Ipuru 10:37 - Anatunya Buku Baepole Ole Testamene Pii Lapo dee Nuu Tesamene

³⁷ Dokona ingyuo Baepolena pii mende pyasi palamo doko. Mende epopyamo doko baa kaeya napala oo repetale epena pyuo karamo.

Ipuru 10:37 Referans Kwoze

Luku 18:8

Dopa langilyu, nakama kando waiya lao lao rolakamira. Rolakamiramopa Ikinyingi Akali eparamo dokopa isa yuu dokona wambu lapome Anatu kapa ingingi lao suu pyao pisiraminyi kandarase? leya.

Orepalaisane 22:20

Mendeme pii pyasi dusipa angingyuo paraŋa letamo doko baa, Olo epena kimbu malyaro karo letamo. Doko kapaŋa Kamongo Yesu emba waiya lao ipu.

Aisaya 60:22

Dee nakamana ree palu kamame kukilipi inyimungu karengepe dupwa rara andake porai renge palenge dopale ingyuo palirami. Dokona yuu gii rolae doko eparamo dokopa doo leto dake waiya lao pyaka sinya laro. Namba Kamongo dokome leto.

2 Pita 3:8

Nambana puu minyingimoo, pii dake kame see nalapape. Anatumi ee kana ama malu (1,000) doko yuu gii mee mendaki dopaleko lao suu pyaro karapyamo pilyamo.

Matyu 11:3

Mende epara doko emba panda wakale mende epelyape lao koto kararamase? leya.

Pilipai 4:5

Nakama wambu yango dupwa kando rambi rambi lao kararami. Kamongo baa repeta usale epara ingilyamo.

Ipuru 10:25

Wambu yango lapo misi anda paa nalyaminyi dopale ingyuo kara napala Kamongona yuu gii repetale pyaka seralyamo dokona misi anda imili lao pyuo karalapape.

2 Pita 3:9

Dokona ingyuo lapome baa mende piro lalu lao leyamo doko kame sepala pii nalyamo lao suu pilyaminyi. Doko renge angi see napala mee lao karamisa pilyamo. Anatumi koo keta pasarami lapala mona kapu kyamili lao isaro karapyamo pilyamo.