Masayo 7:2 - Lagano da Sambi kwa Wanhu Wose

² kwaviya nhaguso yondamuwataguse wamwenga, na mweye iviya mwizatagusigwa ivo, na ningo yomuwalingila wamwenga, Mulungu kezamulingilani na ningo iyo iyo.

Biblia Ching'hwele

² kwaviya nhaguso yondamuwataguse wamwenga, na mweye iviya mwizatagusigwa ivo, na ningo yomuwalingila wamwenga, Mulungu kezamulingilani na ningo iyo iyo.

Masayo 7:2 Referans Kwoze

Yakobo 2:13

Mulungu hezamuwonela ubazi bule munhu yoyose hawawonela ubazi wamwenga. Mbali ubazi wohuma nhaguso.

Maliki 4:24

Na kawalongela, “Iteganyeni na yaja yomuyahulika! Ndagilizi zomusang'hanila kuwatagusila wamwenga, Mulungu kezazisang'hanila ndagilizi izo kuwatagusa mweye, maabaho mwizakongezeligwa.

Luka 6:38

One mwahaweng'ha wanhu wamwenga, Mulungu nayo kezamwing'hani mweye. Mwizahokela ningo imemile ng'hani na kukandiligwa mmakono yenu. Kwaviya ningo ija ija yomuwalingila wamwenga, Mulungu kezaisang'hanila kuwalingila mweye.”

Lugubulo 18:6

Mtendeleni fana yeye viyamtendeleni, muliheni miyanza midi kwa yaja yoyamtendelani. Muna inhungo iyahanganye divai yake. Muhanganyileni divai ikalika ng'hani kufosa iyaweng'hile.

2 Wakolimso 9:6

Kumbukeni kuwa munhu yohanda mbeyu ndodo kezakuwa na magobola chidogo, munhu yohanda mbeyu nyingi kezakuwa na magobola mengi,

Masayo 6:14

“Kwaviya one mwahawalekelela wamwenga mabanango yowamtendeleni, Tati yenu yeli kuulanga kezawalekela na mweye.