Dutaronome 26:3 - Anatunya Buku Baepole Ole Testamene Pii Lapo dee Nuu Tesamene

³ Yuu gii dokopa purisi rapu pyuo kararamo doko keta papala baa lamaiyuo, Nambana Kamongo Anatunya lenge kambu sipyamo dokona karo leto. Yuu baame namwana imbwange dupwa jero lao kana minyuo leyamo dokona epapu epo palyuo karo, larami.

Dutaronome 26:3 Referans Kwoze

1 Pita 2:5

Nakama opetae lete palengena kana pote isa ingyuo paraminyipa Anatumi Imambunya andaŋa lao nakama wasalana suu pilyamo. Nakama purisinya rara poo pyasi dokona yulu pyuo kararami ingilyamo. Pyuo karo Anatu rae mairali dupwa Imambunya yulu dokona suu pyao Yesu Koraisa keta rendamu pyuo kiso maiyuo karalapape.

Ipuru 13:15

Anatu keta kyaa piramo karena lao namwana kambumi kaeya nao lakandamana. Dopa pyuo pirama ramo doko Yesu keta Anatunya kingi doko kulisa palyuo laramanosa pira.

Ipuru 10:21

Epapu namwana purisi ama keyange doko Anatunya wambu rapu pyuo karamo.

Ipuru 7:26

Yesu baa purisi mupwa keyange dokome randa epelyamo dupwa kunjinyi nembakao angi kapa pyala paramopa nyisara. Baa yulu koo mende pii napala poo pyasi ingyuo karamo. Baa isa wambu koo pingi dokona yapo nyisinde yake panda dokona karamo.

Dutaronome 19:17

nakamba laparae misi lenge panda mendena parami. Paraminyipa purisi akalipi kote singi akalipi kararaminyi dupwame soo rolarami.

Jenesese 26:3

Dokona palyuo papyuo karare dokopa namba embapa role pyao karapala emba keyange keta pyambuo kararo. Yuu dasipa peparae embamoope dee embena para pyare dupwana sera. Nambame embena rakange Aporakame kando lalu lao leyonuli pyuo jero.

Jenesese 17:8

Yuu mendasa palipa palipa pyuo papyuo karaminyi anda muku yuu Kenane lenge doko nambame emba jeronopa embena para pyarene dupwana sakamira. Dopa pyuokana minyuo lalu lao lapala nambame nakamana Anatu kulisa ingyuo kararo, leya.

Dutaronome 26:2

nakama range mendaki mendaki lao ee nengepe wakale wakale kanda soo manjo nyuo karo dokopa pisiki minyasi mendaki mendaki laonya paki pyuo minyuo misi lenge panda Anatumi rombo palyiyamo dokona parami.

Dutaronome 26:4

Dokopa purisi dokome nakamana pisiki minyasi doko nyepala nakamana Kamongo Anatu nenge kiso maingi kana pyare lasi dokona lenge kambusa minyuo pao retara.

Dutaronome 1:8

Yuu dake peparae namba Kamongo dokome nakamana rora ambasu Aporakamemoo Aisakemoo Jekopemoo dee dupwana para pyaraminyi dupwa mairu, lao lalu lao leyo. Yuu dokona pao palyuo karalapape.