Daniele 9:21 - Anatunya Buku Baepole Ole Testamene Pii Lapo dee Nuu Tesamene

²¹ Namba ateŋa pyao piso dokopa aŋala Geperiele kombeya wambo pii repa repa piyunu dokona kandeyono doko namba peteyono mare dokona bii lao epeyamo kandeyo. Doko kukwa mena pyao kiso maingi doko mairama yuu gii ingiyamopa kandeyo.

Daniele 9:21 Referans Kwoze

Luku 1:19

Dopa leyamo dokopa aŋala dokome isingi baa lamaiya. Namba Geperiele lenge dokome Anatunya lenge kambu dokona karenge. Waili pii keyange lalono doko emba langyala puu lapyasa epelyo, leya.

1 Kiŋi 18:36

Dokopa mena pyao kiso maingi yuu gii alemanji dokopa kana pyare lasi dokona poropeta Ilainja repeta papala ateŋa lao, O Kamongo, Jekope, Aisake, Aporakamemoo dusipana Anatu, namba embena kendemande yulu pyakange dokome embena mawa pii lapinyili pyuo dapwa pyakapu dokonape epapu emba Isaraele wambunya Anatuŋu laope pakanya palyuo lasaka pepe.

Ipuru 1:14

Yulu dokore aŋala dupwa keta mai naya. Nakama Anatunya kendemande imambu karaminyi dokona baame wambu yake panda parami dupwa nyisala pena lao mapanyi peenge.

APOSELENA YULU 10:3

Alemanji neta dambisa penge sere keloke dokopale pii repa repa piyamopa aŋala mende epapala, Koniliasa lao lamaiyamo rolae kandeya.

Aisaya 6:2

Baa peteya dokona lee renge bange lapo karo awali leyaminyi kandeyo. Dusipana mendaki mendaki lao range dokona papake pakinyamange karapa piyamo kareyaminyi kandeyo. Lee renge bange mendaki dokome rangena papake pakinyamange dokona lamame nyuo lenge kambu yambe pyao lamame nyuo yanenge dokona yambe pyao lamame nyuo bii lao pao pipa peyaminyi kandeyo.

Samu 103:20

Nakama aŋala porai banya mawa pii rape rape lao piraminyi dupwape baa laramopii doko waa lao kale yukupala soo pisiraminyi dupwapeme Kamongo doko lakandarami.

Ipuru 1:7

Baa aŋala dupwa suu pyao dopa leya. Nambana aŋala dupwa porambaiye dopale ingyuo pena lao kendemande dupwa yulu poo rele lao pinya lao mairu, leya.

APOSELENA YULU 12:7

Dokopa Kamongona aŋala mende epeya. Epeyamo dokopa anda panda dokona yanga paupau leya. Dokopa Pitana parali doko kapa kapa pipala pyalereya. Pyalerapala, Emba waiya lao roya kara leya. Leyamo dokopa puu sane dolapo banya kingi dokona bwuakayami dolapo mokwala isa peya.

APOSELENA YULU 10:9

Yangama dokopa nakama kata pao anda malu palyuo kareyamo dokona repeta epeyaminyipa andawai korakama dokopa Pita baa andeyangi dokona ateŋa lala pulyuo peya.

APOSELENA YULU 3:1

Yuu mendepa ateŋa lenge gii dokopa neta damasa papeyamo sere keloke dokopa Pita Jonepa tembole anda dokona pulyuo peyambi.

Matyu 27:46

Dokopa neta damasa peyamo sere keloke ingyuowale dokopa Yesu pii porakaiyuo lapala, Eli, Eli lama sapakesani, lao paleya. Pii doko, Nambana Anatu, nambana Anatu, akipamo embame namba yaki nyuo kaelene dopale.

Isikiolo 1:14

Yuu pele waiya lao yanga paupau lengenyili pyuo bange lete karenge dusipa nakama lambu papa laeyo epapa pyuo peyami.

Isikiolo 1:11

Nakamana papake kisima larapu karenge dokona lama dolapome mendena pinjingi dokome pee lapala mendena pao keto lapa piyami. Dee lama dolapome nakamana yongo dokona yambe pyapapu piyami.

Samu 104:4

Porambaiye doko embena pii minyuo papingi ingyuo yuu pele dupwa embena kendemande ingyuo pingipya.

Luku 1:26

Kana kingi paki wane rombanda paleyamopa Anatumi aŋala Geperiele yuu Galili dokona yuu taone Nasarete lenge dokona pena leya.

Orepalaisane 9:17

Nambana kombeya dokona akali dupwa nakama ose dokona peteyami. Nakamana pee pingi porai kapa yale doko kone kala isare uliyapu yale role rao kaa rao piyapya. Osena ayemba dusipa mena laene ayemba dopale ingiya. Nakamana nenge kata dokona isare rolepo ralepo rao uliyapu nyuo kyau lao epeya.

1 Kiŋi 18:29

Epeyamo dokopa nakama pii kara pao ketae lao dee pii koo kae lao lao kareyaminyi pao alemanji ingiya. Ingiyamopape ateŋa isingi yano pyaope mende pii naya dee pii kuki mendepe leyamo siyaminde daako.