2 Timoti 2:9 - Anatunya Buku Baepole Ole Testamene Pii Lapo dee Nuu Tesamene

⁹ Namba waili pii keyange lapunu dokona lao randa nyipunupa wambu pingi akali dopale ingyuo puu saneme kiimbwaminyi karo. Dopa piminyipape Anatunya pii doko puu maiyuo retarami ingya nalyamo.

2 Timoti 2:9 Referans Kwoze

Pilipai 1:7

Nambame yuu peparae nakamana lao suu pyale pyuo karo. Dokona lao rolae ingyuo nakama kondalyo. Waili pii keyange dokona lao kote leyaminyipape nambame pii keyange doko raeyo penale lao roleyo gii dokonape dee dakepa puu jiminyi karowape nakamame namba yaki nyii napala Anatumi yulu jiya dokona namba role pyao piyamioko.

APOSELENA YULU 28:31

Anatunya isingi yulu dokona boo pyao lao karo Kamongo Yesu Koraisa dokona lao eŋa nembo mana lamaiyuo kareyamopa mendeme daa laa nayami.

2 Timoti 1:8

Namwana Kamongo dokona pii polo lalana elya nao dee namba banya ingyuo karapusi palo dokona lapala elya nyii napipiyoko. Dopa pyuo Anatu emba porainyi pyambwaramopa waili pii keyange dokona lao randa emba keta eparamo epena rao laoko karape.

Kolosi 4:3

Koraisana yalu pisi singi dupwa kapa boo pyao larami lao Anatumi kata wapwakanale lao ateŋa lakarami. Namba pii dokoko lao kareyonosa karapusi palyuo karo.

2 Timoti 4:17

Dopa piyaminyipa Yesumi namba role pyao karapala banya porainya renge jiya. Jiyamo dokona waili pii angi doko lamaiyunupa Juu daa rara wakale dupwa peparae kapa siyami. Mende doko namba mena laenena nenge kata dokona Anatu baame nenge raka lao nyiya.

1 Pita 2:12

Kurisene daa pipa karo dokopa emba dopalepe dapale lao kandarami doko suu pyao kandokondali pyuo wasinyi nembo piso karo piri. Dokopa Yesu kapu kyuo eparamo gii dokopa nakamana yulu keyange dupwa panaramopa kandarami Anatu kando lakandarami ingilyamo.

1 Pita 4:15

Nakama mendeme wambu yango pyao kumakaope waa naope mata kando laope yulu koo dokore pipala randa nyerami doko kapa ingya nalyamo.

2 Timoti 1:12

Renge dokona lao namba keta randa nyilyu. Randa nyipunupape namba dokona lao elya nalyo. Nambame akali kapa ingingi lao suu pyao karo doko range silyu. Yuu gii mupwa ene pyaka sepa naramopa yulu piri lao rombo palyakaya dokona minyuo pyuo kararo dokopa kyawa minyuo karara.

2 Tesalonaika 3:1

Yangonemoo epapu pii lumwa pyuo leto. Doko nakama Kamongo Yesunya waili pii keyange waiya lao sepala Anatu lakandeyami. Doko suu pyao yuu muu wakale dupwana wambu peparae waiya lao soo nyepala Anatu lakandarami dokona ateŋa lakalapape.

Kolosi 4:18

Nambana kingi dake Pole lao pyanjilyimi pyanyi palyilyu. Namba puu maiyamisa kiimbasi peto kande. Anatumi mona keyange palyuo ipingi renge nakama keta palena lao yako leto.

Epesasa 3:1

Dokona lao namba Pole nakama Juu daa rara wakale dupwana lao Koraisa Yesunya anjisi akali ingyuo karo.

APOSELENA YULU 9:16

Dokopa baa nambana kinginya reke lao randa nyeramo dupwa wambo lasaka piru leya.

1 Pita 3:16

Polo lamaiyuo dokopa pyalana pii nao anjiki pyuo mana lamairi. Yulu koo mende pii nare dokome lapo nakama mata kando lao kararami ramo dupwa enakana embena Kurisene yulu keyange kandapala kandakinyuo lapulyamo lao suu pyapala elyuo parami.

2 Timoti 1:16

Onisimasa namba yuu malu mee rae mainyi pyambuyamo dokona Kamongome banya ree palu sakao pyuo nyinya. Baame namba karapusi kareyo dokona elyapala kaeya naya.

Luku 23:32

Akali lama kendepo nao karenge opetae baa role pyao kumakarama lao lanyuo peyami.

APOSELENA YULU 21:33

Dokopa akali dokome repeta epapala Pole puu maipala puu sane lamame puu pinya leya. Lapala baa akali dake api lao apa pipya lao piso siya.

Pilipai 1:17

Wambu menge dupwa Yesu Koraisana waili pii keyange kyambo lele lao nakama rangena kingi andapyali lao letaminyi. Doko namba karapusi dokona moŋo andake jimwali lao lamisa pilyamo.

1 Tesalonaika 1:8

Kamongona waili pii nakama keta raeyo peya doko yuu Masetonia Girisipana iki daa. Nakama Anatu kapa ingingi lao suu piyami doko yuu muu peparaena lao peya. Dokona namwa aki mende konda pyuo laramase?

2 Timoti 2:3

Koraisa Yesunya yanda pyakamaingi akali ingyuo yasoko nao karare ingilyamo.