Ipuru 12:15 - Anatunya Buku Baepole Ole Testamene Pii Lapo dee Nuu Tesamene

¹⁵ Anatunya mona keyange palyuo ipingi renge doko mata maisarama lao kando karalapape. Doko imambusa paleta napala lele lao yango mende kokwa seramano lao waso karamanale.

Ipuru 12:15 Referans Kwoze

Ipuru 3:12

Yangonemoo nakama lapome mona koo palyuo lete karenge Anatu baa kapa ingya nange lao suu pyapala neta pasasarami lao waso karalapape.

Galasia 5:4

Nakama Lowa minyapala Anatupa rolae karamwali lao suu pilyaminyi dupwa Koraisana arapu dokona kara narami. Anatunya mona keyange palyuo ipingi renge doko nakama keta pali nara.

2 Korina 6:1

Namwana yulu Anatumoo role pyao pyuo karamano dokona nakama piso sokondali pyuo lao, nakama Anatunya mona keyange palyuo ipingi renge doko nyepala dokopa kokwa see nalapape letamano.

2 Jone 1:8

Yulu andake piyami doko mee isa paramopa nyeramili dupwa papu pisasarami dokona waso karalapape.

1 Korina 15:33

Kopetame suu pyaa nalapape. Embena puu minyingi koo dupwame emba nyuo isa nembarami ingilyamo.

2 Pita 3:14

Yangonemoo isaro karaminyi mange dusipana yulu koo mende pii napala nyiso yakunaiyape pisa naramopa baapa mona kyuu lao sinya lao karalapape.

Ipuru 4:1

Anatumi mawa pii mende namwa pipya ingyuo retapyamopa doko namwa baapa koo soo pisa parama ingilyamo. Nakama lapo dokona sukusa paa nasaramiŋi yako lao suu pyao karamana.

1 Korina 5:6

Dopa pira ingilyamo dokona lao nakamame kyaŋe serami dokopa kapa ingya nara. Nenge kuki isi lenge doko porambaiye palyuo borete ando silyiki lenge pii doko nakama silyaminyi.

Jeremaya 2:21

Nambame nakama isa girapo yapasi waingi angi doko dopale wara piyu. Dopa piyunupape nakama epapu apiyakale karamano lao kandalapa. Nakama isa girapo momo nao kupwa nenge koo dopale ingilyaminyi.

Ipuru 4:11

Namwa porayapala Anatupa koo soo karala monale. Wambu kamba leyami dopale ingyuo lapala papu pii namanale.

2 Korina 13:5

Nakama Kurisene panda Kurisene angi daa lao range makande pyuo kandalapape. Koraisa Yesu nakamana mona anda palamo doko soo gisilyaminyi. Soo gisa naminde pili doko nakamana Kurisene yulu doko mee ketae pupyali.

1 Korina 10:12

Akali mendeme namba kapa karo lao suu pyaramo dokopa koo keta pali sera kando karena.

Ipuru 6:11

Nakama yulu doko kaeya napala waa waa lao pyuo karo keyange nyeramili dupwa nyimili yaka lao suu pilyamano.

Dutaronome 32:32

Nakamana yanda pimwai dupwa yuu Sotoma Gomorape koo keta paleyami dopale ingyuo pelyaminyi. Nakama girapo isa jingi kau pingi lyingipi dee jingi napala kumungi lyingipi dopale ingyuo pelyaminyi.

Dutaronome 4:9

Nakama kandokondali pyuo karalapape. Yulu dupwa nakama rangena lengeme kandeyaminyi dupwa yuu gii kararaminyi dusipana kame see nalapape.

2 Pita 2:18

Nakama sipurapala yongona pii andake lapala wambu mona kapu kyasi poraiyapa nalyaminyi dupwa nyepala yongona pundange renge dupwa mana lamaiyuo neta nyilyaminyi.

Kolosi 3:5

Pamuku yulupi suu pingi koope yongona yulupi pundao yuu pingipi bange nyipuli nyipuli lao suu pingipi nakamana yongo pundapala pilyamo dupwa anamasi minyalapape. Bange nyipuli nyipuli lao suu pingi wambu dupwa Anatu kaepala dusipa mupwa lao maso minyuo kararami ingilyamo.

Epesasa 5:3

Nakama kanda lyanolyano pyuo enda bangepe nyipuli nyipuli lao pii dopale Anatunya wambu yapasimi lao kararami ingilyande daa.

Galasia 2:13

Dokopa Juu yango lapo opetaeko pakapala Pita peyamo kata dokonako peyami. Dopa pyuo yambe pyao piyami kata dokona Banapasa opetae kaki rambe rambe palyuo panya piya.

1 Korina 13:8

Mona retenge renge doko ota nara. Anatumi wambu keta pyongo pingi doko otara. Anatunya pii lenge akali dupwana pii letaminyi dupwa isa para. Dee singi renge doko mee otara.

Ekesetase 32:21

Dokopa Moseseme Erone kando lao, Wambu dupwame emba kando aki koo mende pimisa embame nakama yulu koo andake dake kapa pinya lao panda maipisi? leya.

2 Pita 3:11

Dopa pyuo kokwa soo paramo dokona nakamana range yulu dokona kandokondali pyuo karalapape. Anatu dokona iki suu pyao karalapape.

2 Pita 1:10

Yangonemoo Anatumi nakama kee lao sukusa nyiyamo dokona rolae pyuo karalapape. Dopa pyuo pirami ramo nakamana Kurisene yulu isa paa nara.

Aisaya 5:7

Isaraele wambu dupwa Kamongo Porai Wakasana isa girapo ee mendeke ingyuo serenge. Juta wambu dupwa girapo angi baame warapiyamo andenge dopale. Dokome baame nakama keyange pimili lao suu piyamo dokona palyuo pyuo kara napala wambu pungi yando nao kwaeyami. Rolae karamili lao suu piya dokona palya napala mendeme mendali nyuo isa palyalanako suu pyao piyaminyi dokome range mende pyao isa palyingi dokopa kote rolae lakanako lao minyuo pao karenge.

Aisaya 5:4

Nambame piruli mende kaeyapala namba isa pupunusa pilyape? Dopa pyuo isa paa naronde ramo doko akipamo keyange lyera lao kandaro karapunu kata dokona kau pingi aiyange doko yapo lyilyape?

Josua 6:18

Dopa pipalape bange pyao kokwa soo nembaraminyi dupwana mende nyii nalapape. Doko daaŋa lapala nyerami ramo doko Isaraele wambu dupwa koo keta pao randa andake nyerami.

Luku 22:32

Karapyamopape embena Anatu kapa ingingi lao suu pilini suu pingi doko kwaeya nana lao nambame embena lao ateŋa lakapu. Embame dee mona kapu kyepala dokopa embena yangone dupwa porainyi pyambwape leya.

Taitesa 1:15

Wambu mona rolae singi doko kata yulupi dupwa peparae rolae ingyuoko penge. Wambu mona karo petenge Yesu mona mai nangena mona anda dee yulupi dupwa koo ingyuo singi dokona yulu peparae rolae ingyuo paa nange.