1 Timoti 1:17 - Anatunya Buku Baepole Ole Testamene Pii Lapo dee Nuu Tesamene

¹⁷ Kuma napala karalu karenge Kiŋi doko baa wambumi kapa kanda nange Anatu mendaki doko kando wambu peparaeme lakandapala kingi ketae nembo karalu kararami doko kinyi.

1 Timoti 1:17 Referans Kwoze

Juti 1:25

Namwana Anatu mendaki baa lete wai pyao nyingi doko baa kiŋi ingyapala yanga paupau lenge rengepe kai wambowape dakepape dee yuu rakyamepe renge keyange dusipa Kamongo Yesu Koraisa keta sulu sinya, doko kinyi.

Orepalaisane 19:1

Enakana yake dokona piso pii ketae lao wambu ama malumi pii larami dopale leyaminyi siyu doko, Lete wai pyao nyingi yulupi yanga paupau lenge dokope porainya rengepe namwana Anatu baa keta palenge. Dokona banya kingi lakandalapape leya.

Orepalaisane 17:14

Nakama mena Sipisipi Ikyane dokopa pyakandaraminyipa Sipisipi banya wambu baa yaki nyii nange rombo palyuo yapo nyiyamo dupwa pipame mena koo doko nyuo isa palyarami. Doko baa kamongonyako Kamongo ingyuo karo dee kiŋinyako Kiŋi ingyuo karenge dokome nyuo anamara leya.

Kolosi 1:15

Namwa Anatu kapa kanda nange dokona Koraisa baa Anatu yale isa komba pyao karamo baame wasiyamo dupwa peparaena mupwa ingyuo karamo.

Orepalaisane 19:16

Banya komau londepe dee kimbupi dolapona pepa pyasi paleyamo doko, Baa kiŋinyako Kiŋi mupwa dee kamongonako Kamongo mupwa doko lao paleya.

Orome 1:23

Anatu karalu karenge doko ketae pyambuo lakandarami doko kaepala nakamba mee bange lapo isa wambupi mena yaka kaupi dopale lapo wasapala dupwa ketae pyambuo kingi letaminyi.

Orepalaisane 19:6

Enakana pii mende wambu malu wakasame ipwa jerae pyao malyili laope dee yuu gala lao rali pili lao lao epeyamo siyunu dokona lao, Namwana Kamongo Anatu Porai Wakasa doko baa kiŋi ingyuo karamo dokona lakando karamana leya.

1 Jone 4:12

Wambu dupwa peparaeme yuu mendepape Anatu kanda nalu nao nange. Namwame namwa lao mona reto kararama ramo doko Anatu namwa keta epo maralyapala mona retenge angi doko namwa ando nyimbunya lao joo kararandeme pira.

Jone 1:18

Mendeme Anatu kanda nange. Ikinyingi mendaki iki doko Rakangena mona enge dokona karenge dokome baa apiyakalende lao rolo leya.

Matyu 6:13

Namwa makande pira ingilyamo dokona embame namwa lanyuo paa napala koo dokome maralyasara lao kyawa minyuo karape. Pii dopale lao ateŋa lalapape.

Samu 90:2

Yuu kyau dupwa wasapa nao karowape dee yuu muu peparae ingyalana karowape Anatu emba letena renge palyuo Anatu ingyuo karalu karengepya. Dokoko Anatu ingyuo karo puu parepya.

Orepalaisane 15:3

Nakamame Anatunya kendemande akali Mosesena kenane doko pyao dee Sipisipi Ikyanena kenane doko pyao dopa pyuo leyami. O Kamongo Anatu Ama Porai doko, embena yulu dupwa peparae ama wakasa ingyapala elyape rolae ingyuo singi. Emba yuu muu peparaena kiŋi ingyuo karene.

Orepalaisane 7:12

Kinyi Anatu lakando ange lao banya kingi ketae pyambwarama ingilyamo. Baa soo gisingi dokome kamame porai renge baa keta palipyamopa neta renge ingyuo pelyamo, doko kinyi.

2 Pita 3:18

Nakama Lete Wai Pyao Nyingi Kamongo Yesu Koraisa soo ando paraminyipa banya mona keyange palyuo ipingi renge doko nakama keta jokondali pinya lao leto. Mange epapu piso pao rengyanape banya kingi doko ketae palyuo puu penale, doko kinyi.

1 Pita 5:11

Porai renge dupwa banya ingyuo sulu silyamo, doko kinyi.

Ipuru 11:27

Baame Anatu kapa ingingi lao suu piyamo dokome Kiŋi Perao imbu singi manjira dokona paka napala yuu Isipi doko yaki nyuo peya. Baa Anatu karamo doko mane mane piyamopa mee kyawame suu lao puu pao peya.

Orome 16:27

Anatu baa iki karenge dokome singinya renge peparae baa keta simu pyao silyamo. Baa dokona lao neta renge yulu doko Yesu Koraisa keta Anatu baa lakando palu palena, doko kinyi.

Orome 11:36

Anatu baame bange peparae pyuo wasiya. Wasapala bange peparae banya kingi kapena pyuo wasisi dupwa banya ingyuo silyamo. Anatu baa neta renge ingyuo karalu karenale, doko kinyi.

