Ipuru 11:12 - Anatunya Buku Baepole Ole Testamene Pii Lapo dee Nuu Tesamene

¹² Aporakame emo kaepala kumalana kimbu malyaro kareyamo baa akali mendaki doko keta wambu ama rara andake ingyuo yakena bui dee ipwa kota kee kanape ingyuo peeyara mendeme yaka lao kandarami ingya naya.

Ipuru 11:12 Referans Kwoze

Jenesese 22:17

nambame emba elyape keta pisaronopa embena rara andakyara. Embena rara wambu yakenabuipi ipwa pota kee kanape silyamo dopale ingyuo para. Dokona yanda pimwai dupwa nyuo anamasi minyuo kararami.

Jenesese 32:12

Embena lalu lao lee kande dokona suu pyape. Embame namba mondo lanyi pyambuo wai kiso para dupwa kapa yaka larami ingya naramopa ipwa pota kee kana ingyuo para langii kande, leya.

Osia 1:10

Isaraele wambu dupwa ipwa kotana kee silyamo dopale ingyuo ando parami. Dokopa yaka laope makande pyuope pii narami. Epapu nakama langyuo lao, Nakama nambana wambu daa. Dopa laronopape yuu gii mende eparamo dokopa nakama kando lao nakama Anatu lete karenge dokona wane wanakepeŋe lara.

Jenesese 15:5

Dopa lapala baa kamanda lanyuo papala lao, Emba yakena bui dupwa akipare lao makande pyuo yaka lao kandape. Dopale ingyuo emba keta para pyao pare, leya.

Jenesese 26:4

Nambame embena manjirinyi dupwa kamame wakasa inginya lao pirunupa yakena bui pilyamo dopaleingyaramopa nambame yuu dake nakama mairu. Mairunupa nakama keta rara peparae elyape keta piso parami.

Orepalaisane 20:8

Epapala Satane baame yuu Goko Mekokopa dolapona wambu Anatunya kingi epe nasingi yuu muu peparaena pisirami dupwape kando nupi sepala nakama nyuo kiminjapala yanda pinya lao mapinyi retara ingiya. Dokopa dokona akali kareyami dupwa ipwa pota kee kana mendeme yaka lao kanda nara dopale ingyuo kareyami kandeyo.

Ekesetase 32:13

Embena kendemande akali Aporakame Aisake Jekopemoo dusipana lao suu pyaro karape. Karo nakama kando embena pii lalu lao lao, Nakamana wane manjiraminyi dupwa kamame wakasa yakena bui dopale ingyuo ando kararami. Nakamana para pyaraminyi dupwame yuu mairu lalu lao leene doko nakamana ingyuo dokona palyuo karalu kararami leene doko suu pyaro karape, leya.

Niyamaya 9:23

Embame akali wai kisinyipa yakena bui karapyamo mendeme yaka laa nalyaminyi dopale inginyi pyambii. Nakamana rora ambasu dupwa yuu doko mairunupa palirami lao lalu lao leene dokona nakamame anamasi minyuo epo palena lee.

2 Samyuele 17:11

Dokona nambana mana pii emba langilyu doko. Yuu pinjingi pakirena piso pao yuu pinjingi paki suu lao Isaraele akali peparae ipwa kee ipwa kota marengena singi dopale ingyuo nyuo pyasape. Pyasapala nakama lanyuo emba rangeme Dapitinya lenge kambu dokona yanda pela pupi, leya.

1 Samyuele 12:5

Samyueleme isingi lao, Kamongo dokomepe dee kiŋi baame rombo palyipya dokomepe nakambame namba kopetame pii nange lao letaminyi dokona usinisi lakambi, leya. Leyamo dokopa, Kinyiŋi Kamongo dokome usinisi ingyuo karamo, leyami.

Jasi 7:12

Dokopa Mitiane wambupi Amaleke wambupi dee yuu muiyanena akali rara lapo dupwape aimbu ama malu wakasa dopale ingyuo pau dokona muu rale lao raeyami. Dee nakamana mena kamele ama malu wakasa ipwa kota kee kama wangunya singi dopale ingyuo kareyami.

Orome 9:27

Aisayame Isaraele wambu dupwana lao pano lao kareya. Isaraele wambu dupwa ipwa pota kee kana ingyuo paramopape mendasipa iki sukusa epena laro leya.

Apakuku 1:9

Nakamana yanda singi dupwame wambu dupwa pyao kumakala epelyaminyi. Epelyaminyi dokopa wambu dupwame kando pakame kumulyaminyi. Wambu puu maiyuo lanyuo eparami dupwa ipwa kee ingyarasa kando yaka lalana saka narami.