Daniele 4:17 - Anatunya Buku Baepole Ole Testamene Pii Lapo dee Nuu Tesamene

¹⁷ Dake aŋala iso karalu karenge dupwana pii lalu lao lao palyimi doko. Anatu Mupwa Andake Wakasa dokona porai renge dokome mee akali kiŋi dupwana isingi yulu doko nyuo isa palyingi. Baame range maso akali mende kiŋi inginyi pyambuo rombo palyingi. Akali kamame kuki karelyaminyipape baame mende rombo palyilyamo doko kiŋi wasingi. Dokona lao pii doko wambu peparae sinya, lapya.

Daniele 4:17 Referans Kwoze

Daniele 4:25

Emba wambu menge dupwa pipya rekya lao nyisa papala mena suwa rae lengepe pipya palyuo kararami. Dee emba mena bulamakao yale okese lenge rambi nenge dopale ingyuo nao ee kana yanda ipingi kamanda palyuo kararenepa pipyae dupwa kondo epo emba keta piso karara. Dokopa embame lao, Mee isa wambunya kiŋinya isingi yulu dupwa peparae Anatu Mupwa Andake Wakasa dokome rolo rapu pyuo karenge. Baame yuu dupwana kiŋi karena lao rombo palyingi lare, leya.

Daniele 2:21

Baame neta pingipi apu pingipi yuu gii dupwa rapu pingi. Baame kiŋi dupwa rombo palyepala dee nyuo isa nembenge. Baame akali dupwa soo gisinginya rengepe dee singinya rengepe maingi.

1 Samyuele 2:8

Baame pendewa pelyamo palyuo karenge dupwa nyiso dee yangilyamo pee paro singi dupwa nyuo minyalyuo pingi. Baame nakama kiŋinya akali mupwa dupwa pipya puu minyinyi pyambungi. Baame nakama yulu andakena wambumi ketae nembaramili dupwa maingi. Yuu doko Kamongome kanda soo susa pyao waso reteyamo silyamo. Yuu dokona baame bange peparae konda pyuo wasiinyi pyambuya.

1 Korina 1:28

Baame mee wambumi kando nembo mupwa daaŋa lapala koo ingilyamo laope dee kwao silyamopa lao suu pingi dupwa Anatu rombo palyuo nyingi. Dopa pyuo dokopa baame mee wambumi mupwa lao suu pingi dupwa nyuo kokwa singi.

Ekesetase 9:16

Dopa pii napala nakamame nambana porai doko kandarami lao lasaka pyuo nakama mee lete karalapa lao kaeyo. Dokona lao wambu dupwame yuu muu peparaena nambana kingi nyuo ketae nembarami lao piyu.

Aisaya 6:3

Nakama range yango sukusa pii lao alowa pyuo lao, Poo pyasi, poo pyasi, poo pyasi, Kamongo Porai Wakasa doko poo pyasi. Banya neta renge yulu dokome yuu muu dupwana soo kapa kapa pinyale leyami.

1 Kiŋi 21:25

(Banya etenge Jesapeleme kyawame suu lao piyamo dokome Kamongona lenge kambu dokona Ayape baame ama koo pyulu pyuo piya. Banya koo piyamo doko wakale dupwana mendeme isa palya nayami.

Orepalaisane 4:8

Lee renge bange kisima dupwa papake yanda ipingi nyepo kareta matarena andarenape dokona lenge yuu sero kareya. Nakama kukwa korakamape imambu sepa nao kenane dopa pyuo pyao karalu karenge. Poo pyasi, poo pyasi, poo pyasi Porai Wakasa Kamongo Anatu baa wamba kareya epapu karamo rengya kararako.

1 Timoti 5:21

Anatu dokonape Koraisa Yesu dokonape aŋala poo pyasi dupwanape lenge kambu doko pii dake emba poraiyuo langilyu. Emba wambu dupwa kando yapalya yapana pyuo lapo nyiso lapo nyisa nao pyuo kara napipi.

Aisaya 6:8

Enakana Kamongome lalyiyamo siyunupa lao, Api mendali mapanyi nembarope? Apimi mendeme nambana pii minyakao parape? leyamo siyu. Sepala nambame baa lamaiyuo, Namba parowale. Nembena, leyo.

Orome 13:1

Wambu peparae gapomanena lowa minyuo kararami ingilyamo. Gapomane yulu doko mee epa naya. Anatumi nakama karena lapala gapomane inginyi pyambungi.

Samu 103:19

Kamongome baa yake panda dokona kiŋi ingyuo pisipala wambu peparae rapu pyuo karamo.

Daniele 4:2

Anatu Mupwa Andake Wakasa yake panda karenge dokome yulu wambumi kando yamarangungipi yulu andake wambumi pii nangendepe namba keta pyuo lasaka pipyamo doko nakama langiruwale, selapape.

Daniele 7:25

Baame Anatu Mupwa Andake Wakasa doko kando kamba lapala Anatunya wambu dupwa randa maiyuo kopetame isara. Dopa pipala baame nakamana misinya mawa piipi nenge malu palyuo lakando nao petenge yuu giipi alowa pinya piramo dokopa Anatunya wambu dupwa ee kana rema dee kanya ingyuo banya porai dokome isaramopa isarena kararami.