Ipuru 9:18 - Anatunya Buku Baepole Ole Testamene Pii Lapo dee Nuu Tesamene

¹⁸ Yulu dopale palenge dopako pyuo lalu lao lenge mawa pii wambarae doko ranjama iki dokome elyape ingyuo siya.

Ipuru 9:18 Referans Kwoze

Ipuru 9:22

Lowame leyamuli pyuo ranjama dokome bange peparae wate pyuo poo pyao nyepa pingi. Dopako pyuo ranjama isa para ramo dokome koo dupwa nyuo kame sera ingyasi siya.

Ipuru 9:14

Dopa pyuo kareyamiko doŋo Koraisana ranjama dokona yulu dupwana manda manji naya. Koraisa koo mende pali nange doko baame Imambu lete karalu karenge doko keta Anatu dokona namwana koo dupwana lao kumuo maiya. Banya ranjama dokome namwana yulu angi kapa pali nange dupwa poo pyanyi nembaramopa Anatu lete karenge dokona yulu minyarama.

Ekesetase 12:22

Pyaraminyi dokona menana ranjama doko nyepala pere warake dokona retapala isa yoko lapo nyepala ranjama pere warake seramo dokona poeyapala pyarenda lanyi kambu konando penge dokona isa karenge dolapona kiso dee ketae isa lambuo palyingi dokona kiso pirami. Nakama dokona mendepe andakare yaki nyuo kamanda paa naraminyipa yangama inginya.

Ipuru 9:17

Baa lete kararamo dokopa bange dokona pii mende pali nara. Kumaramo dokopa pii leyamo doko angingyuo para.

Ipuru 9:19

Doko Moseseme Mawa Pii wambu dupwa polo lamaipala dokopa enakana mena bulamakao memepena ranjama doko ipwa pipa wanya puu wale kone dee yoko lapopeme poeyuo nyuo buku lowa palenge dokonape dee wambu ketape raiye raiye minyuo pyarendanyi piso piya.