1 Samyuele 5:6 - Anatunya Buku Baepole Ole Testamene Pii Lapo dee Nuu Tesamene

⁶ Kamongo dokome yuu Asote wambu dupwa soo nyinya lao randa maiyuo paka mona palyinyi pyambuya. Baame yuu taone Asote dokona dee yuu kipwa kipwa dupwanape wambu dupwa randa maiyuo nakamana yongo dupwana amungi ama kameya dupwa pinya leyasa nakama ama randa nyiyami.

1 Samyuele 5:6 Referans Kwoze

1 Samyuele 5:11

Lapala nakamame kambako Pilisitia kiŋi peparae epena lapala lao, Namwape namwana wambu ree palupi dupwa pyao kumasa naraŋa lao Isaraele wambunya Kana Minyuo Lalu Lao Lenge Pii Palenge Bokote doko banya yuu range dokona kapu kyuo nembakaminya leyami. Doko Anatumi soo nyimili lao randa maiyasa wambu malu kumuyamisa nakama pakame kumuo kareyami.

APOSELENA YULU 13:11

Epapu Kamongona kingi dokome emba mende pyakalya kande. Embena lenge kwaeramopa yuu lapo emba neta kandalana lisa piri leya. Leyamo dokopa aopa banya lenge dokona kopa peteyasa baa wambu mendeme kii minyuo pumili yaka lao piso soo paeya.

Samu 32:4

Kukwa korakamape kamongo embame namba randa jii. Panyi pipala yuu rombe laa nangenyili pyuo nambana porainya renge doko mee ingiya.

Ekesetase 9:3

embena mena dongepe ose kamele bulamakao sipisipi memepe peparaena peyaro.

1 Samyuele 5:7

Nakamame doo piyamo doko kandeyami. Kandapala nakamame lao, Isaraele wambunya Kamongo Anatu dokome namwape namwana mee bange anatu kingi Dakene lenge dokope randa jilyamo. Dokona namwa Kana Minyuo Lalu Lao Lenge Pii Palenge Bokote doko dae yuu gii mende nembo sinya laa namanale leyami.

Jopo 31:3

Wambu lapo koo pirami dupwa baame randa andake maiyuo koo keta palyara.

1 Samyuele 5:9

Dopa pyuo minyuo papeyaminyi dokopa Kamongo dokome yuu dokona wambu dupwa soo nyinya lao paka mona palyinyi pyambuo randa andake maiya. Baame wambu kuki andapaepe peparae keta amungi andake dupwa maiyasa randa nyiyami.

Samu 145:20

Mendeme baapa mona retaminyi dupwa peparae nyuo arapunya palyuo baapa koo pingi dupwa peparae kokwa sinyi nembo pira.

Jenesese 41:31

Ee kana nenge kakana peyamo neyami dupwa lopo andake seramo dokome mee ingyuo para.