Waebulaniya 13:13 - Lagano da Sambi kwa Wanhu Wose

¹³ Lelo leka chimuhitile yeye kunze ya lago na chikagaye fana viyagaiye yeye.

Biblia Ching'hwele

¹³ Lelo leka chimuhitile yeye kunze ya lago na chikagaye fana viyagaiye yeye.

Waebulaniya 13:13 Referans Kwoze

Waebulaniya 11:26

Kavimanya kuwa muhavu kugazigwa kwa ichimu cha Chilisito Mulopozi kufosa ngama ya isi ya Misili, kwaviya kakala kololela gweko da hamwande.

Sang'hano 5:41

Watumigwa viwasegele kuichitala wadeng'helela kwaviya wawona walondeka wapate chinyala kwa ichimu cha zina da Yesu.

Luka 6:22

“Mumweda mweye one wanhu wahamwihilani, wahawabagula na kuwaliga na kulonga mweye mwa wehi, kwaichimu cha Mwana wa Munhu!

Masayo 16:24

Lusita ulo Yesu kawalongela wanahina wake, “Munhu yoyose yolonda kwiza kumwangu, yaizume mwenyewo, yaupape msalaba wake yanisondelele.

2 Wakolimso 12:10

Kwa ichimu chino nodeng'helela unyondenyonde, maligo, magayo na manhesa na vinhu vidala kwa ichimu cha Chilisito. Kwaviya lusita voniwa nyondenyonde, ulo lusita loniwa na ludabwa.

Masayo 5:11

Mumweda mweye wanhu wahamuligani na kungazani na kulongigwa vihile kwa usungu kwaviya mwawanahina wangu.

Waebulaniya 12:3

Geseni mbuli zozimpatile Yesu, viya viyafunyile umoyo kulema ng'hani kwa wanhu wene uhasanyi. Lelo sekemulegele na sekemufe moyo.

1 Petili 4:4

Sambi wanhu wawo hawammanyile Mulungu wokwazanywa kuwa mweye hamwizailumba nawo kaidi kukala vihile ng'hani, ivo womuligani.

Masayo 27:32

Viwakalile wolawa, waiting'hana na munhu kulawa Chilene Saimoni, na wakalizi wamuwangiliza yausole msalaba wa Yesu.

Luka 9:23

Maabaho kawalongela wanhu wose, “Munhu yoyose yolonda kunisondelela nayaileme mwenyewo na yaitwike msalaba wake, maabaho yanisondelele.

Waebulaniya 12:2

Chimulole Yesu, mwene kwandusa na kukomeleza uhuwilo wetu. Kwaviya kavimanya deng'ho dondayapate hamwande, kafunyila umoyo kudanganika mumsalaba na halolile chinyala chake. Lelo kakala na udaho kuna ichigoda cha chifalume cha Mulungu.

Waebulaniya 12:4

Muna ing'hondo yomutenda ya kuhuma uhasanyi, mung'hali hamunaitowa mbaka kwitila damu yenu.