Aisaya 1:5 - Anatunya Buku Baepole Ole Testamene Pii Lapo dee Nuu Tesamene

⁵ Isaraele akipamo embame yanda pimwaiyuo puu pelepe. Emba dee kamba yasu kee letepe? Isaraele embena kyawa dorena wua kakupi nyuo pisapala mona suu pingipi dorena kumapyamo karene.

Aisaya 1:5 Referans Kwoze

Aisaya 31:6

Kamongome lao, Isaraele wambu dupwa nakamame namba kando koo pipala namba mata rukyuo pilyaminyi. Dopa pilyaminyiko doŋo epapu namba karo dokona range kapu kyuo ipupwape.

Jeremaya 2:30

Nambame nakama mana langyuo pyalana pipunupape dokome nakama nyiso rola nalyamo. Nambame nakama kata rolae lasaka pyuo dopa pii dapa lao langi laa nalyaminyi. Mena laene gasimwa pokapala nenge nenge manjo pii lenge dopale ingyuo nakamame nakamana poropeta dupwa pyao kumuyami.

Niyamaya 9:34

Namwana rora ambasupi namwana kiŋipi namwana litape dee purisipi dupwa peparaeme embena Mawa Pii doko minya nayami. Nakamame embena repe repe piipi embena pinya lao pii poraiyuo ingyuo lengepe dupwa see nayami.

Aisaya 33:24

Dee namwana yuu dokona palirami dupwa peparae anga pilyamo lao mumu laa narami ingyara. Dee koo peparae nyuo kame sisi sera.

Aisaya 1:23

Nakamanana lita akali dupwa mendale isa palyili palyili lao waa nyingi dupwana puu kulisa ingilyaminyi. Nakama karena lakaro bange sinya lao diriki pyuo nyuo lao karaminyi. Dopako pyuo dee muiyane wambu enda waiyape dupwana moŋo ipyamo minyuo kotena iminyi dupwa mondo lao lakami nalyaminyi.

Isikiolo 34:4

Embame porai napyamo karaminyi dupwa suu pyaa nao anga pyapyamo karaminyi dupwa pyuo nyii nao rete pipyamo dupwa yaki pyakami nao neta puminyi dupwa sukusa nyii nao pyuo karene. Dopa piri doko suu pyao wambu dupwa randa maiyuo karene.

Isikiolo 34:16

Nambame isa pelyaminyi dupwa koto karo neta puu pao otasi dupwa nyuo lanyuo epo rete pira dupwa yaki pyakamyuo anga pyara dupwa lete nyuo pyuo kararo. Dopa pirunupape wambu rondo lasipi porai ingyuo karaminyipape dupwa pyao kokwa sinyi nembaro. Renge doko namba sipisipi rapu pingi ingyuo karo dokome rolae doko anjuku lao mee dopa piru ingilyamo.