Ipuru 8:10 - Anatunya Buku Baepole Ole Testamene Pii Lapo dee Nuu Tesamene

¹⁰ Dokona lao lalu lao lenge pii enenge mende Isaraele wambu pipa laro letamo. Doko nambana lowa dupwa nakamana suu pingi dorena retaro. Nakamana mona anda dokona nambana lowa dupwa pepana ingyuo pyao retaro. Nambame nakamana Anatu angingyuo kararonopa nakama nambana wambu angingyuo parami.

Ipuru 8:10 Referans Kwoze

Jeremaya 31:33

Kana minyuo lalu lao lenge pii enenge nambame Isaraele wambu pipa larono doko dapale ingyara. Nambana lowa dupwa nakamana mona anda dokona pyao retapala nakamana suu pingi dokona pyao palyakaro. Dopa pipala namba nakamana Anatu angingyuo kararonopa nakama nambana wambu angingyuo parami.

2 Korina 3:3

Koraisa baa range pepa dake pyapala namwa keta minyuo pupwa leya doko silyamano. Pyanjilyi ipwange dokome Mosese kana dolapo nyiya dokona makande minyuo pyasi pali nalyamo. Anatu lete karengena Imambu dokome isa wambunya mona anda dokona pyao reteya.

Dutaronome 30:6

Dopa pyuo karo dokopa nakamana Kamongo Anatu dokome nakamana monarena baapa rape rape lao karenge renge doko jeramopa nakamana mona imambupi peparaeme baa mona retapala yuu dokona nao palyuo karalu kararami.

1 Pita 2:9

Nakama Anatunya wambu rara yapasi ingyapala rakange pongo poo pyasi ingyuo karaminyi. Iminjinginya peteyaminyipa Anatumi yangaenge dorena kee lao sukusa nyepala nakama Kiŋinya purisi akali inginyi pyambuyamosa banya yulu andake dupwa pano larami lyakande.

Orome 11:27

Nambame nakamana koo dupwa nyuo nembakamipala nakama pipya lao kana minyaro leya.

Jemesa 1:21

Dokona lao yulu kwaengepe dee yulu koo waiya lao andelyamo dupwa nembo kaeyalapape. Anatu laramuli pyuo warombo soo pisipala, banya pii nakama lete nyeramo doko baame mona anda palyakayamo doko soo manjo nyelapapae.

Taitesa 2:14

Koraisame baa namwana koo dupwana kumuo jepala namwa baa rangena wambu kipungi poo pyasi inginyi pyambuo kiiramo nyiya dokome yulu keyange dupwa angingyuo pinya suu pyao pimana.

1 Pita 1:23

Nakama isa wambunya para pyao nyisi ingyuo paa nalyaminyi. Anatunya letena palenge pii sulu singi dokome nakama banya wane wanake karalu karenge ingyuo manjo nyilyamo.

Jemesa 1:18

Baa range suu piyamuli pyuo waili pii angi kulisa dokome namwa waso nyiya. Wasiyamo lapo dupwana namwako isa jingi mupwasa kanda soo lyingi dopale lao wasiya.

Isikiolo 37:27

Namba doo nakama paliraminyi dokona palyuo kararo. Dopa pyuo namba nakamana Anatu ingyuo kararonopa nakama nambana wambu ingyuo kararami.

Ipuru 11:16

Panda doko yaki nyuo kaeyapala nakamana yuu muru yake panda dokona karala panya maso kareyami. Anatu baa namwanaŋa leyami dokona elya nyuo kareyande daa. Baa rae maipala taone keyangende rapa rapa pyakamiya.

Ekesetase 34:27

Lapala Kamongo dokome Mosese lamaiyuo, Pii dasipame nambame embape Isaraele wambupi pipya kana minyuo lalu lao leto dokoŋo pyao retape, leya.

Ekesetase 24:4

Dokopa Moseseme Kamongona mawa pii dusipa peparae pepana pyao reteya. Retapala yuu gii mende dokona wamba yangama baame yuu kyau isarena dokona kana pyare lao mena kiso maingi rate piya. Pipala kana akalisa ipisu lama malu palyuo pyuo reteya. Reteyamo dusipa Isaraele rara akalisa ipisu lamako dusipana kana mendaki mendaki lao retakamiya.

Osia 1:10

Isaraele wambu dupwa ipwa kotana kee silyamo dopale ingyuo ando parami. Dokopa yaka laope makande pyuope pii narami. Epapu nakama langyuo lao, Nakama nambana wambu daa. Dopa laronopape yuu gii mende eparamo dokopa nakama kando lao nakama Anatu lete karenge dokona wane wanakepeŋe lara.

Jeremaya 31:1

Kamongo dokome lao, Namba Anatu Isaraele rara peparaena ingyaronopa nakama nambana wambu ingyarami yuu gii doko repeta epelyamo.

Osia 2:23

Nambame nambana wambu dupwa yuu dokona porai ingyuo kapa palyuo karena lao piru. Pipala wambu lapo nambame mona reta nalyamo letaminyi dupwa nambame mona retenge renge doko lasaka piru. Dee wambu lapome lao nakama nambana wambu daa letaminyi dupwa kando lao, Nakama nambana wambu laro. Dokopa nakamame isingi lao, Emba namwana Anatuŋu larami.

Ekesetase 24:7

Dopa pipala enakana kana minyuo lalu lao lenge pii palenge buku dokona Kamongona mawa pii pyasi palenge doko baame nyiya. Nyepala pii ketae palyuo wambu dupwa yaka lao lamaiya. Lamaiyamo dokopa wambu dupwame lao, Namwame Kamongo warombo soo baame pelapa lao mawa pii langilyamuli pyuo yulu peparae pirama, leyami.

Ekesetase 34:1

Kamongome Mosese lamaiyuo lao, Kana wambo dopale ingyuo embame kana lama kunjo wasape. Wasarene dokopa kana wambo embame pyao poro leene dolapona pii paleyamo dupwa nambame dee kamba pyao retaro.

1 Korina 6:16

Akali mendeme pamuku enda nyeramo yuu gii dokopa nakamba mee mendaki ingyuo parambi lao see nalyamisi? Wambu lama dolapo yongo mendaki ingyuo kararambi lao Anatunya pii poo pyasi dokome angi langilyamo.