Zooɛ 2:22 - Bible

²² Sua-ŋa, káfe yào, kpɛ́ni fêi, kala ŋûnu támaa káa vɛ̃ɛ-kpâlaŋ su, ŋ̀úru-ŋai da ƃá, fîi wuru-ŋai da gbɔmɔ-ŋai díkɛ ƃà a ǹɛ́lɛɛ.

Yálá laawoo hɛɓɛ (dc)

²² Lɔwɔ huwɔɠaa! Ka hvo kɛa ɲɔw! Lɔwɛi kalaɠaa daa tɛlin wuluɠaa daa ɓa. Ɓɔɔlaa wulu da viɲəɠaa yeelaa aa hvólóon.

Yálá laawoo hɛɓɛ

²² Lɔwɔ huwɔɠaa! Ka hvo kɛa ɲɔw! Lɔwɛi kalaɠaa daa tɛlin wuluɠaa daa ɓa. Ɓɔɔlaa wulu da viɲəɠaa yeelaa aa hvólóon.

Zooɛ 2:22 Referans Kwoze

Zakari 8:12

Kpɛ́ni fêi, da pâi dísi-sɛŋ-ŋa sîi lii-sêe su. Díkpɔmɔ-kpâlaŋ-ŋai da pâi ƃâi ǹɔii é dísi-saai kɛ́ dí kpɛtɛ. Ǹyaŋ tuna támaa a pâi pûi dísi-sãai dîa. Ǹyaŋ zãâi ŋí kélee a pâi kɛ̂i a nɛɛ-pôlu-ƃelai pɔ́ɔ.

Mąątɛ̨nɛ̨ 65:12

Ya gɛ̀ kala-ŋa dí kpɛtɛ vɛ̃ɛ-kpâlaŋ-ŋai su, ǹyée-ŋai díkɛ lii-nɛ̃ɛ kùla.

Azaya 51:3

“Ŋa pâi Zerusâlɛŋ ŋɛ́i malôŋ kâai, da diai kélee lɛ̀ɛ naa bilêŋ ŋái. Berei máŋ ǹaa káa la a fɛ̃ɛ-kpâlaŋ sui, ŋa pâi ǹaa kɛ̂i yɛ̂ɛ Idɛŋ Suai su. Ǹaa a pâi kɛ̂i yɛ̂ɛ Yâwɛɛ ŋɔsûai su. Ǹaa-ƃelai da pâi kɛ̂i lii-sêe su, díkɛ koi-nɛ̃ɛ kùla. Da pâi kɛ̂i wule toôi, díkɛ sɛɣɛ̂i fêe tɛ̀ɛ ḿbɔ.

Mąątɛ̨nɛ̨ 67:6

Kúsi-sãai da ƃûu ƃó da ƃá a tɛ̀ɛ bɔlɔi ma. Ɣâla nyii gáa a Kúɣâlai, a lûwa láa kûa.

Korɛntə dɔlɔɔ 3:7

Mɛni ma, ǹúui a sí-sɛŋ sii, kpaa máŋ, ǹúui a yá pù mai, ve a sɛŋ da, fɛ̂ɛ nɔ́ Ɣâla nyíi a gɛ̀ e ƃɔlɔ̂i.

Egaa 2:16

Tãi ka kâa kpâlaŋ ŋá tii kɛ̀ la è ƃò kákili ŋá a gɛɛ ka pâi mɔlɔŋ kɔ̂ŋ ŋuŋ lɔ́ɔlu mɛida sɔlɔ ƃôi naai, kɛ́lɛ ká ŋuŋ saaƃa kàa nɔ́. Tãi ka kâa tóu tèe la è ƃò kákili ŋá a gɛɛ ka pâi wúlɔ tiŋ lɔ́ɔlu sɔlɔ ƃôi, kɛ́lɛ ka kâa veerɛ sɔlɔ ƃó nɔ́.

Zôna 4:11

Vé a sɛŋ Ninivɛ nyii gáa a taa-lêe kɛ́tɛ m̀alôŋ é kɛ́ ḿâ, nyii núu tɛɛ wála ŋuŋ tɔnɔ pôlu buu feerɛ (120,000) káa zu, nyii-ŋai dífe mɛni nyɔ́mɔɔ da mɛni lɛ́lɛɛ díloai kɔ́lɔŋ, nyii máŋ taa-tûlɛ támaa káa zui?”

Izikiɛ 36:35

Ǹyaŋ da pâi kɛ̂i môi dîyɛɛ ǹɔii ŋí kɛ̀ bûŋ gáa nâa yɛ̂ɛ Idiŋ-suai su. Daa lêe-ŋai dí zu-sãa kélee siɣe ǹaa é lɛ́ɛ a gbolôŋ. Díkaa nâa a taa lêe láa fɛ́ɛ siɣaŋ tínaŋɔɔ dîa.

Izikiɛ 36:30

Ŋa pâi gɛ̂i ká sí-sãai dí kpɛtɛ kpɔ́ a dámaa a gɛɛ puru fa ŋɔ́nɔ ƃâa kùla kâa ǹɔii-ŋûŋ-ŋai sáma.

Izikiɛ 36:8

Kɛ́lɛ wúru-ŋa da pâi ƃɔ̂lɔnii ǹyé kpaya-kpayai ma Eezuɛ lɔii su, dí ƃá a gɛɛ ŋá ǹûai nyii-ŋai díkaa a Eezuɛ-ƃelai mɛ̂ni ma. Kpɛ́ni fêi ka pá lenêi pôlu dípɔi-taai.

Mąątɛ̨nɛ̨ 36:6

Íteniŋ ƃô-laai tɔɔ̂i yɛ̂ɛ yée kpaya-kpaya-ŋa, ítɔ̃yâ-laai mɛni seriɛɛ yúo kpóŋ ma. Í kpáaŋɔɔi núu-kpune da fɛnɛ-sãa mɛni ma.

Zɛnɛse 4:12

Ƃà tíi kɛ̀ ǹɔii ma, vé pâi sí-sɛŋ kpɛtɛ̂i íyêei. Ƃa pâi kɛ̂i nɔ́ a pilaŋ-gɔ́ɔ ma-nuu ǹɔii su.”

Mąątɛ̨nɛ̨ 65:13

M̀ála-ŋai da ƃûu ƃôi gbalaŋ-ŋai ŋá, zí-sãai díkɛ kpɛ̀tɛ ǹyée-ŋai loai. Zãâi ŋí kélee da wule tôo, díkɛ lii-nɛ̃ɛ kùla, díkɛ sɛɣɛ-fei tɛ̀ɛ Ɣâla pɔ́ yɛ̂ɛ núu-kpune.