Yohana 10:14 - Lagano da Sambi kwa Wanhu Wose

¹⁴ Niye ni ndimi ninogile. Nowamanya ng'hondolo wangu, na ng'hondolo wangu wonimanya niye.

Biblia Ching'hwele

¹⁴ Niye ni ndimi ninogile. Nowamanya ng'hondolo wangu, na ng'hondolo wangu wonimanya niye.

Yohana 10:14 Referans Kwoze

Yohana 10:27

Ng'hondolo wangu wodihulika dizi jangu, nowamanya nawo woniwinza.

2 Timoseyo 2:19

Mbali ukweli wa Mulungu wima chigangamavu fana viya dibwe da chandusilo, na kuchanyha yake kwandikigwa mbuli zino za chilaguso, “Mndewa kawamanya wanhu wake” na “Wanhu wose woilonga kuwa wawo wa Mndewa, waleke mbuli zihile.”

Yohana 10:11

“Niye ni ndimi ninogile. Ndimi yanogile kolava ugima wake kwa ng'hondolo wake.

1 Yohana 5:20

Chovimanya kuwa Mwana wa Mulungu keza kamala, nayo kachitenda chimmanye Mulungu wa kweli. Cheye chokala kwa kuilumba na Mulungu wa kweli na choilumba na Mwanage Yesu Chilisito. Ino iyo Mulungu wa kweli na ugima wa siku zose.

Waefeso 1:17

na nompula Mulungu wa Mndewa wetu Yesu Chilisito, Tata wa utunhizo, yamwing'heni Muhe Yelile, yondayamtendeni muwe wabala na kuwagubulilani Mulungu muladi mummanye ng'hani.

Yohana 17:3

Uno uwo ugima wa siku zose, wanhu wakumanye weye, Mulungu wa kweli wiidumwe, na wammanya Yesu Chilisito youmtumile.

Lugubulo 2:2

Nozimanya sang'hano zako na viya novimanya vuiyoha na ufunya umoyo wako, novimanya kuwa hudaha bule kuisondelela na wanhu wehile. Novimanya iviya kuwageza waja woitanga watumigwa na iviya wawo siwo, na kuwawona kuwa wavwizi.

2 Timoseyo 1:12

Niye nogaiya mbuli izo, mbali siwona chinyala kwaviya nimmanya ija yonimuhuwila, kaidi novimanya kuwa kezachikaliza vinogile chiya choyaning'hile mbaka zuwa diya vondayeze kaidi.

Wafilipi 3:8

Si vinhu ivo muhala, chila chinhu nochiwona si chinhu kwa vinhu vinogile ng'hani, ni kummanya Chilisito Yesu Mndewa wangu. Kwa ichimu chake nidaha kwasa chila chinhu, na niviwona vinhu vose kuwa unyolodo ng'hani, muladi nimpate Chilisito,

Waefeso 3:19

Mumanye ulondo wa Chilisito woufosa ilimu yose, mumemezigwe mbuli zose za Mulungu, muwe fana Mulungu.

Yohana 17:8

Niwe na mbuli zouning'hile nawo wazitogola. Wavimanya kuwa kweli nolawa kumwako, na watogola weye iyo unhumile.

Lugubulo 2:19

Mbali nizimanya sang'hano zako zoutenda. Noumanya ulondo wako na uhuwila wako na usang'hani wako na ufunya umoyo wako. Novimanya kuwa sambi koiyoha ng'hani kufosa mwanduso.

Lugubulo 2:13

Nihamanya haja houkala ni hanhu Lufyende hoyotawala fana mfalume. Mbali kogendelela kuwa mwaminika kumwangu, na hulonda kuleka uhuwilo wako kumwangu hata lusita luja Amtipa msindila wangu mwaminika viyakomigwe vimwili, haja hoyokala Lufyende.

2 Wakolimso 4:6

Kwaviya Mulungu yoyalongile, “Bung'hulo dimwemwese kulawa muna diziza,” katenda bung'hulo jake uchanyha ya mizoyo yetu muladi chidahe kumanya utunhizo wa Mulungu kwa kumulola Yesu Chilisito.

Lugubulo 3:15

Niyamanya yaja youtendile, nivimanya kuwa huli moto hebu huli uzizimi. Muhavu uhawile uzizimi muhala hebu moto muhala.

Lugubulo 3:8

Nizimanya sang'hano zako, lola nikwing'ha lwivi loluvuguligwe haulongozi wako, luja habule munhu yodaha kuhinda. Novimanya kuwa weye kuna ludabwa chidogo, mbali kuisondelela mbuli yangu, wala hulemile kuwa konihuwila.

Lugubulo 2:9

Niyamanya magayo yako, nivimanya ungayengaye wako mbali weye kuna vinhu vingi. Iviya novimanya viya viuligigwa na waja wowoitenda kuwa wawo Wayahudi mbali siyo Wayahudi, wawo ni kaye ya kutosela ya Lufyende.

Lugubulo 3:1

“Yandika kwa msenga wa kuulanga wa bumbila da wahuwila wa Chilisito da Salidi, “Niye nili na mihe saba ya Mulungu na nhondo saba nolonga. Nizimanya sang'hano zako, na komanyika kuwa kwa mgima humbe kudanganika.

Yohana 10:13

Kokimbila kwaviya ni munhu wa kulihigwa muhala, na hawagesa ng'hondolo bule.