1 Timoti 4:15 - Anatunya Buku Baepole Ole Testamene Pii Lapo dee Nuu Tesamene

¹⁵ Yulu dokonako emba kumuo maipala mana nyuo piri. Pirinyi dokopa yulu doko ando paramopa wambumi kandenale.

1 Timoti 4:15 Referans Kwoze

Matyu 5:16

Doko suu pyao nakama kukwana kendapulinya mendeke ingyuo wambu dupwana lenge kambu dokona karo yanga paupau lao karalapape. Dokopa nakamana yulu keyange pyuo kararami dupwa kandapala Rakange yake panda karamo doko ketae pyambwamili lao pyuo kararami.

Samu 104:34

Nambana rae maingi renge doko baa keta epenge dokona nambame kenane pyaro dokome baa epe sinyale.

APOSELENA YULU 6:4

Dokopa namwa ateŋa lao mana pii boo pyao lao karo yulu dolapona iki suu pyao pyuo kararama leyami.

Taitesa 2:14

Koraisame baa namwana koo dupwana kumuo jepala namwa baa rangena wambu kipungi poo pyasi inginyi pyambuo kiiramo nyiya dokome yulu keyange dupwa angingyuo pinya suu pyao pimana.

Samu 119:97

Nambame embena mawa pii dupwa mona nyepala yuu peparae kaeya nao suu pyao karo.

Josua 1:8

Embame Mawa Pii buku doko kambunya lao lao pyuo karape. Yuu peparae kukwa korakama lao mana nyepala pii dokona pyasi palamo dusipa peparae suu pyanyi pyano piso dokopa warombo sepe. Dokopa emba au pyuo keyange ingyuo elyape keta pare.

1 Timoti 4:6

Embame pii dake Kurisene yango dupwa lamairi ramo dokome emba Koraisa Yesunya kendemande keyange ingyuo karare. Yuu gii dokopa Anatunya imambunya nenge nao pirisa pira. Imambunya nenge angi doko nakama Anatunya pii soo nyuo banya yulu poraiyuo minyuo angi pyuope dolapo angi ingilyamo.

Samu 119:99

Nambame embena dopa pinya dapa pinya lao mana lenge dupwa poraiyuo suu pyao minyapu dokona mana lenge dupwa pipya mee mende ulipili ingyuo soo karo.

2 Korina 8:5

Nakama dopa pyuo yulu andake pirami lao suu pyaa nayama. Nakama wambo mona Kamongo doko maiyuo oteyami. Enakana Anatunya suu pingi doko moko minyapala nakamame namwa mona joo oteyamiko.

Samu 105:5

Nakama banya kendemande Aporakamena para pyao nyisi dupwa karaminyi. Nakama Jekope Anatumi rombo palyiyamo dokona para pyao nyiyamo dupwakaraminyiko. Dokona Anatunya yulu keyange pyuo wambumi pii nange yulu piyamopape kote rolae leyamopape dupwana doko mende kande lao suu pyao karalapape.

Samu 49:3

Nambame pii suu pyaro dupwa koko pao suu pyaro. Pyapala soo nyinginya renge doko laro.

Samu 19:14

Kamongo, namba kyawa lete nyepala lete wai pyao nyingi. Dokome nambanapii dee suu pingipi dolapo embame angi lalyane lao soo nyakape.

1 Korina 16:15

Setepanasa banya ree palupi dokona nakama silyaminyi. Nakama yuu Girisi dokona wambo kanda soo Kurisene ingiyami. Nakama Anatunya wambu dupwana nyiso pinya lao kumuo maipala banya yulu pyuo karaminyi.

Samu 63:6

Nambana luu palenge panda dokona palyuo soo dokopa embena lao suu pyao palyuo singi. Kukwa peparae namba embapa lao suu pyale pyale palenge.

Samu 1:2

Yulu koo pingi kandale doko suu pyao alowa pyuo banya rae maingi dokome Kamongona Mawa Pii lasi singi dokona warombo soo yuu peparae kukwa korakamape yaka lao poraiyuo suu pingi.

2 Korina 4:14

Anatumi Kamongo Yesu lete sipuro nyiyamo dokome namwa opetae Yesu role pyao minyalyuo nyera. Nyepala dokopa namwape nakamape role pyao banya lenge kambu seramo dokona lanyuo epara, doko silyamano.

1 Timoti 4:14

Poropeta akali dupwa misi andake lao kareyaminyipa Elyambu Pinginya mupwa dupwame emba elya pyuo pyambuo nakamana kingi dupwa embena kyawana reteyami dokopa Imambumi emba keta mora petenge jiyamo doko mee kaka soo nemba napipi.

1 Timoti 4:16

Emba rangena yulu pyuope mana pii laope dolapona kando pyuo karape. Dopa pyuo puu pare ramo dokome emba rangepe dee wambu embena pii serami dupwape kyawa minyara ingilyamo.