Zooɛ 3:7 - Bible

⁷ Kɛ́lɛ ŋa pâi díkulâi ƃɛ́i ká díkɔ̀lɛ naai, ǹyaŋ ŋa pâi kásɔnyɔ̂ŋ-ŋai pûi káŋûa.

Zooɛ 3:7 Referans Kwoze

Ɉeremi 23:8

Kɛ́lɛ, da pâi dífôoi a ńaa dí mó a gɛɛ gɛ̀-ɣele mâ Ɣalai ƃé Eezuɛ-ƃelai kùla yá-ŋua-pere-ƃelai yêei, é pɛ́lɛ ǹɔii-ŋuŋ-ŋai dí kɛ̀ a dítaa-tâa zui, su. Gɛ̀ ní da pâi seêi díkpɔɔi lɔii su.”

Tɛsalonikə veelɛ 1:6

Ɣâla a nɛ̀ kpɔ́ a tɔ̃yâ a gɛ́ɛ fɛ̂ɛ nɔ́ diai da mɛni-kpɔ̂lu làa kâai, e dímɛni-kpɔ̂lui bɔɔ-tee kula a mɛni-kpɔ̂lu.

Ɉeremi 30:16

Kɛ́lɛ ǹɔii-ŋuŋ-ŋai nyíi-ŋai ká paâi, ŋa pâi dípaâi. Kákpɔara-ƃelai dia máŋ da pâi kɛ̂i a kɔ-sôŋ-ŋa lɔii-ŋuŋ da kpɛ́ni-ŋa su. Diai nyíi kélee ŋúma kɛ̀ kâai, dia máŋ núu da a pâi dísãai ŋûmai. Diai nyíi kélee sãâ kùla káyêei kɔ́-sui, nûa da pâi díwɔ̂i kulâi díyêei máŋ.

Ɉeremi 30:10

M̀ɛni ma, ŋánua, káfe yào. Káai a Eezuɛ-ƃelai kálii fé kpɛ̃̀liŋ kákoi. Ŋa pâi káŋuŋ-maa ƃôi ká kúla ǹɔii kôyaai tí su, ǹɔii nyíi kákaa zu a kɔ-sôŋ-ŋai. Ka pâi lenêi pôlu kálɔii su kásee naa lii-see su. Ka pâi kɛ̂i a káŋuŋ maa ƃóɔɔ, núu da fé pâi ká maa yaôi.

M̀ɛni-lɛɛi 19:2

Kpɛ́ni fêi, ŋɔmɛni-ŋa-teɛɛi káa a tɔ̃yâ, zã́a. A ŋwulu-wulu-nɛni kɛ́tɛi ŋɔmɛnii ŋá tée, nyíi ǹɔii su kàra a ŋɔwulu-wulu-kɛɛi. È tɔ̂ŋ kpɛ̀ ma ǹyaa Ɣâla yée-mu-ƃelai ŋãa mɛ̂ni ma.”

M̀ɛni-lɛɛi 16:6

Kpɛ́ni fêi, núu-kpune a ŋ̀âla-ƃelai ŋãa pú da Ɣâla ŋɔlóno-kɛ-ƃelai. Ya ŋãa tɛ́ɛ dípɔ a gɛɛ dí gbèle. Dífela-féi ká ti!”

M̀ɛni-lɛɛi 13:10

À kɛ̀ núu a ŋ̀wɛ̂lii é kɛ́ a luɛ, a pâi kɛ̂i a luɛ. A kɛ̀ núu à núu pàa a ƃóa-sɔkpɔ, ƃóa-sɔkpɔ nɔ́ ƃe pâi baâi. Dólii ká ŋí Ŋ̀âla-ƃelai dílii-kpelei da dílaa-lai mɛni ma.

Zĩi 2:13

Kpɛ́ni fêi, maloŋ-kaa fé mɛni-ŋa-teɛɛ su diai mɛni ma dífa maloŋ-kaa kɛ̀i. Kɛ́lɛ, maloŋ-kaa a mɛni-ŋa-teɛɛ yée mɛi yále.

Maafîu 7:2

Kpɛ́ni fêi, berei ka káƃarâŋ-nuu ŋɔmɛni ŋá tèe lai, bere nɔ́ ƃe da pâi káwɔ̂i ŋá teêi la. Berei ka sɛŋ gɔ̀ɔŋ la ka dɛ̀ɛ núu pɔi, bere nɔ́ ƃe da pâi gɔɔnîi la dí dɛ̀ɛ la kápɔ.

Zooɛ 3:4

“Óo Taya da Sidɔŋ, é pɛ́lɛ Felesia lɔii-kpiniŋ-ŋai dîa kákaa a lé ḿɛni ma? Ká káa ŋɔ́nɔ ḿvela-fêi sɛŋ da mɛni ma. Gɛ̀ ní ŋa pâi kásɔŋyɔ̂ŋ kélee pûi káŋûa a maa-felaa.

