2 Samyuele 9:3 - Anatunya Buku Baepole Ole Testamene Pii Lapo dee Nuu Tesamene

³ Dokopa kiŋi dokome kambako piso soo, Nambame Kamongo Anatu kando lalu lao lao anjiki pyuo nyisaro leyo dokona kiŋi Solena ree palu dokona wambu lapo pyarepala pao karamisi? leya. Dokopa Sipame isingi lao, Jonatanena ikinyingi mendeko iki pyarepala peyamo karamo doko baa kimbu kooŋo, leya.

2 Samyuele 9:3 Referans Kwoze

Luku 6:36

Nakamana Rakane dokome kondo nyiso karenge doko suu pyao nakamame dopako pyuo kondo nyiso karalapape.

Dutaronome 10:15

Dopa piyamopape Kamongome nakamana rora ambasu dupwa mona wakasa reteyamo dokome baame wambu rara menge lapo rombo palyapengele doko kaepala nakama rombo palyiya. Rombo palyiyamo dokona banya rombo palyisi wambuko mee petaminyi.

2 Samyuele 19:26

Baame isingi lao, Emba kiŋi andake doko, nambana kimbu dolapo koo doko emba silini. Dokome namba embapa role pyao parambaŋa lapala nambana kendemande akali doko lamaiyuo, Nambana mena donge dokona piso embapa role parambaŋa komau kwuo rapa rapa pyakana leyonopape baame namba kyambo langipala pyaka naya.

Dutaronome 4:37

Nakamana rora ambasu dupwa mona reteyamo dokona baame nakama rombo palyuo banya porainya renge wakasa dokome baa rangeme nakama yuu Isipi yaki nyuo kiiramo minyuo epeya.

2 Samyuele 9:7

Dapitimi isingi lao, Emba paka napipi. Embena rakane Jonatane doko nambame kame see nao suu pyao karo banya reke lao nambame emba anjiki pyuo nyisaro. Nambame embena kauwane Sole dokona yuu dupwa peparae emba range jero. Dee emba yuu peparae nambapa nenge role pyao nala epare, leya.

2 Samyuele 9:13

Dokopa akali Mipiposeta kimbu laparae kwaeyasi doko yuu Jerusaleme paleya. Palipala baa kwuara yangara peparae lao kiŋi role pyao nenge nao kareya.

2 Samyuele 19:27

Emba kiŋi andake doko. Baame nambana lao kyambo langiya. Dopa leyamopape emba Anatunya aŋala dopale dokome embame kandarene rolara dupwa pepe.