Yakobo 5:9 - Lagano da Sambi kwa Wanhu Wose

⁹ Ndugu sekemulongelele mweye kwa mweye muladi sekemwize kulamuliligwa nhaguso na Mulungu. Niiyo Msemi yeli habeli kwiza.

Biblia Ching'hwele

⁹ Ndugu sekemulongelele mweye kwa mweye muladi sekemwize kulamuliligwa nhaguso na Mulungu. Niiyo Msemi yeli habeli kwiza.

Yakobo 5:9 Referans Kwoze

1 Wakolimso 4:5

Ivo sekemumulamulile nhaguso munhu yoyose ing'hali lusita halunafika, na gozeleni mbaka Mndewa vondayeze. Yeye kezagala bung'hulo muna diziza zozifisigwe na kulagusa magesa ya mizoyo ya wanhu. Baho chila munhu kezahokela nhogolwa imfaya kulawa kwa Mulungu.

Yakobo 4:11

Ndugu sekemuilonge vihile mweye kwa mweye, yondayamulonge vihile ndugu yake na kumulamulila nhaguso ya Mulungu, iyo koyalonga vihile na kuyalamulila nhaguso malagilizo ya Mulungu. One uhayalamulila nhaguso malagilizo, basi weye huyasondelela malagilizo bule, mbali koyalamulila nhaguso.

Masayo 24:33

Iviya na mweye vimuyawona yano yose viyotendeka, muvimanye kuwa siku zahabehi ng'hani.

1 Petili 4:9

Muihokele mweye kwa mweye bila kulongelela.

Wagalatiya 5:26

Ivo, sekechiigode na sekechiisovule, na sekechiiwonele migongo.

1 Petili 4:5

Mbali wezalondeka kumulongela Mulungu chila chinhu chiwatendile, ija yowalamulila nhaguso wagima na wadanganike.

Wagalatiya 5:14

Kwaviya Malagilizo yose ya Musa yofikizigwa muna dilagilizo dino dimwe, “Mulonde mkaya miyago fana vuilonda mwenyewo.”

1 Wakolimso 10:11

Ivo mbuli izo zilawilile kumwawo wawo, zikala chilaguso kwa wamwenga, na yandikigwa muladi kuchizuma. Cheye wochikala muna zisiku za habehi na uhelelo.

Maliki 13:29

Iviya, vondamuwone yose yayo yolawilila, mvimanye Mwana wa Munhu kammabehi ng'hani kwiza.

2 Wakolimso 9:7

chila munhu kolondeka yalave fana viyalamule muna umoyo wake, si kwa usungu wala si kwa kuwangilizigwa. Kwaviya Mulungu konogelwa na chila munhu yolava kwa deng'ho.

Maliki 6:19

Ivo Helodiya kakala komwihila Yohana, na kakala kalonda kumkoma. Mbali hadahile bule kwa ichimu cha Helode.

Lugubulo 3:20

Lola, nokwima hana ulwivi nohodiza. One munhu yahahulika dizi jangu na kuvugula lwivi, nizakwingila mgati yake na kuja hamwe nayo, nayo kezakuja hamwe na niye.”

Yakobo 4:12

Mulungu yaidumwe yokwika malagilizo na yotagusa. Yeye yaidumwe yoyodaha kulopola na kunanga. Ivo weye iyo yelihi youwalamulila nhaguso wakaya wayago?

Yakobo 5:7

Ivo ndugu zangu funyeni umoyo mbaka Mndewa vondayeze. Lola, mulimi kogozela mazao yake ya isi yoyolondeka ng'hani, kofunya umoyo kwandusila mvula za munhando na za kugobola.

Yakobo 5:10

Ndugu, muhalonda kuwona simwe da ugozelo muna yamanhesa na geseni kusonhela walotezi wa Mulungu wowagalile usenga kulawa kwa Mndewa.