Zooɛ 2:28 - Bible

²⁸ “Ŋa pâi ŋámɔ̂leŋ pûi núu kélee kponôi a ŋ̀ele-ŋai kpɛɛ-ŋa. Kálônii-sinaai da kálônii-nɛyãai da pâi mɛni ƃôi naa túɛ, kásiɛ pɔlɔ-ŋai dí see ƃó, zĩ̂a a pâi tɛɛ̂i a kányakpa-ŋai.

Zooɛ 2:28 Referans Kwoze

Izikiɛ 39:29

Ḿve ŋɔ́nɔ pâi ŋ́ɛi loôi Eezuɛ-ƃelai dîa. Kɛ́lɛ ŋa pâi gɛ́i ŋá mɔ̃leŋ é kɛ́ dípôlu va kula naa. Ńyãai ŋ́gaa a Ŋ̀wála-wâla kélee Yâwɛɛi ńyãa ƃé mò tí.”

Gɛlaɠaa 2:39

Ɣâla ŋɔkono-teei káa kámɛni ma, kálônii da diai dîa kwaa kôya mai, nyíi-ŋai Kúnuu-namui Ɣâla a pâi dítôlii.”

Azaya 32:15

Ǹaa à kɛ̀ tí, Ɣâla a pâi ŋɔmɔ̂leŋ tɛɛ̂i. Ǹɔii a pâi ŋɔ́nɔ penêi a lɔii lɛ́lɛɛ sí-sãa kpɛtɛ mɛ̂ni ma.

Azaya 44:3

“Ŋa pâi gɛ̂i tuna é pú, ǹɔii kpâlai é yɔɔ. Ŋa pâi gɛ̂i ya-ɣɛli pɛlɛɛ-ŋa dí láa vɛ̃ɛ-kpâlaŋ-ŋai su. Ŋa pâi Ŋámɔ̂leŋ pûi kálônii kponôi, ŋá lûwa láa dîa.

Zakari 12:10

“Ǹyaŋ ŋa pâi Deeƃé ŋɔpɛ́rɛi mu-ƃelai da Zerusâlɛŋ-ƃelai láa fɛ̂ɛi a maloŋ-kâa-mɔleŋ da Ɣâla fɛliɛ, a gɛɛ da núu kàa nyii da bàai, dí wɔ́lɔ mɛni ma yɛ̂ɛ berei núu a wɔ̂lɔ la ŋɔlóŋ tɔnɔ kpéŋ saa mɛni ma, dí gbêɣei tóo mɛni ma yɛ̂ɛ berei núu a wɔ̂lɔ la ǹóŋ-surɔŋ maa-ŋuŋ saa mɛ̂ni mai.

Hanwon 1:23

À kɛ̀ kà káwolii tɔ̀ɔ ŋália-wooi ma, gɛ̀ ní ŋa pâi ŋámɔ̂leŋ ŋɔtárei kélee tɛɛ̂i kápɔ, ŋa ŋɔ́nɔ ŋ́oo-ŋai su-kulâi lɛ́ kâa.

Ɉaan 7:39

E nyiŋi ƃò e pîlaŋ M̀ɔlêŋ ma nyíi diai da làa lai da pâi zɔlɔ ƃôi; kpɛ́ni fêi, dífe niî kɛ̀ M̀ɔlêŋ tɛɛ ni, kpɛ́ni fêi, Zîsɛ ŋɔfólo-laai ma fe kɛ́ ni niî a dɛ́ɛ.

Gɛlaɠaa 2:33

Zîsɛ è tɛ̀ ɣâla-taa a gɛ́ɛ é sée Ɣâla láa mii-yee mɛi, ǹyaŋ è M̀ɔlêŋ Maa Waai sɔlɔ ƃó yɛ̂ɛ berei Ǹâŋ è góno tèe la ǹyêei. Ǹyaa ƃa M̀ɔlêŋ Maa Waai tɛ̀ɛ kúpɔ. M̀ɛni ƃé kwa kwaa kâai la kúkɛ mɛni mɛ̂ni.

Lukə 3:6

À kɛ̀ tí, núu-kpune kélee a pâi Ɣâla ŋɔƃálo-laai kâai.”

Galatə 3:28

Zûu-nuu fe ŋɔ́nɔ ma kpaa máŋ Gurii, luɛ kpaa wɔ̂lɔ, surɔ̂ŋ kpaa nɛnî; kpɛ́ni fêi, kákelee kákaa tɔnɔɔ Zîsɛ Kôrai kponôi.

Azaya 40:5

À kɛ̀ tí, Yâwɛɛ ŋɔfólo-laai a pâi lɛ̂i, ǹyaŋ núu kélee a pâi gâai. Yâwɛɛ ǹyaa kpîŋ ƃé m̀o tí.”

Lonon mo 12:6

Yâwɛɛ è mò dîa ǹyɛɛ, “Ka ŋ́oo mɛ́ni. À kɛ̀ Ɣâla ŋɔlóno kɛ́-nuu káa kásama, ńyãai a Yâwɛɛ ŋá ŋ́gbîŋ lɛ̀ mà zĩa su, ŋá lóno bɔ́ seêi-pere.

Azaya 49:6

Yâwɛɛ è m̀o ǹyɛɛi, “Ŋátii kɛ́-nuui, tíi kpânaŋ káa ńyêei ímɛni ma. Vé nɔ́ a gɛɛ ípa a ŋɔnûai Eezuɛ-ŋai pôlu nyii-ŋai kùla gɔ́i zui, kɛ́lɛ ŋa pâi íkɛ̂i a kwaa ponóɔɔ ŋ̀éniɛi gwaa kélee mɛni ma. Ŋ̀éniɛi su-ƃelai kélee da pâi ŋuŋ ma sɔlɔ ƃôi ísârai.”

