1 Timoti 2:3 - Anatunya Buku Baepole Ole Testamene Pii Lapo dee Nuu Tesamene

³ Yulu keyange dopale dokome namwana Lete Wai Pyao Nyingi Anatu doko rae mainyi pyambungi.

1 Timoti 2:3 Referans Kwoze

Ipuru 13:16

Yulu keyange pyuo yango mendali nyisalana maka nalapape. Yulu doko Anatu rae mainyi pyambuo kumuo maiyuo karenge dopale ingilyamo.

1 Timoti 1:1

Namba Pole Koraisa Yesunya aposele akali Anatu namwana Lete Wai Pyao Nyingi dokope Koraisa Yesu namwa keta dee epara dokope leyambinyili pyuo aposele akali ingyuo karo.

1 Pita 2:20

Yulu koo pirinyipa pyarami dokopa mende laa nao kararami ramo doko mee kapa rolae ingyuo para. Doko mee kapa rolae ingyuo paramopape koo mende pii napala kopetame pyarami dokopa mende laa narami ramo doko Anatumi emba elyape keta pisara.

Orome 14:18

Yulu dusipana minyuo Koraisana yulu pira ramo doko Anatumi baa epekando kararamopa akali dupwame baako ketae pyambwarami.

1 Pita 2:5

Nakama opetae lete palengena kana pote isa ingyuo paraminyipa Anatumi Imambunya andaŋa lao nakama wasalana suu pilyamo. Nakama purisinya rara poo pyasi dokona yulu pyuo kararami ingilyamo. Pyuo karo Anatu rae mairali dupwa Imambunya yulu dokona suu pyao Yesu Koraisa keta rendamu pyuo kiso maiyuo karalapape.

1 Tesalonaika 4:1

Yangonemoo lumwa pyuo langilyu doko apa pyuo piramanosa Anatu rae maiyuo para lao mana langiyama kande. Dokonako palyuo nakamame pyuo karaminyi doko silyamano. Dee Kamongo Yesunya kingi lao yulu keyange konda pyuo pirami lao poraiyuo langyuokondali pyuo letamano.

Kolosi 1:10

Anatu nakama pimili lao suu pilyamo dupwa kando nyeparami dokona loma sakao petamano. Kando nyepala dokopa Kamongome nakama yulu pimili lao rae mairali dupwa pyuo kararami. Nakama Anatunya yulu dupwa soo nyepala yulu keyange doko jingi keyange lyingi dopale pyuo kararami.

Luku 1:47

Nambana Lete Wai Pyao Nyingi Anatu dokona suu pyao rae maiyuo peto.

Pilipai 1:11

Renge rolae keyange dupwa Yesu Koraisa keta iki sipurao epenge dupwa peparae nakama keta palyuo simbwanale leto. Nakama keta palira ramo doko Anatunya kingi ketae pyambuo lakando palirasa pira.

1 Timoti 5:4

Baa wane mandenge ramo panda apusingi karenge ramo nakambana Kurisene yulu mupwa doko endangi rakangepame wamba rapu piyambi dokona isingi rapu pyuo karena. Dopa pyuo pirami doko Anatu baa epe soo karara.

Pilipai 4:18

Bange malu kamame konda pyuo jiminyi dokona kapa karapala sangyu lao pepa dake isingi pyao jilyu. Ipaporaitasa baame nakamana bange jiminyi dupwa peparae namba nyipunu dokome epapu mende namba yangya nara ingilyamo. Anatu kyaa pyuo rendamu pingi mailyaminyipa kando nyuo rae maiyuo pingi doko.

Aisaya 45:21

Nakamana kote pii palamo dupwa minyuo kotena ipupwape. Wambumi nakama nyiso letaminyi dupwa mendeme mende pisalya pisana pyuo lena. Rengya mende piraŋa apimi wambo nolakao leyase? Doko namba Kamongo Anatu banya wambu dupwa nyiso kyawa lete nyingi dokomeko leyo. Anatu wakale mendepe kara nange.

2 Timoti 1:9

Baame namwa lete wai pyao nyepala banya ingyarami lao kyakale leya. Doko namwame range yulu keyange piyamande daa. Baa rangena suu piyamuli pyuo mona keyange palyuo ipyapala kyakale lao rombo palyiya. Yuu ene wasaroŋo lao karo dokopa Koraisa Yesu keta mona keyange palyuo ipingi doko joo kaeya.

1 Timoti 4:10

Anatu lete karenge dokome baa kapa ingingi lao suu pilyamano dokona lao yulu andake randa nao pyuo karamano. Baame wambu peparae lete wai pyao kapa nyera ingyapyamopape baa mona angingyuo maingi wambu dupwa kaeya nao lete nyera ingilyamo.