Zooɛ 3:16 - Bible

¹⁶ Yâwɛɛ wóo káa tɛ̂i Zãiyɔŋ Yeei ma. Ŋ̀óo kɛ́ kùla Zerusâlɛŋ, ŋ̀ele-kɔlɔŋ da ǹɔii díkɛ kpɛ̃lîŋ. Kɛ́lɛ Yâwɛɛ káa a ŋɔnûai mɛi káa-nuu, dɔɔ̂i kpanaŋɔɔ ŋɔnûai Eezuɛ-ŋai mɛni ma.

Zooɛ 3:16 Referans Kwoze

Amɔsə 1:2

Emɔ è mò ǹyɛɛi, “Kúnuu-namui kpéɣe-woo è kùla Zãiyɔŋ, ŋ̀óo é kúla Zerusâlɛŋ. Ǹyaŋ gala ŋûnu lɔii a pâi wɔ̂lɔi, Kamɛɛ Yeei tôŋ é kpála.”

Egaa 2:6

Nya ƃe Ŋ̀wála-wâla kélee Yâwɛɛ è mò, “Nàa fé pâi tûai ŋa pâi ŋɔ́nɔ ŋ̀elei su tumôi da ǹɔii, ǹyái da ǹɔii kpâlai.

Ɉeremi 16:19

Yâwɛɛ, yá ƃé ya maa-kɔ̃ɔ, íkɛ wála-wala-laa tɛ̀ɛ ḿbɔ, tãi ŋa kɛ̂ la mɛni kpɔ̂lu sui. Lɔii-ŋuŋ-ŋa da pâi pâi ípɔ-naa díkula ŋ̀éniɛi gwaa kélee ma dí mó yâ dîyɛɛi, “Ŋ̀âla-ŋai kɛ̀ kúnâŋ pɔlɔ-ŋai yêei, dífe kɛ́ ní a tɔ̃yâ ɣâla-ŋa. Díkɛ̀ nɔ́ a ɣâla-pɔkɔɔŋ nyíi-ŋai kɛ̂i fé kɛ́ ní dîai.

Azaya 42:13

Yâwɛɛ káa yɛ̂ɛ kɔ-kuluƃa. Gbɛtɛ̂ɛi a tãi kélee yɛ̂ɛ kɔ-kuluƃa kɔ́-kɔ mɛni ma. A ŋ̀óo pilîi ŋɔkɔ-kuluƃa-ŋai dîa a gɛ́ɛ dí díkpîŋ kpɛtɛ. A ŋɔwála-wala-laai lɛ̀ ŋɔkpɔara-ƃelai dîa.

Hanwon 18:10

Ɣâla Yâwɛɛ wóo káa yɛ̂ɛ yeŋkêŋ kpanaŋɔɔ. Núu sã́a a lî naa a gɛɛ é ŋuŋ ma ƃô sɔlɔ ƃó.

Izikiɛ 38:19

Ŋá mò a gɛɛ maa ɣêlei tí ŋa pâi ńii ŋwânai ŋá Eezuɛ lɔii kɛ́ é pú zu.

Azaya 51:16

Ŋá ŋ́oo pù ká lá, ŋá káloo ńyee pôlu. Ńyãa ƃé ŋ̀ele-kɔ̂lɔŋ fulomo ŋá ǹɔii zonoŋ su kɔni-ŋai láa ǹâai. Ŋá m̀o Zãiyɔŋ-ƃelai dîa, ‘Káa ƃa ŋánûai.’ ”

Mąątɛ̨nɛ̨ 61:3

kpɛ́ni fêi, ya ƃa ŋ́uŋ ma ƃó nuui. Ya ƃa ḿaa kɔ̃ɔ ŋ́gbɔara-ƃelai yêei.

M̀ɛni-lɛɛi 16:18

Ŋele-gbana ŋɔmãla-mãla è kɛ̀ naa, sóoŋ-woo kɛ́tɛ-ŋa, ŋele-gbana-tiŋ, da lɔii-kpɛ̃liŋ-ŋɔɔ kɛ́tɛ. Ǹɔii-kpɛ̃liŋ-ŋɔɔi ŋí è kɛ̀ kpɔ́ a gɛ́tɛ a nyíi da fé niî wɔ́lɔ kɛ́ ni tãi núu-kpune è kɛ̀ la ǹɔii sui.

Mąątɛ̨nɛ̨ 18:2

Yâwɛɛ ƃé gáa a ḿaa kɔ̃ɔ-nuu yɛ̂ɛ kɔni. Ǹyaa ƃé gáa a ŋ́uŋ maa ƃó-nuu. Ŋáɣâlai ƃé gáa a ḿaa kɔ̃ɔ-nuu yɛ̂ɛ kɔni. Ŋà kɛ̀ gɔ̀lɛ ŋa kɛ̂ a ŋ́uŋ ma ƃóɔɔ. A ḿaa kɔ̃ɔ yɛ̂ɛ kɔkuluƃa maa kɔ̃ɔ kɔli-kalaŋ. A ḿaa kɔ̃ɔ é ŋ́uŋ maa ƃó.

