1 Jone 2:12 - Anatunya Buku Baepole Ole Testamene Pii Lapo dee Nuu Tesamene

¹² Nambana Kurisene wanenge ikinyingipi dupwa, Yesu Koraisana kingi lao nakamana koo dupwa Anatumi nyuo kame sakayamo dokona epapu nakama pepa pyao jilyu.

1 Jone 2:12 Referans Kwoze

APOSELENA YULU 10:43

Baa eparamopa wambu baa kapa ingingi lao suu pyarami dupwa banya kingi keyange dokona lao nakamana koo dupwa kame sakasi seraŋa lao poropeta akali peparaeme wambo nolako leyami.

APOSELENA YULU 13:38

Yangonemoo selapape. Namwana koo dupwa nyuo kame sakalyamo doko akali dokona renge palyiyamosa pii doko epapu nakama boo pyao langyuo karambano.

Epesasa 1:7

Koraisana ranjama kulimbuo peyamo dokome namwa kiiramo nyisi karamano. Karamwanopa baa keta namwana koo dupwa kame sakapa pingi. Banya mona keyange palyuo ipingi doko andeyamosa namwa keta kakana pyuo jiya.

APOSELENA YULU 4:12

Banya kingi dokomeoko iki isa wambumi lete wai pyao parami. Kingi wakale wakale dupwa laminyipape namwa Yesunya kingi dokome iki letena renge kando nyerama leyambi.

Kolosi 1:14

Baako keta namwa kiiramo nyepala namwana koo dupwa nyuo kame sakaya.

1 Jone 1:7

Baa yanga paupau lasi dokona karenge doko suu pyao namwa yanga paupau lasi dokona kararama ramo dokopa namwa lao yalya kando pisiramano banya Ikinyingi Yesunya ranjama dokome namwana koo dupwa peparae kwuanyi nembapa pyakara.

1 Jone 1:4

Yalya kando pisirama ramo dokopa namwa raeme kumuo pisirama lao pepana pyao reto jilyamano.

Luku 24:47

Sipuraramopa banya kingi lao yuu Jerusaleme dokona kanda soo karo rara wambu dupwa peparae lamaiyuo, koo dupwa kondapala mona enenge palyuo kararaminyi dokopa Anatumi koo dupwa kame sakara, lao boo pyao papirami ingilyamo, lao pyasi palamo leya.

Luku 5:20

Dokopa akali dusipame baa kapa lete nyakara ingilyamo lao suu pyapala soo epeyaminyi doko kandapala Yesumi dopa leya. Puu minyingi embena koo dupwa kame sakao kaeyasi silyamo leya.

1 Jone 2:21

Nakama pii kinyi doko see namindena pepa pyao jiyunde daa. Nakama pii kinyi soo karo kyambo pii soo nembo karaminyi dokona pepa pyao jilyu.

Jeremaya 14:7

Nambana wambu dupwame namba kando ee langyuo dokopa namwana koo wakasa piyama dupwame namwa range randa joo koo keta palyilyamo. Namwa emba karenge lao suu pyao kara napala kata malunya mata joo pao kaeyama. Namwa emba kando koo dupwa piyama. Dopa piyamanopape Kamongo embame nyisaro lao lao kaeyene dokona palyuo nyisape.

1 Jone 2:7

Nambana puu minyingi dupwa lowa enenge mendena pyao langya nalyo. Lowa wambarae nakama yuu wamba singi kandale dokonandeko langilyu.

1 Jone 2:1

Nambana Kurisene wanenge ikinyingipi dupwa, nakama yulu koo pyuo kara nalapape lao langilyu. Dopa lao langirunupape mendeme yulu koo pira ramo dokopa Yesu Koraisa rolae karenge doko namwana koo dupwana lao Rakane kambu minyuo lamaiyakara lyakande.

1 Jone 1:9

Namwana koo dupwa Anatu keta polo lamairama ramo dokopa baame namwa yaki nyii nao kyawa minyuo yulu rolo pyuo karenge dokome namwana koo dupwa nyuo kame sakao ukiaki minyingi dupwa pyuo elya pyuo nyakara.

Epesasa 4:32

Mendeme mende kando anjiki pyuo karo mona pau lao, Anatumi Koraisa keta nakamana koo dupwa kame sakaya dokona suu pyao nakamame yango mendena koo dupwana suu pyanyi pyano kara nalapape.

1 Korina 6:11

Nakama lapome dopale ingyuo kareyami. Dopa piyaminyipape nakamana koo dupwa nyuo kame sakasi siya. Anatumi nakama poo pyao nyuo kaeya. Kamongo Yesu Koraisana kingi dokona lao namwana Anatunya Imambu dokome nakama Anatu keta rolae karaminyi lao kandeya.