Wafilipi 3:10 - Lagano da Sambi kwa Wanhu Wose

¹⁰ Nolonda kummanya Chilisito na kuwona ludabwa lwa uzilibuko wake, kuihanganya muna yamanhesa na kuilinga muna ifa yake,

Biblia Ching'hwele

¹⁰ Nolonda kummanya Chilisito na kuwona ludabwa lwa uzilibuko wake, kuihanganya muna yamanhesa na kuilinga muna ifa yake,

Wafilipi 3:10 Referans Kwoze

Wagalatiya 2:20

Sambi namgima, mbali siyo niye kaidi, mbali Chilisito yokala mgati yangu. Ugima uno wonilinawo na nokala sambi kwa uhuwilo, uhuwilo wa Mulungu yoyanilondile na kaulava ugima wake kwa ichimu changu.

Waloma 8:17

Kwaviya cheye cha wana wa Mulungu, chizahazi balaka zoyowekila wanhu wake, na iviya chizahazi hamwe na Chilisito chiya chiyamwikile, lelo one chihagaya hamwe na Chilisito, iviya chizakala nayo muna ukulu wake.

Wafilipi 3:8

Si vinhu ivo muhala, chila chinhu nochiwona si chinhu kwa vinhu vinogile ng'hani, ni kummanya Chilisito Yesu Mndewa wangu. Kwa ichimu chake nidaha kwasa chila chinhu, na niviwona vinhu vose kuwa unyolodo ng'hani, muladi nimpate Chilisito,

1 Yohana 2:3

One chahategeleza ndagilizi za Mulungu, chodaha kuvimanya kweli chimmanya.

Wakolosai 3:1

Muzilibuka hamwe na Chilisito, ivo vilondeni vinhu vili kuulanga, kuja Chilisito koyokala muna ichigoda chake cha yenzi ubanzi wa kulume wa Mulungu.

Wakolosai 1:24

Na sambi nodeng'helela kusohela manhesa yangu kwa ichimu chenu, kwaviya manhesa yangu hano mwiisi nomemeza yasigale muyamanhesa ya Chilisito kwa ichimu cha lukuli lwake niiwawo wahuwila wose wa Chilisito.

2 Wakolimso 1:5

Fana viya manhesa ya Chilisito yoiyoha kumwetu, niivo yili kutaza goya kwetu koiyoha kwa Chilisito.

1 Petili 1:3

Leka chimwing'he nhogolwa Mulungu, Tata wa Mndewa wetu Yesu Chilisito! Kwa ubazi wake kaching'ha ugima wa sambi kwa kumzilibula Yesu Chilisito, lelo china lolelo da kweli.

2 Wakolimso 13:4

Mbali hata kawambigwa kwa ichimu cha unyondenyonde wake. Na sambi mgima kwa udaho wa Mulungu, na cheye iviya chawanyondenyonde muna ukuilumba na Chilisito, mbali chizakala nayo kwa udaho wa Mulungu muladi usang'hane usang'hano vimuli.

1 Yohana 2:5

Mbali munhu yoyose yotegeleza mbuli ya Mulungu, ulondo wa Mulungu utoga mgati yake, mbuli ino yochitenda chiwe na ukweli kuwa chamgati yake.

Yohana 17:3

Uno uwo ugima wa siku zose, wanhu wakumanye weye, Mulungu wa kweli wiidumwe, na wammanya Yesu Chilisito youmtumile.

Waloma 8:29

Waja Mulungu woyawamanyile kulawa umwaka na kalamula kulawa umwaka walingile fana mwanage, muladi mwana iyo yawe chaudele muna iwandugu wengi.

Lugubulo 1:18

Niye ni mwene ugima! Nikala nidanganike, mbali sambi namgima siku zose. Nina vivugulo va ifa na va kuzimu.

Wakolosai 2:13

Umwaka mukala mudanganike chimuhe kwa ichimu cha uhasanyi wenu na unhu wenu wa uhasanyi ukala haunasegezigwa. Mbali sambi Mulungu kawatenda kuwa wagima hamwe na Chilisito. Mulungu kochilekelela uhasanyi wetu wose,

Waefeso 4:13

Mbaka cheye chose chiifikile uhamwe wa uhuwilo na kummanya Mwana wa Mulungu, chiwe wanhu weli na uhuwilo ugangamale fana viyeli Chilisito haswa.

2 Wakolimso 1:10

Kachikombola kulawa muna yamanhesa yaja yoyagala ifa, na kezachikombola. Cheye chimwikila lolelo jetu kuwa kezagendelela kuchikombola kaidi,

Yohana 10:18

Habule munhu yonihoka ugima wangu. Noulava kwa kulonda mwenyewo. Nina udaho wa kuulava, na nina udaho wa kuusola kaidi ugima wangu. Vino ivo Tata viyanilagilize nitende.”

Masayo 20:23

Yesu kawalongela, “Kweli mwizakung'wila nhungo yangu, mbali kukala ubanzi wangu wa kumoso na ubanzi wangu wa kulume, niye nabule udaho wa kuweng'ha. Mbali wokwing'higwa waja wasasaliligwe na Tati yangu.”

Waloma 8:36

Fana viya Yamaandiko Yelile viyolonga, “Kwa ichimu chako weye chamuna uzidilwa wa ifa lusita lose. Chiwa fana viya ng'hondolo wowogaligwa kuchiigwa.”

Wagalatiya 6:17

Kwa kukomelezela, munhu yoyose sekeyanigaze kaidi, nina ng'hovu muna ulukuli lwangu kwaviya niye ni mtumwa wa Yesu.

2 Petili 1:13

Nogesa kuwa vinoga kuwalamusa kwa kuwakumbusa mbuli zino lusita lose lwa ugima wangu.