2 Timoti 1:4 - Anatunya Buku Baepole Ole Testamene Pii Lapo dee Nuu Tesamene

⁴ Namba embena ee leene dupwa suu pyapala kandapulimi kumulyu dokona epo emba kandapala dokopa raeme kumaro.

2 Timoti 1:4 Referans Kwoze

2 Timoti 4:9

Emba range porayapala waiya lao namba kandala epare.

2 Timoti 4:21

Emba kupwa pingi pyaka sepa naramo dokopa wambo ipulinya suu pyao karape. Yupyulasamoo, Pyutenesa, Lainasa, Kolotiamoo dee lapo dupwa opetaeme yako letaminyi.

1 Tesalonaika 2:17

Yangonemoo namwame nakama rekya lao kaepala yuu wakale yuu gii mendasipa iki peteyamanopape nakama kondapala lenge kambu kandalana lao suu piyama. Yuu gii dokopa nakama kame soo kaeya nao yongome iki yaki nyuo kaeyama.

Pilipai 1:8

Yesunya kondange renge dokome namba pyapyamopa nakama kandowane lao suu pyao kinyi kondo karapala letene lao Anatu baa kandapyamo leto.

Orepalaisane 21:4

Anatumi isa wambu mona minyarambu nakamana lengena ee kwuakamira. Nakama dee kuma naope sakame kumuo mona rando ee lao kara nao pirami. Yulu wambo singi dupwa pyalingi nyilyamo leya.

Orepalaisane 7:17

Sipisipi Ikyane petenge isa andake dokona karapala baa nakamana rapu pingi ingyuo pelyamo. Baame ipwa guu lete palenge dokona nakama reto karara. Doko Anatumi nakamana ee kwuakamirasa pira leya.

1 Jone 1:4

Yalya kando pisirama ramo dokopa namwa raeme kumuo pisirama lao pepana pyao reto jilyamano.

Pilipai 2:26

Baa nakama peparae kandapuli yaka lao letamo. Nakama baa anga pyalyamo lao siyami. Siyaminyi dokona baa mona randalyamo.

Orome 1:11

Nambame nakama dakepa kandowane lao suu pilyu. Epapala imambunya yulu dokona renge keyange lapo polo langirunupa nakama Kurisene yulu dokona porainyi pyambwara.

APOSELENA YULU 20:31

Dokona suu pyao nakama lenge rao piso nambame ee kana rema kukwa korakamape kaeya nao ee lao waipi lao langyuo karee kande lao suu pyaro karalapape.

APOSELENA YULU 20:19

Kamongo dokona kendemande yulu pyuo karo range pendewa karalyano lao suu pyao ee lao Juu wambu dupwame namba pyalana pyuo wato lao karapu piyamisa namba lekeleke rao kareyo.

Jone 16:24

Wamba nambana kingi dokona lao piso see nayami. Monarena pyakalyuo pingi renge dokome simbuo pyoko pyoko lena lapala piso selapape. Dokopa kando nyerami ingilyamo.

Jone 16:22

Doko suu pyao epapu nakama kondome kumuo karaminyi. Dopa pilyaminyipape nambame nakama dee epo kandarono dokopa nakama monarena pyakalyuo pyaramo kararami. Dokopa mendalimi nakama monarena pyakalyuo pyaramo renge doko rekya lao nyeraminde daa.

Jeremaya 31:13

Dokopa wanake dupwa mali lyuo wamya lyuo rae mairami. Dee akali parange alemope dupwa rae maiyuo mona pyakalyuo pyaramo kararami. Dokopa nambame nakama mona minyarambunyi pyambwapala nakamana kumanda piso ee lao dupwa alowa pyuo mona pyakalyuo pyao rae maingi renge mairu. Dee kondange renge paleta karenge dupwa rae mainyi pyambwaro.

Aisaya 61:3

Lapala lao wambu lapo yuu Sayone dokona kumanda petaminyi dupwa mona rando kondange doko suu pyao rae maingi renge maiyuo dee kumanda piso ee lenge doko suu pyao lakandenge kenane maiyuo puu lapyasa epelyo. Nakama Kamongo rangeme isa wara pilyamo andenge dopale ingyarami. Dokopa nakama peparaeme yulu rolae doko anjuku lao pirami. Dokopa Anatu baame yulu piyamo dupwana lao baa lakandarami ingyara.

Samu 126:5

Dokona lao ee pipya karo ee waingi warapiyami dupwa manjo nao karo dokopa rae mainyale.