Daniele 9:5 - Anatunya Buku Baepole Ole Testamene Pii Lapo dee Nuu Tesamene

⁵ Namwa yulu koo pingi. Namwa koo dokome kopetame pyuo karenge. Embame namwa mawa pii langyuo dopa pipwa dapa pipwa leene dupwa namwame kamba lao mata joo peyama. Dee embame yulu rolae lasaka pii dupwa yaki nyuo kaeyama.

Daniele 9:5 Referans Kwoze

Malakae 3:7

Wamba nakamana wambu rora ambasu dupwame nambana lowa dupwana mata maipala minyuo pyuo kara nalyaminyi dopaleko ingyuo nakama pilyaminy. Kamongo Porai Wakasa dokome lao, Nakama dopa pilyaminyi doko kaepala namba karo dokona kapu kyuo ipupwape. Dokopa namba nakama karaminyi dokona kapu kyuo eparo, leya. Nakamame piso soo, Namwame aki mende pipala emba karene dokona kapu kyuo eparamase? letaminyi.

Daniele 9:11

Isaraele wambu peparaeme embena lowa doko kamba lapala embame lapinyi dokona selena wangu laka nayami. Namwame emba kando koo piyamanosa koo keta palena lenge pii dupwa embena kendemande Mosesena lowa dokona pyasi palamo dupwa embame namwa keta palena leene.

Daniele 9:15

Namwana Kamongo Anatu, yuu Isipi piso embena wambu dupwa lanyuo epeene dokome embena porai renge doko lasaka pii. Dokona lao wambu dupwame embena porai renge dokona lao mee suu pyaro karaminyi. Dopa piinyipa namwame kopetame pyuo yulu koo pyuo karamano.

Ipuru 3:12

Yangonemoo nakama lapome mona koo palyuo lete karenge Anatu baa kapa ingya nange lao suu pyapala neta pasasarami lao waso karalapape.

Osia 1:2

Kamongome wambo kanda soo Osia keta Isaraele wambu dupwa pii lamaiyamo dokopa baa dopa leya. Emba pamuku enda mende nyela puu. Embena enda dokome embapa mondo lao pali naramopa banya wane wanakepe dupwa baa yaleko ingyuo parami. Dokona suu pyao wambu yuu dakena range dupwame namba yaki nyepala bange isa kanape dupwana mona maiyuo pelyaminyi, leya.

Jeremaya 14:7

Nambana wambu dupwame namba kando ee langyuo dokopa namwana koo wakasa piyama dupwame namwa range randa joo koo keta palyilyamo. Namwa emba karenge lao suu pyao kara napala kata malunya mata joo pao kaeyama. Namwa emba kando koo dupwa piyama. Dopa piyamanopape Kamongo embame nyisaro lao lao kaeyene dokona palyuo nyisape.

Aisaya 53:6

Doko namwa peparae mena sipisipi pana nange dopale ingyuo kareyama. Karapala namwa rangena suu piyamano kata dupwana iki pao kareyama. Dopa piyamopape namwa peparaeme koo piyamano randa nyerama ingiya doko Kamongo dokome baa keta kulimbuo palena lao maiya.

Samu 119:102

Emba rangeme namba mana langilini dokome embena mawa pii dupwa soo nemba nalyo.

Daniele 9:9

Namwame emba kando koo pyuo mona kana poko mata jiyamanopape embame sakame kumuo kame sakame kumuo kame sakao karenge.

2 Kiŋi 18:12

Doko nakamana Kamongo Anatu warombo see nayami dokona Samaria wambu dupwa nakama isa peyami. Dopa pyuo Kamongome nakama pipya kana minyuo lalu lao leyamo pii doko minyuo pii nayami dee Kamongona kendemande akali Mosese keta lowa pii maiyamo dupwa warombo soo minyuo kara nayami. Nakama dupwana soo nyuope warombo soo minyuo pyuope pirami ingya naya.

Aisaya 64:4

Wambu Anatu embapa karo mende pirandelyamo lao soo manji nyisi karaminyi dupwa keta yulu andake pyakamingipya. Dokona Anatu emba yale mende karelyamo soo dee kando nyuowape pipa nangepya.

Jeremaya 14:20

Kamongo, namwame emba kando koo pimwa. Doko namwa rangena koo dupwa polo lao dee namwana rora ambasu dupwana koo dupwa polo letamano.