Zôo 8:3 - Bible

³ Ɣâla fa mɛni ŋá tèe a wôya. Ŋ̀wála-wâla kélee Ɣalai a mɛni ŋá tèe a zãa.

Yálá laawoo hɛɓɛ (dc)

³ Yálá a pɛli mą tɛ̨ą kpəlaan ɉii? Huwalawala Kəlee Nąmu a pɛli mɔ̨ɔ̨ tələnmolaa kpəlaan ɉii?

Yálá laawoo hɛɓɛ

³ Yálá a pɛli mą tɛ̨ą kpəlaan ɉii? Huwalawala Kəlee Nąmu a pɛli mɔ̨ɔ̨ tələnmolaa kpəlaan ɉii?

Zôo 8:3 Referans Kwoze

Kɔlɔnikɔ Veerɛi 19:7

Mɛni ma tɔɔ Yâwɛɛ ŋɔyao maa é kɛ́ kâa. Ka m̀ɛni-saai ƃó kpɔ́ a ǹɛ́lɛɛ, kpɛ́ni fêi Yâwɛɛ nyíi gáa a Kúɣâlai va fili mɛni ƃò kpaa máŋ é núu su ɣɛ́ɛ, kpaa máŋ é yèe pɛlɛ ǹá sɛŋ soŋ.”

Dutɛrɔnome 32:4

“Gáa a kɔni, gɛ́ tîi maa waa, dûa-pere kélee sãa. Gáa a kili kɛ-zu Ɣala, va pɔara maa kɛ̀. Zɔŋ lɛ̂lɛɛi, gɛ́ ƃò a tɔ̃yâ Ɣala.

Zɛnɛse 18:25

Nyíŋi fé kɛ̀ tí a gɛɛ í ŋwana-lɔ̂ɔ-ƃelai su kara da dɔ̃yâ-ƃelai gîe ma, a gɛɛ dɔ̃yâ-ƃelai dí mɛni-soli káa ŋwana-lɔ̂ɔ-ƃelai sârai. Nyíŋi fé kɛ̀ tí. Vé a sɛŋ a gɛɛ ŋ̀éniɛi kélee ŋɔmɛni ŋa-tee-nuui é tɔ̃yâ mɛni kɛ́?”

Danîa 9:14

Óo Ǹuu-namui Ɣâla, íkɛ̀ a íkpîŋ kpɛtɛɛ a gɛɛ í kúkula maa kɛ́, ǹyaŋ í gɛ̀ kpɛ́ni fêi ya m̀ɛnii kɛ̂ nyii zãai. Kɛ́lɛ kúfe kúwoli tɔɔ-ni yâ.

M̀ɛni-lɛɛi 16:7

Nya ƃe ŋa Ŋ̀âla-teƃelei wóo mɛni a zu kɛ́tɛ, nyɛɛi, “Tɔ̃yâ ma, Kúnuu-namui, Ŋ̀wála-wâla kelee-Ɣalai, ímɛni-ŋa-teɛɛ-ŋai díkaa a tɔ̃yâ, dísãa!”

M̀ɛni-lɛɛi 15:3

Dí kɛ̀ Mose ŋɔwulei toôi, nyíi kɛ̀ a Ɣâla yée-mu-nuui, díkɛ M̀ála-loŋ ŋɔwulei tôo, díyɛɛi, “Ítûa-perei kɛ́tɛ̂i maa pɔlɔ-pɔlɔɔ, Óo Kúnuu-namui Ŋ̀wála-wâla kelee-Ɣalai! Ítûa-perei sã́âi, gɛ ƃo a tɔ̃yâ, Óo ǹɔii-ŋuŋ kélee mɛi-Kaloŋ!

Lomaŋ 2:5

Kɛ́lɛ, íwolii kpɔlɔ̂i, ífa ílii pene. M̀ɛni ƃé pâi gɛ̂i ímɛni kula-maai su é kɛ́tɛ a Ɣâla ŋɔtɔ̃yâ mɛni ŋá-tee ɣelei.

Izikiɛ 33:20

Kɛ́lɛ Eezuɛ-ƃelai dí mò a gɛɛ ńdûa-pere fé lɛ́lɛ ní, m̀ɛni ma, ŋa pâi dí mɛnii ŋá têei yɛ̂ɛ berei dí tûa pere káa lai.”

Izikiɛ 33:17

“Ǹyaŋ ká ǹûai da mò dîyɛɛi, Yâwɛɛ tûa-pere fé lɛ́lɛ ní. Kɛ́lɛ ńdûa pere lɛ̂lɛɛi. Día ƃé dítûa pere fé lɛ́lɛ ní.

Izikiɛ 18:25

“Kɛ́lɛ, ká mò kâai, ‘M̀ɛnii ǹuu-namui è gɛ̀i vé lɛ́lɛ ní.’ Káai a Eezuɛ-ƃelai, ka káwoli tɔ́ɔ. Ńdûa-pere fé lɛ́lɛ ní? Káa fé kátua-pere nyɔmɔɔi?