Azaya 33:16

Ǹûai ŋí ƃé pâi kɛ̂i m̀ɛni-ŋai kélee mɛi, díŋuŋ ma ƃóɔɔ yɛ̂ɛ nûa da kɛ̀ taa-lêe su nyii m̀aa tínaŋɔ̂ɔi a siɣãŋ, díkɔnɔ̃ŋ da díkpele-ya fa wɔ́lɔ kpɛ̀ɛ.

Mąątɛ̨nɛ̨ 29:11

Yâwɛɛ a gɛ̀ ŋɔnûai kponôi é kpanaŋ. A lûwa làa dîa lii-see kɛ́ ƃò díyêei.

Samuɛlə dɔlɔɔ 15:29

Ǹaa pôlu ma, ŋ̀ɔ́lɔ-wɔlɔ Ɣâlai gáa Eezuɛi vé a núu-kpune. Va lɛ́ɛ kɛ̀ kpaa máŋ é ǹíi maa fáleŋ.”

M̀ɛni-lɛɛi 11:19

Ɣâla ŋɔpɛ́rɛ Kɛtɛi nyíi gáa Ɣâla-taai ǹá è ƃò, ǹyaŋ dí Gbanaŋ-wooi Maa-gãlai kàa naa. Ŋ̀ele-gbana ŋɔmãla-mãla, wóo su kɛ́tɛ-ŋa, ŋ̀ele-gbana-tíŋ, lɔii-kpɛ̃liŋɔɔ, da são kɛ́tɛ díkɛ̀ naa.

M̀ɛni-lɛɛi 11:13

Maa-aƃai tí ǹɔii è kpɛ̃liŋ kpɔ́ a gɛ́tɛ, daa-leei kwaa kuro ma é pú zu. Núu wála lɔ́ɔlu mɛi feerɛ (7,000) dí sàa ǹɔii kpɛ̃liŋɔɔi ŋí su. Ǹúu gbeli-ŋai dí yao kpɔ́ a ŋánaa dí Ŋ̀âla-taa-Ɣalai ŋɔfólo-laai maa tɛ́.

Hebreu 12:26

Maa-tãi tí ŋ̀óo è ǹɔii kpɛ̀liŋ. Kɛ́lɛ, a nâa góno tée, nyɛɛi, “Ǹɔii tɔnɔ nɔ́ fé a lɛɛ pôlu tɔnɔ a gɛɛ ŋa gbɛ̃liŋ, kɛ́lɛ, ŋa pâi ŋ̀elêi su kpɛ̃linii máŋ.”

Zakari 10:12

Ŋa pâi díkponôi kpananîi, ǹyaŋ dífolo-laai maa a pâi tɛ̂i ńaai su.” Yâwɛɛ ƃé mò.

Amɔsə 3:8

Yala-sului a kpèɣe, gbɛ̂ɛ ƃé vé pâi yaôi? Ɣâla Yâwɛɛ a lóno, gbɛ̂ɛ ƃé vé pâi ŋ̀óo su kulâi?”

Osia 11:10

“Da pâi pîlanii ḿbôlu ńyãa Yâwɛɛ. Ŋa pâi kpêɣei yɛ̂ɛ yala-sulu. Oweei, ŋa pâi kpêɣei, ǹyaŋ ńônii da pâi kɛ̂i kpɛ̃linii dí kɛ́ kùla vóloi liî-pere.

Zakari 10:6

“Ŋa pâi Zuda-ƃelai su kpânanîi, ŋá Zosɛ ŋɔpɛ́rɛi mu-ƃelai ƃálo. Ŋa pâi pâi a dîa pôlu, kpɛ́ni fêi, ŋá dímalôŋ kàa. Ǹyaŋ da pâi kɛ̂i yɛ̂ɛ ǹyaa ƃe fé ńyee kula ní dímu. Ńyãa ƃa Yâwɛɛ Díɣâlai, ǹyaŋ ŋa pâi díwoo su toôi.

Azaya 33:21

Ǹaa ƃé Yâwɛɛ ŋɔwála-wala laai a pâi kɛ̂i a dínaŋɔɔ naa kûa yɛ̂ɛ ya-lêe. Ǹyaŋ wála-wala-laa da fé pâi kɛ̂i ŋwana-lɔ̂ɔ nuu da yêei ǹyá-lêei ŋí tíyeŋ mɛ̂ni ma.

Ɉeremi 17:17

Ífe kɛ́ a mɛni kpɔ̂lu ḿɛ̂ni ma. Mɛni kpɔ̂lu a làa ḿâ, yá ƃa ḿaa kɔ̃̂ɔ.

Nahumə 1:7

Yâwɛɛ sɔŋ lɛ̂lɛɛi, wála-wala kɛ́tɛ káa ǹyêei é diai kúla mɛnii dí láai lai, tãi mɛni kpɔ̂lu a pâ lai.

Egaa 2:7

Ǹyaŋ ŋa pâi ǹɔii-ŋûŋ-ŋai kélee túmo-tûmoi dí pá a dítɔɔ-sãai ƃɛ́ ŋá ƃɛ́rɛi ŋí láa fɛ́ɛ a sɛŋ lɛ́lɛɛ-ŋa.

Zakari 9:12

Káai a gɔ́-sôŋ-ŋai ka lene pôlu a kili-kɛ-zu kásiɣãŋ su. Sâa ŋa pâi kákɔ̂liŋ pɛlɛ̂i gîei feerɛ ŋá dɛɛ kápɔ.