Orome 2:7

Wambu lapo kyakana renge sulu singi yulu dokona kingi ketae paramopa neta renge ingyuo karalana dokona yulu keyange pyulu pyuo pyuo karaminyi.

Orome 1:20

Namwa Anatu lengeme kanda nayamanopa baa yuu wasiyamo dokona piso epo dakepape neta renge ingyuo porai wakasa karalu karenge ingilyamo doko panelyamo. Baa bange peparae wasiyamo dokome baa angi apiyakale doko panelyamo. Dokona ingyuo namwa baa see nayama larama dokona kata mende pali nalyamo.

Matyu 28:20

Nambame nakama dopa pipwape dopa pipwape lao langyuo karenge pii dupwa peparae minyuo pyuo karena lao mana lamaipwape. Dokopa isa wambu karamano yuu gii doko ene lumwa pipa naramopa namba nakama pipya yuu peparae role pyao kararama lyakande, leya.

Matyu 25:34

Dokopa Kiŋi dokome banya kingi rolaerena kararami dupwa kando dopa lara. Rakangeme nyiso elyape keta pisiyamo dupwa baa yuu kanda soo wasiyamo dokopa isingi panda keyange mende wasakayamo dokona karala ipupwa lara.

Malakae 1:14

Akali mendeme banya mena karenge dokona keyange mende jero lao lalu lao lapala kaeyo joo dokopa dee mena koo mende pyao kiso jera ramo baa keta koo palena leto. Dokona lao namba kiŋi andake mupwa dokome wambu peparaeme namba kando pakalyaminyi, Kamongome dopa letamo.

Maeka 5:2

Yuu Juta dokona Beteleme Eporata taone ama kuki ingyaramopape nambame nakama range sukusa dokona mende Isaraele wambu rapu pirande rombo palyuo nyero. Banya rora ambasupi dokona wamba malu mee karo peyami dokonandeme rapu piraŋa lao rombo palyaro.

Daniele 7:14

Dokopa wambu yuu muu peparae palenge dupwamepe pii wakale wakale lenge dupwamepe wambu rara peparae dupwamepe banya yulu pyakamirami lao baa porainya rengepe kingi ketae pyambuo lakandenge rengepe dee kiŋinya porai rengepe dusipa maiya. Banya porainya renge doko sulu sera dee banya kiŋi yulu doko ota nara ingiya.

Daniele 4:37

Dokona epapu namba Nepukatenesame, Yake Pandana Kiŋi doko kingi ketae pyambuo rape rape lao lakandelyo. Renge doko yulu peparae baa keyangeko pingi. Baa yuu peparae rolaeko pyuo karo wambu mendali kamame ulipili mupwa lao suu pingi dupwa nyuo kui lao kuki ingyuo inyimungu karena lao pingi, leya.

Daniele 4:34

Kiŋi dokome lao, Ee kana yanda ipingi nyepo papeyamo dokopa yake dulu kandalyuo kandeyo. Kandapala suu pingi wambu kopyali minyuo suu pyao kareyo doko kaepala Anatu Mupwa Andake Wakasa karenge doko ketae pyambuo rape rape lao lakandeyo. Baame iso rapu pyuo karalu karara. Banya isingi yulu doko yuu gii peparae soo puu para.

Samu 145:13

Embena isingi yulu doko ota naramopa emba kiŋi ingyuo karo puu pare. Kamongo dokome yulu pira letamo dupwapipala kaenge. Banya yulu pilyamo dupwa peparae keyange ingingi.

Niyamaya 9:5

Lipae rara dupwa ateŋa lao piyami dokona wambu dupwa dopako pyuo misi lao pinya leyami. Jesuamoo Katemele Bani Asapenaya Serepaya Otaya Sepanaya Petatayamoo dusipame lao, Roya karapala nakamana Kamongo Anatunya lao kingi lakandalapape. Baa yuu peparae lakando karalu karalapape. Karapala mee akalimi ingyuo embena kingi kapa lakanda nalyaminyipape Kamongo embena kingi neta renge doko wambu peparaeme angi ingyuo lakandenale.

Daniele 2:44

Yuu gii kiŋi dusipame iso kararaminyi dokopa Anatu yake panda karenge dokome kiŋi enenge mende rombo palyuo baa mee karalu karena lara. Kiŋi wakale dupwame baa pyao anamasi minya narami. Dopa piramopape baame kiŋi doloma peparae pyao isa palyapala baa mee iso palyuo puu para.

Jone 5:44

Yango nakamana kingi wambu yangome ketae pyambuo karamili yaka lao suu pyao karaminyipape Anatu mendaki karenge dokome nakamana kingi ketae pyambuo karapyali lao suu pyao kara nalyaminyi. Dokona lao nambana pii dupwa soo nyii narami ingilyamo.

Orome 2:10

Wambo Juupi dee Juu daa rara menge dupwa opetaepe Anatu baa warombo soo pirami dupwa keta banya mona kyuu lao singi rengepe banya yanga paupau lenge rengepe ketae pyambungi yulupi dusipa nakama keta palira.

Ipuru 2:7

Embame wambo baa aŋala dupwana punji punji ingyuo karena lao karapi kandape doko dakepa embame baa neta renge ingyuo ketae pyambulinyi.