Mąątɛ̨nɛ̨ 99:4

Gâloŋ Kɛ́tɛi, íwɛlini a tɔ̃yâ da teniŋ ƃô mɛni. Yá ƃé tɔ̃yâ mɛni kɛ́ɛ kɔ́ɔ pìlaŋ Eezuɛ lɔii su. Yá ƃa gɛ́ tɔ̃yâ da teniŋ ƃô mɛni kɛ́ ƃò naa.

Mąątɛ̨nɛ̨ 89:14

Íwala-wala-laai kpóŋ seêi ƃa tɔ̃yâ-laa da tɔ̃yâ mɛni ŋá téɛɛ. Ítûa pere kélee káa a wɛli kɛ́-maa da teniŋ ƃô-laa.

Zôo 40:8

Tɔ̃yâ ma ya ŋ̀wɛ̂lii í ńɛ a lɛ́ɛ nûu. Ya pâi ŋámɛnii ŋá têei í ǹɛ́ a gɛɛ íwɔ̂i mɛnii lɛ̂lɛɛi?

Zôo 40:2

“Zôo, ya pâi naa kperâi ŋ́oo-mu sɔɔ̂i, ńyãai a Ŋ́wála-wala kélee Ɣalai? À kɛ̀ ya pâi kɛ̂i nɔ́ ŋ́oo-mu sɔɔ̂i, gɛ̀ ní mare kɛ̂ɛ-ŋai ŋí su kula.”

Zôo 35:13

Da kɛ̂ lɛ́ɛ wɔ̂lɔ kɛ̂i, m̀ɛni ma Ɣâla fa ŋ̀ólu tɔ̀ɔ dîa. Ŋ̀wála-wâla kélee Ɣalai fa dípɔ naa pêre kàa a dɔnɔ kpîŋ.

Zôo 34:5

Zôo, í mò yɛ̂ɛi, ‘Ḿve niî mɛni nyɔ́mɔɔ da kɛ́ ní. Ǹyaŋ Ɣâla a ŋátɔ̃yâi kúla ńyêei.

Zôo 21:20

Tɔɔ ŋ̀wana-lɔ̂ɔ-ƃelai ŋí dia kpîŋ dí díkpîŋ sɔnyɔ̂ŋ maa mɔ̃lɛ-laai sɔlɔ ƃó. Tɔɔ dí Ŋ̀wála-wâla kélee Ɣalai ŋɔlii ŋwânai kɔ̂ɔŋ.

Zôo 21:15

Gbɛ̂ɛ ƃa Ŋ̀wála-wâla kélee Ɣalai nyii ŋ̀wɛ̂lii a gɛɛ kú ǹîa mɛni kɛi? Kwa vɛ̀li, lé ƃé kwa zɔlɔ ƃô zui?’

Zôo 19:7

Ŋa tóli ƃôi a gɛɛ ká kpɔŋ ḿâ nuu da fa ŋ̀oli tɔ̀ɔ ḿâ. Ŋa tóli ƃôi kpɔŋ mâa mɛni ma, kɛ́lɛ núu da fé naa é kpɔŋ ḿâ a teniŋ ƃô-pere.

Zôo 10:3

À kɛ̀ ya mɛni kpɔ̂lu làa ḿâ, lé ƃé ya pâi gulâi zu? Lé mɛni ƃé ya í pôlu tɔɔ̂i la zɛŋ í gbɛ̀tɛ a íkpîŋ yeei mai? Ya íyee seêi ŋ̀wana-lɔ̂ɔ-ƃelai dímɛni kpɛtɛɛi mu lé mɛni ma?

Zôo 4:17

‘Núu sîi kélee da fé teniŋ ƃô-ni é tɛ́ɛ Ɣâla ma. Wála-wala-nuu kpîŋ maa fé waa ní é tɛ́ɛ gbɛ̀tɛ-nuu ma.

Zôo 36:3

Ŋa pâi nɛ̂i yâ a gɛɛ ŋá mɛni ŋá káai su kɛ̂tɛi. Ǹyaŋ ŋa pâi nɛ̂i yâ a gɛɛ Ŋ́gbɛtɛ-nuui Ɣâla a tûa a teniŋ ƃô-pere.

Zôo 36:23

Núu da fa pɔ̂ri m̀ɛnii lɛ̂i Ɣâla ma maa nɛ̃ɛ̂i é gɛi. Núu da fa pɔ̂ri môi Ɣâla ma a gɛɛ a mɛni nyɔ́mɔɔ kɛ́.

Zôo 37:23

Núu da fa Ŋ̀wála-wâla kélee Ɣâlai kâa. Ŋɔwála-wala-laai kɛ̂tɛi. Zɔŋ lɛ̂lɛɛi, deniŋ ƃôɔɔ, va núu fìli.

Zôo 19:6

Ka kɛ́ a gɔ́lɔŋɔɔ a gɛɛ Ɣâla ƃé gɛ̂i ŋ́gɛ mɔ̃lɛ. A ŋɔdeɣaŋ kpíniŋ a ńyãa.