Luka 17:25 - Lagano da Sambi kwa Wanhu Wose

²⁵ Mbali teng'hu kezagaya ng'hani na kezalemigwa na wanhu wa ulelo uno.

Biblia Ching'hwele

²⁵ Mbali teng'hu kezagaya ng'hani na kezalemigwa na wanhu wa ulelo uno.

Luka 17:25 Referans Kwoze

Masayo 16:21

Kulawa chipindi icho, Yesu kandusa kuwalongela wanahina wake, “Nolondeka nihite Yelusalemu. Uko walala walangulizi wa bumbila da wahuwila wa Chilisito na wakulu wa nhambiko na wafundiza Malagilizo wezanigaza kwa vinhu vingi. Wezanikoma, mbali siku yeketatu nizazilibuka.”

Luka 9:22

Iviya Yesu kawalongela, “Mwana wa Munhu kolondeka kugazigwa ng'hani na kulemigwa na walala na wakulu wa nhambiko na wafundiza Malagilizo. Kezakomigwa, mbali siku deketatu hamwande kezazilibuka.”

Maliki 8:31

Yesu kandusa kuwafundiza wanahina wake, “Mwana wa Munhu kolondeka yagazigwe ng'hani na kulemigwa na walala, na wakulu wa nhambiko na wafundiza Malagilizo. Kezakomigwa, mbali zihafosa siku nhatu, kezazilibuka.”

Yohana 1:11

Keza kumwake mwenyewo, mbali wanhu wake hawamuhokele bule.

Luka 18:33

wezamulanha mibalati, maabaho wezamkoma. Mbali siku nhatu hamwande, kezazilibuka.”

Maliki 12:10

Hamsomile andiko jelile dodilonga. ‘Dibwe dodilemigwe na iwazenzi, sambi diwa da chandusilo.

Masayo 21:42

Yesu kawalongela, “Vino hamunasoma muna Yamaandiko Yelile viyolonga? ‘Mhanda yowalemile wazenzi, sambi iwa mhanda ya mgomba. Dino ditendeka na Mndewa na ni da mwazanyo ng'hani.’

Yohana 12:38

Yano yose yalawilila muladi yatimie yaja yalongigwe na mulotezi wa Mulungu Isaya viyalongile, “Mndewa, munhu ilihi yoyotogola usenga wetu? Munhu yelihi Mndewa yoyangubulile nguvu zake?”

Luka 24:46

Kawalongela, “Yandikigwa vino, Chilisito Mulopozi kezagazigwa na zuwa deketatu hamwande kezazilibuka.

Luka 18:31

Yesu kawasola waja wanahina wake longo na waidi, kawalongela, “Tegelezeni! Chohita Yelusalemu, na chila chinhu chochandikigwe na walotezi wa Mulungu kwa mbuli ya Mwana wa Munhu chizalawilila.

Maliki 10:33

Kawalongela, “Mnhegeleze, choita Yelusalemu. Uko Mwana wa Munhu kezatuligwa kwa wakulu wa nhambiko na wafundiza Malagilizo. Nawo wezamtagusa ifa, na maabaho wezamtula kwa wanhu weli siyo Wayahudi.

Maliki 9:31

kwaviya kakala kowafundiza wanahina wake. Kawalongela, “Niye, Mwana wa Munhu nizageligwa muna yamakono ya wanhu, nawo wezanikoma. Mbali zihafosa siku nhatu, nizazilibuka.”