Izikiɛ 38:8

Tãi támaa a tɛ̀ɛ, ŋa pâi ítôli ka íkɔkɔ-ƃela-ŋai a gɛɛ ká kɔ́ tóo dîa. Ka pâi kɔ́ pɛlɛ̂i ǹɔii-ŋûŋ-ŋai dîa nyii-ŋai ǹûai díkùla zu nyii-ŋai díkili fé kɔ́kɔ mɛ̂ni mai. Ǹûai ŋí díkùla lɔii-ŋuŋ támaa su dí díŋa tɛ́ mà Eezuɛ yèe-ŋai ma ƃɛ́i núu da fé kɛ́ ní naa a tãi su kôyaai. Kɛ́lɛ nûa da nâa pá naa díkɛ ƃò naa lii sêe su.

Izikiɛ 36:24

Ŋa pâi kákulâi ǹɔii-ŋûŋ-ŋai su ŋá pá a káa kákpɔɔi lɔii su.

Ɉeremi 32:37

Ŋa pâi ǹûai ŋáa tɛ̂i gîe ma, ŋá díkula ǹɔii-ŋuŋ-ŋai kélee ŋá dítaa-taa zui su a tãi ŋá kɛ̀ a ńii ŋwánaa lai, ŋá pá a dia pôlu gwaai ŋí ma a gɛɛ dí kɛ́ ƃò ŋuŋ-ma ƃô su.

Ɉeremi 31:8

Ŋa pâi díkulâi yá-ŋua-pere ŋa pá a dia, ŋa díŋa tɛ́ díkîe ma ŋá dí kúla ŋ̀éniɛi kɔ̃́yɛŋ ma. Ŋ̀ɛi-pu ƃelai, é pɛ́lɛ diai dí kɔ́liŋɔ̂ɔi da pâi pâi díkîe ma, goo-nia-ŋai da diai díkaa koi-tee sui da pâi pâi. Da pâi kɛ̂i a lɔii-ŋuŋ kɛ́tɛ dí kɛ́ pà.

Azaya 49:12

Ŋánûai da pâi kulâi kwaa kôya-ŋa ma. Da-ŋa da pâi kulâi yá-ŋûa pere, da-ŋa dí kúla vóloi liî-pere, da-ŋa dí kúla Asiwaŋ taa-leei su nyii gáa séɣai-pere.”

Azaya 11:12

A pâi ƃenâ tɛ̂i ɣelêi é ǹɛ́ ǹɔii ŋuŋ-ŋai kélee su-ƃelai dîa a gɛɛ Eezuɛ da Zuda lonii kélee kɛ̀ a dítaa-tâa lɔii ŋuŋ da kpɛ́ni-ŋa su ŋ̀éniɛi m̀ela kélee mai, a díkulâi naa é pá a dia pôlu dílɔii su.

Ɛstɛrə 7:10

Nya ƃe dí Emaŋ sɛ̀lɛŋ ǹyeŋkêŋ mâ nyii è dɔ̀ɔ Mɔdikai mɛni mai ḿâ. Nyíŋi pôlu ma, gâloŋ líi ŋáa è yèŋ.

Samuɛlə dɔlɔɔ 15:33

Kɛ́lɛ Samia è mò ǹyɛɛi, “Aga, í nîa-pɛlɛɛ-ŋa kùla dílee-ni kâraŋ ŋá í dípaa, ǹyaŋ ílee ŋɔnîa-pɛlɛɛi da fé pâi lɛɛ̂i ɣele ma.” Nya ƃe Samia è Aga su tee-tee a gbua pɛlɛ-pɛlɛɛ ŋ̀âla fɛli kwaai ma Geega.

Nwun mąąɓo 1:7

Díkɛɛ da gɛ̀ tí lai, è mò ǹyɛɛi, “Kâloŋ buu lɔ́ɔlu mɛi feerɛi ŋá díkɔɔ-gbua da díyee-gbua zɛkponoi teêi dîai da kâa kɛ̀ ŋámii sãa pɛnɛi ɣɛɛ̂i díkɛ mìi. M̀ɛni ma Ɣâla a m̀ɛni tɔnɔi kpîŋ kɛ́ a ńyãa.” Nya ƃe dí lì la Zerusâlɛŋ é lɛ́ɛ naa é sáa.

Azaya 66:6

Ka káwoli tɔ́ɔ. Láɣi-woo su kɛ́tɛ a tɛ̂i daa-lêei su. Yâwɛɛ ká tí Ŋɔpɛ́rɛ Maa Waai mu gɛ́ ŋɔkpɔara-ƃelai kula-maa kɛ̀ a ŋ̀óo. Gɛ̀ ŋɔkpɔara ƃelai féla fe m̀ɛnii dí gɛ̀i mɛ́ni ma.

Zakari 9:13

Ŋá Zuda kpíri yɛ̂ɛ ŋákerâŋ, ŋá Ifiraŋ kɛ́ a kerâŋ-ɣɛli. Óo Zãiyɔŋ, ŋa pâi ílônii kɛ̂i a ƃóa-sɔ̂kpɔ-ŋa Gurii-ŋai dílônii mɛi. Ǹyaŋ ŋa pâi íkɛ̂i yɛ̂ɛ kɔ-kûluƃa ŋɔƃóa-sɔ̂kpɔ.”