Lugubulo 14:7 - Lagano da Sambi kwa Wanhu Wose

⁷ kalonga kwa dizi kulu, “Muhulikeni Mulungu na mumtunhize yeye, kwaviya lusita lwake lwa kutagusa lufika. Mtoseleni yeye yalumbile ulanga na isi na bahali na nzasa za mazi.”

Biblia Ching'hwele

⁷ kalonga kwa dizi kulu, “Muhulikeni Mulungu na mumtunhize yeye, kwaviya lusita lwake lwa kutagusa lufika. Mtoseleni yeye yalumbile ulanga na isi na bahali na nzasa za mazi.”

Lugubulo 14:7 Referans Kwoze

Lugubulo 15:4

Weye Mndewa yelihi hakudumba na hakutogoza kwa ichimu cha ukulu wako, kwaviya weye wiidumwe iyo welile. Wanhu wa zisi zose wezakwiza na kutambika haulongozi wako, kwaviya sang'hano zako zigoloke zigubuligwa.”

Lugubulo 11:18

Wanhu wa zisi wehilwa ng'hani mbali ludoko lwako lufika, ulo lusita lwa kuwalamulila nhaguso wadanganike. Lusita lwa kuwagweka wasang'hani wako walotezi na wanhu welile na wanhu wose wowodidumba zina jako, wanhu wohishimika na wanhu hawahishimika, lusita lwa kudanganiza waja wowadanganiza wanhu wa isi.”

Lugubulo 4:11

“Mndewa wetu na Mulungu wetu kolondeka kuhokela ukulu na hishima na ludabwa. Kwaviya weye kuvilumba vinhu vose na kwa malondo yako vilumbigwa na vabahano.”

Lugubulo 11:13

Bahobaho kulawilila gudemeko kulu da isi, na hanhu ha longo ha bululu habanangika, wanhu alufu saba wadanganika muna digudemeko diya. Na wanhu wasigalile wadumba ng'hani, wamtunhiza Mulungu wa kuulanga.

Lugubulo 18:10

Wokwima hatali kwa kudumba manhesa yake na kulonga, “Kwizagaya! Kwizagaya weye Babeli! Bululu dimanyike na dili na ludabwa. Kwa saa dimwe muhala nhaguso yako ikupata.”

Lugubulo 16:9

Wanhu walunguzigwa ng'hani kwa vuke jake kali, nawo wadiliga zina da Mulungu yeli na udaho muna yamahulo yayo, iviya wawo hawasamhile hebu kumtunhiza Mulungu.

Lugubulo 4:9

Lusita viumbe wane wawo weli na ugima viwomwing'ha ukulu na hishima na hewela, yeye yokala muna ichigoda cha chifalume, yeli mgima siku zose,

Sang'hano 14:15

“Habali motenda ivo? Cheye iviya cha wanhu fana mweye. Chongalilani Mbuli Inogile muladi muleke mbuli zili si chinhu na mumuhindukile Mulungu yeli na ugima, yalumbile ulanga na isi na bahali na vinhu vose vili muno.

Lugubulo 19:5

Maabaho dizi dilawa muna ichigoda cha chifalume, dilonga, “Mweye wasang'hani wose wa Mulungu, mweye womumtegeleza yeye, wohishimigwa na hawahishimigwa, mwing'heni nhogolwa.”

Lugubulo 8:10

Maabaho msenga wa kuulanga weketatu kaitowa mhalati yake na nhondo ng'hulu yoikwaka, fana wenge da moto, igwa kulawa kuulanga na kuhumuluka hachanyha ya selusi ya zinyanda na nzasa za mazi.

Luka 17:18

Vino habwelile hata imwe kumwing'ha utunhizo Mulungu ila mgeni ino muhala?”

Lugubulo 18:19

Wabimbilika muna yamatimbwisi kulagusa usungu, waguta nyangi na walila na walila kwa giyogiyo, “Kwizagaya! Kwizagaya bululu kulu! Mgati yake wanhu wose weli na meli muna ibahali wapata vinhu vingi kwa vinhu vake, kwa lusita lwa saa dimwe muhala chila chinhu chiyakalile nacho chisegela.”

Lugubulo 18:17

Kwa saa dimwe muhala vinhu vako vingi visegela,” “Maabaho walangulizi wose wa meli na wanhu wose weli muna umwanza muna zimeli na wasang'hani muna imeli na wachuuzi wochuuza kwa nzila ya bahali wema kutali.”

1 Petili 4:7

Ukomelezelo wa vinhu vose wahabehi. Ivo yepuleni kuitawala na kaleni meso muladi mudahe kutosa kwa Mulungu.

Masayo 25:13

Yesu kakomeleza kwa kuwalongela, “Kaleni meso, kwa ichimu hamvimanyile siku wala saa.