Masayo 10:1 - Lagano da Sambi kwa Wanhu Wose

¹ Yesu kawatanga wanahina wake longo na waidi na kaweng'ha udaho wa kulava vinyamkela na kuhonya mitamu yoyose na unyondenyonde wose.

Biblia Ching'hwele

¹ Yesu kawatanga wanahina wake longo na waidi na kaweng'ha udahi wa kulava vinyamkela na kuhonya mitamu yoyose na unyondenyonde wose.

Masayo 10:1 Referans Kwoze

Luka 10:19

Tegelezeni! Nimwing'hani udaho mweye, ivo mwizabojoga zoka na inge, mwizakuwa na udaho kwa wehi wenu wose. Habule chinhu chonda chiwalumizeni.

Luka 24:49

Niye mwenyewo nizawagalila ija yoyawalaganile Tati yangu kuwa kezamtuma. Mbali mweye gozeleni muna dibwilingu mbaka vondamwing'higwe ludabwa kulawa kuulanga.”

Sang'hano 1:8

Mbali Muhe Yelile yahamwizilani, mwizahokela ludabwa, na mweye mwizakuwa wakalangama wangu uko Yelusalemu na muna isi ya Yudeya na muna isi ya Samaliya, na muna isi yose.”

Yohana 3:27

Yohana kawedika, “Habule munhu yoyodaha kuwa na chinhu one heng'higwe kulawa kuulanga.

Luka 6:13

Siku isondelele imitondo viifikile, kawatanga wanahina wake, kawasagula longo na waidi kulawa muna dibumbila jawo, wawo kawatanga watumigwa.

Luka 21:15

Kwaviya niye nizamwing'hani mbuli za kulonga hamwe na ubala, na wehi wenu wose hawezadaha kuihuma nayo na kuilema.

Sang'hano 19:15

Mbali chinyamkela kawalongela, “Yesu nimmanya na Paulo nimmanya, mbali mweye wawo welihi?”

Yohana 17:2

Kwaviya kumwing'ha Mwanago udaho kwa wanhu wose muladi yawene ugima wa siku zose waja wose woumwing'hile.

Yohana 6:70

Yesu kawedika, “Vino simsaguleni mweye longo na waidi? Mbali imwe wenu mwihi!”

Yohana 3:35

Tata kamulonda Mwanage na kamwing'ha chila chinhu mmakono yake.

Lugubulo 12:1

Maabaho chilaguso cha kwazanya chiwoneka kuulanga, mwanamke yawayazigwe zuwa na mwezi ukala hasi ya migulu yake na kombelo da nhondo longo na mbili muna iditwi jake.

Masayo 26:47

Yesu viyakalile yang'hali kogendelela kulonga nawo, lusita uloulo Yuda, imwe wa wanahina longo na waidi, keza hamwe na wanhu wengi wene mizele na malungu. Wanhu wawo watumigwa na wakulu wa nhambiko na walala walangulizi wa bumbila da wahuwila wa Chilisito.

Masayo 26:20

Viifikile ichigulogulo, Yesu na wanahina wake longo na waidi wakala hasi woja.

Masayo 19:28

Yesu kawedika, “Nowalongela kweli, muna isi ya sambi, Mwana wa Munhu vondayakale hana ichigoda cha chifalume chake, mweye womunisondelele niye iviya mwizakala muna ivigoda longo na vidi, kuyatagusa makabila longo na maidi ya Isilaeli.

Masayo 6:13

Sekeuchigume muna yamagezo, mbali uchikombole na ija Msede, kwaviya ufalume wako una nguvu, na utunhizo wa siku zose.’

Masayo 4:23

Yesu kazunguluka Galilaya yose, kafundiza muna zikaye zose za kutosela, kawapetela wanhu Mbuli Inogile ya Ufalume wa Mulungu na kuwahonya wanhu wenye mitamu mbasakanyo na wolumwa.

Masayo 9:35

Yesu kahita kalaula mabululu yose na vibululu. Kafundiza muna zikaye zawo za kutosela, kapeta Mbuli Inogile ya Ufalume wa Mulungu, na kuwahonya vitamu vawo vose na unyonde nyonde wawo wose.

Masayo 9:38

Mpuleni Mndewa wa mavuno, yagale wasang'hana muna umgunda wake wa ndiya.