole anda urumu lapo pyuo dokona purisi mupwame iki papala ee kana mendena larapu karapa pingi. Banya koo dupwanape dee wambu kamenge koo piyami dupwanape lao ranjama minyuo kisala kolando papa piya.

Ipuru 9:7 Referans Kwoze

Lipitikase 16:34

Yulu dopale dokopa yuu peparae kaeya nao pipa pyuo kararami. Purisi mupwa baame ee kana yaka lao Isaraele wambu dupwana koo dupwa nyuo kame sakamyuo Anatunya lenge kambu dokona rolae ingyuo petena lao pipa pira, leya. Dokona Kamongome leyamuli pyuo Moseseme piya.

Ipuru 7:27

Baa purisi menge dopale daa. Doloma nakama rangena koo dupwana wambo Anatu dokona lao mena pyao kiso maipala enakana wambu menge dupwana lao kiso maiyakamingi. Baa dopa pyuo pii napala yuu mendaki dokonako baa range Anatu dokona namwana lao kumuo maiya.

Osia 4:12

Nakamame isa lomasi doko akali kulimi yanda pepe minyinginyili pyuo mende pira dokona semana lao pisilyaminyi. Dopa pyuo karapala nakamame namba enda pamuku mee yaki nyilyaminyi papingi dopale ingyuo namba yaki nyepala nakama range anatu menge dupwa keta pyamalyuo pelyaminyi.

Aisaya 28:7

Poropeta purisipi dupwa opetae biya napala rolo papi nalyaminyi. Nakama ipwa waene soo kaeyo napala lukumapala angi rolae doko kanda nalyaminyi. Dopa pipala poropeta dupwa Anatumi pii repa repa pyuo lapo lapyamo dupwape dee purisi dupwana renge lapo ipyamo dupwa apa pipala epelyape lao kandalana saka nalyaminyi.

Emosa 2:14

Dopa piraminyi dokopa akali kata wakasa makando penge dupwa kapa paa narami. Dee akali porai dupwa nakamana porainya renge nembarami. Dee yanda singi dupwa nakama rangena kyawa lete minya naramiko.

Samu 95:10

Ee kana akalisa kisima namba imbu singi nyakayami. Nambame endakalipi yuu peparae kopetame suu pyao karenge, leyo. Nambana nenge rambo lao piso karo pingi doko kamba lao mana nyii nalu nao nayami.

Samu 19:12

Wambu dupwa range kopetamekamenge pilyaminyi doko soo gisa nalyaminyi. Kamongo embame namba koo pilyuŋu lao suu pyaa nao mee pyaka sipyamo pipilyu dupwana kingi rekyalao nyepe.

2 Samyuele 6:7

Doko Usame Kana Minyuo Lalu Lao Lenge Pii Palenge Bokote doko angi mende daaŋa lao suu pyao minyandeyasa dokopako aopa Kamongo dokome imbwuapala baa pyao kumuya. Dopa piyasa Usa baa yuu dokona Kana Minyuo Lalu Lao Lenge Pii Palenge Bokote siyamo dokona repeta kumuya.

Epesasa 4:18

Nakamba suu pingi iminjiyamo karo, kamenge see nao pisipala mona kana pokwapala Anatupa rekya lao karaminyi.

Ipuru 6:19

Renge dolapome Anatunya Imambunya yulu dokona paa isa ingyaro karo paka pyao soo Anatu karamo yake panda nee pingi dorena puu pao pelyamo.

Ipuru 9:3

Tembole anda dokona nakama komau mendeme sukusa dokona apya ingyuo liti pyuo urumu mende wasiyami. Panda lapo pyuo doko kingi Kamame Poo Pyasi leyami.