Aisaya 2:5 - Anatunya Buku Baepole Ole Testamene Pii Lapo dee Nuu Tesamene

⁵ Dakapa Jekopena para piyamo dupwa Kamongona kata yalu pii napala ena pasi silyamo dokona papyuo pyuo karo pimanale ipupwa.

Aisaya 2:5 Referans Kwoze

Epesasa 5:8

Nakama wamba iminjiyamo dokona isa sulu sulu paeyo kareyaminyipape epapu Kurisene ingyapala Kamongona yanga paupau lenge dokona karaminyi. Dokona yanga paupau lengena wane wanakepe ingyuo karalapape.

1 Jone 1:7

Baa yanga paupau lasi dokona karenge doko suu pyao namwa yanga paupau lasi dokona kararama ramo dokopa namwa lao yalya kando pisiramano banya Ikinyingi Yesunya ranjama dokome namwana koo dupwa peparae kwuanyi nembapa pyakara.

Luku 1:79

Wambu kumasi ingyuo iminjingi panda dokona pisirami dupwa keta yanga paupau lakamira, mona seramo pupwase lao kata lasaka pira, leya Sakarayame.

1 Jone 1:5

Ikinyingi dokome waili pii namwa langiyamopa soo nyepala nakama langilyamano. Anatu baa yanga paupau lao karenge. Iminjingi doko baa keta pali nange.

Aisaya 58:1

Kamongo dokome lao, Pii poraiyuo kaeyo lao nambana Isaraele wambu dupwana koo dupwana lao lamaipi, letamo.

Aisaya 2:3

Yuu dupwana wambu dupwame lao dokopa Isaraele wambunya Kamongo Anatunya yuu kyau tembole anda dokona monako lao parami ingyara. Namwa baame apa pimili lao suu pilyamo dokona mana nyuo baame kata parama doko wapwakao otapya dokona pao pimanale. Kamongona mana pii doko yuu Jerusaleme dokona piso epara yuu Sayone dokona piso banya wambu dupwa lamailyamo.

Samu 89:15

Emba mona joo misi kenane pyao kingi wapambupi lakandenge wambu nakama rae maiyuo paramilyamo. Nakama embena anjiki pingi renge eŋa pasi dokona moko ware pyuo karenge.

Samu 89:16

Emba karenge dokona lao nakama rae maiyuo pao yuu kwuanyi serenge. Dopa pyuo embame keyange pingi dupwana lakandenge.