Gɛlaɠaa 21:9

Ńônii-nɛyaai náaŋ dí kɛ̀ mà. Dífe niî kɛ̀ surɔ̂ŋ kula ní. Dí kɛ̀ a Ɣâla ŋɔlóno kɛ́-ƃela.

Ɉeremi 23:28

Tɔɔ ɣâla-ŋɔlóno kɛ́-nuui nyíi see ƃôi, é m̀ó a gɛɛ è see ƃô, kɛ́lɛ ɣâla-ŋɔlóno nuui nyíi ŋáworɛ̂-wooi mɛ̂nii, tɔɔ é m̀ó a teniŋ ƃô pere. Ya pɔ̂ri kala kɔɔ̂ni léŋ wîi ma?

Azaya 54:13

“Ńyãa kpîŋ ŋa pâi sɛŋ-lɛ̂i kálônii sinaai dîa. Ŋa pâi gɛ̂i díƃûu ƃó, dílii seɛɛ.

Lukə 1:67

Gɛɛ tí, ǹâŋ Zɛkɛraya láa e fɛ̀ɛ a M̀ɔlêŋ Maa Waai, gɛ pá-mɛni-ŋa ƃo, ǹyɛɛi,

Hebreu 1:1

Tãi pɔlɔi su Ɣâla è lòno kúnâŋ pɔlɔ-ŋai pɔ́ ŋɔlóno-kɛ-ƃelai sârai pere-sii da kpɛni támaa su.

Lonon mo 11:17

Ŋa pâi pâi ŋá lóno naa ípɔ. Mɔ̂leŋ gáa íponôi ŋa pâi da pûi díkponôi a gɛɛ ǹûai maa mɛni é kɛ́ kâa ka dîa-ni, vé kɛ̀ nɔ́ yá tɔnɔ yâ.

Samuɛlə dɔlɔɔ 19:20

Sɔ̂ɔ è kɔ-kuluƃa kpulu loŋ tɛ̀ɛ naa a gɛ́ɛ dí Deeƃé sóŋ dí pá la pôlu. Dí lì Lama dí Samia káa gɛ́ ƃò a Ɣâla ŋɔlóno kɛ́-ƃelai mɛi nuu. Ǹûai ŋí dí kɛ̀ Ɣâla ŋɔwóoi ƃôi. Gɛ́ɛ tíi, Ɣâla ŋɔmɔ̂leŋ è pà gɔ-kuluƃa-ŋai mɛi, dîa máŋ dí pɛ́lɛ Ɣâla woo ƃôi.

Samuɛlə dɔlɔɔ 28:6

È Yâwɛɛ marê kɛ̀ m̀ɛnii ma a pɔri gɛ̂i. Kɛ́lɛ Yâwɛɛ fé ŋ̀óo su too ní a see-woo su kpaa máŋ a Uliŋ da Tumiŋ, kpaa máŋ a Ɣâla ŋɔlóno kɛ́-nuu da.

Azaya 49:26

Ŋa pâi gɛ̂i kákpɔara-ƃelai dí díkîe ni paa. Da pâi kɛ̂i díkîe ni ŋãa kpelêi gɛ́ díkɛ̀ yɛ̂ɛ ŋwã̂ai. À kɛ̀ tí, ǹûai kélee da pâi gɔ́lɔnîi a gɛ́ɛ ńyãa Yâwɛɛ, káƃalo-nuui da káŋuŋ ma ƃó-nuui, Eezuɛ ŋɔwála-wala Ɣala tɔnɔi.”

Ɉeremi 23:25

M̀ɛnii ǹɛ́ɛ ɣâla lòno kɛ́-ƃelai tí dí mò a ńaai, ŋá gélee kɔ́lɔŋ. Dí mò a gɛɛ ŋá worɛ̂ tɛ̀ɛ a dia nyiî-pere.

Izikiɛ 36:27

À kɛ̀ tí, gɛ̀ ní ŋá pâi ŋámɔ̃lêŋ pûi kákponôi, ŋá gɛ́ ká ŋá tɔ̂ŋ-ŋai mɛi káa, kátûa yɛ̂ɛ berei ŋá tɔ̂ŋ wóo káa lai.

Izikiɛ 37:14

Ŋa pâi ŋámɔ̃lêŋ pûi kákponôi kákɛ a ká fúlu. Ŋa pâi pâi a káa kákpɔɔi lɔii su. À kɛ̀ tí, gɛ̀ ni ka pâi gɔ̂lɔnii a gɛɛ ńyãa Yâwɛɛ ƃé mò tí, ŋá ŋa-see kɛ́.’ ”

Danîa 7:1

Babelɔŋ kaloŋ Bɛsaza ŋɔkâloŋ-laa koraŋ maa-ŋuŋ su, ŋá zĩ̂a kàa. M̀ɛni-ŋai ŋá díkàa zĩ̂ai ŋí sui, ŋá dí pɔ̃yɛ.

Samuɛlə dɔlɔɔ 19:21

Sɔ̂ɔ kɛ́ɛ a mɛnii ŋí mɛ́nii, è ŋɔkɔ-kuluƃai gbulu da kpɛ́ni tɛ̀ɛ naa. Dí liɛ́ɛi dia máŋ dí pɛ̀lɛ Ɣâla ŋɔwóoi ƃôi yɛ̂ɛ ǹûai duɛ-tuɛi. È ŋɔ́nɔ gɔ-kuluƃai gbulu zaaƃai tɛ̀ɛ. Kɛ́lɛ dîa máŋ dí pɛ̀lɛ mɛni tɔnɔi kɛ̂i.