Aisaya 9:3 - Anatunya Buku Baepole Ole Testamene Pii Lapo dee Nuu Tesamene

³ Kamongo embame andake ingi raeme kumunya lao rae mainyi pyambulini. Nakama ee mupwasa doko manjo karo dokopa rae maingi doko suu pyao embame apa pyakamipi dokona rae mailyaminyiko.

Aisaya 9:3 Referans Kwoze

1 Pita 1:8

Nakama Anatu kanda nayaminyipape mona reto karaminyi. Baa dakepa nee pipyamopa karamo doŋo baa kapa ingingi lao suu pilyaminyi. Nakama dopa pyuo karo monarena rae maingi dokome palyuo pyokondepa pyaramopa dokona kambunya piimi kapa lapa narami.

Aisaya 65:18

Nambame pyuo wasakaro dokona lao rae maiyuo kenane pyao karalu kararami. Nambame Jerusaleme enengende wasarono dokona raeme kumungi renge iki simbwaro seramopa banya range wambu dupwa raeme kumarami.

Aisaya 35:10

Nakama rae maiyuo Jerusaleme kando nyuo dokopa kenane poraiyuo pyao rae maiyuo parami. Saka rengepe mona randange rengepe dupwa nakama keta epa naramopa rae maiyuo karalu kararami.

Luku 11:22

Kapa seramopape akali kama porai mendeme epo baa pyao isa palyapala dokopa banya yanda kaku konambepe retaro kararamo dupwa nyepala banya pinjale bange nyuo wambu yango mokwa soo maira.

Pilipai 4:4

Kamongona arapu dokona karo yuu peparae rae maiyuo karalapape. Rae wakasa maiyuo karo pipwape lao dee kamba leto.

Osia 4:7

Purisi kamame konda pyuoko pupyamo dokopa koo renge dupwa konda pyuoko pilyaminyi. Dokona lao wambumi nakama kando ketae pyambulyaminyi karenge kandale doko epapu nyuo alowa pyuo nakama elya sinyi retaro.

Jeremaya 31:7

Kamongo dokome letamo, Wambu rara dupwana kamame andake doko Isaraeleŋe lao lakando kenane pyalapa. Kamongo dokome banya wambu dupwa kyawa lete nyipya. Baame wambu pingyasi lapo petaminyi dupwa kiiramo nyipya dokona nakamana kenane lakando pingi doko pyalapape.

Aisaya 61:10

Jerusaleme enda mapwaeme akali anda panya kalya pipala penge dopale ingilyamo doko Kamongome dopa pyuonde pyakapya lao kenane pyao rae maiyuo karenge. Anatumi baa anamasi minyingi rengepe lete pyuo nyingi rengepe dolapome kalya pipala pisapyasa pilyamo.

Aisaya 61:7

Nakamana elya nyuo karenge doko mee otara. Nakamana yuu muru range dokona paliraminyipa mena bangepe dupwa mee lama opetaeli konda pyuo seramo kararami. Dopa piraminyipa nakamana rae maingi renge doko soo puu para.

Aisaya 55:12

Nakama yuu Bapilone mona seramopa raeme kumuo yaki nyerami. Yuu kyau kuki andakepe nakama paraminyi kata dokona silyamo dupwame puli pyao kenane pyarami dee isa dupwame rae maiyuo pii ketae palyuo larami.

Aisaya 54:1

Jerusaleme emba enda ingi porailyamo wane manja nao petenge dopale ingilyamo karenge doko raeme kumuo kenane ketae palyuo karape. Renge doko enda akalingimi yaki nyuo peyamopa baa wane malu manjiramopa akali role pingi dokome wane mendasipa iki manjira.

Aisaya 35:2

Yuu bange anda nange doko yuu kyau Lepanone au piyamuli pyuo rae maipala kenane poraiyuo pyara. Yuu Kamele amenge pinginyili pyuo yuu muiyane doko seramopa wambu peparaeme Anatunya porai rengepe neta rengepe yulu wakasape doko angi kandarami.

Samu 107:38

Baame banya wambu dupwa elyape keta pisiyasa wane wai kisiya. Dee nakamana mena bulamakao dupwa wai kiso andakyuo piya.

Niyamaya 9:23

Embame akali wai kisinyipa yakena bui karapyamo mendeme yaka laa nalyaminyi dopale inginyi pyambii. Nakamana rora ambasu dupwa yuu doko mairunupa palirami lao lalu lao leene dokona nakamame anamasi minyuo epo palena lee.

Jasi 5:3

Kiŋi dupwa selapape. Nakama kamongo dupwa warombo soo karalapape. Isaraele wambunya Anatu Kamongo doko kando namba kenane pyao kurulu rambyalupi lao piru.

APOSELENA YULU 8:8

Dopa piyamo dokopa anda malu palyuo kareya dokona palenge wambu dupwa ama rae maiyuo peteyami.

Jasi 7:22

Gitionena akali dupwa nakamana bikuli poo lao kareyami dokopa Kamongo dokome nyisu petenge wambu malu kareyami dupwa rangena wua gela dupwame mende pyapa pyapa pyuo pinya lao yulu piyamosa piyami. Nakama ralo makando pao yuu Saretane kata dokona pao yuu Betesita kando nyiyami. Nakama yuu taone Epolo Melola lenge yuu Tapate repeta singi dokona peyami.

Jasi 8:12

Dokopa yuu Mitiane kiŋi akali lama Sipa Salemunapa dolapo ralo makando peyambi. Dopa pyuo peyambinyipape baame peteta papala nakamba minyaro nyiya. Dokona lao nakambana yanda singi dupwa peparae ama pakame kumuo kareyami.