1 Timoti 2:9 - Anatunya Buku Baepole Ole Testamene Pii Lapo dee Nuu Tesamene

⁹ Pii mende doko enda dupwa nakama inyimungu mona palenge ingyuo piso nakama range komau kapa pira dupwa mondo lao wapunya. Dopako pyuo wambu kandamili kandamili lao kyawasi kalya pyuo kupinyi dorena palya dakena palya nalapape. Moŋokyaŋe soo mola wakale wakale dupwame kalya pii nao kana malu penge komaupi wapuo pii napenge. Dee kalya wakale wakale lapo opetae pii kaena.

1 Timoti 2:9 Referans Kwoze

Jeremaya 2:32

Enda mapwae dokome baa kalya pyuo akali nyela penge dokona banya mamakupi dee kalya bangepe dupwa kame soo yaki nyingisi? Doko daa. Dopa pii nange doko kaepala nambana wambu dupwame yuu gii malu namba kame silyaminyi doko yaka lapenge daa.

Poropepe 7:10

Dokopa enakana enda dokome baa kando nyiya. Enda doko baa ama komau keyange wapupala kyawa elya pyuo koteŋa renge pyapala peteya.

Jenesese 24:53

Dokopa kendemande akali dokome yanengena kalya pingi bange kana golope kulingipimi wasisipi komau keyangepe dupwa nyepala Orepeka maiyuo dee endangipemalengepe kamame kana malu penge bange dupwa maiyuoko piya.

Aisaya 61:4

Nakamame yuu taone lalyuo kwaeyasi dupwa dee kamba minyalyuo pirami.

Poropepe 31:22

Baame yapo nao palenge komau dupwa waso dee komau muku keyange elyoko kumapala dokome komau waso wapungi.

Matyu 11:8

Aki mende kandalana peyamisi? Wambu komau keyange au pyuo wapuo karenge dupwa kiŋi akali dupwana anda karenge kandale.

Poropepe 31:25

Dopa pingi dokona wambu dupwame baa enda porai kapa palyuo petamo dopa lao suu pingi dokopa enda dokome rengya pira dupwana paka manja nao petenge.

1 Timoti 2:10

Yulu keyange dupwa nyuo komau ingyuo wapurami. Dopa pirami doko Imambunya kata ingyuo paramisa pira.