Zôo 27:22 - Bible

²² Vãai ŋí a pâi vɛ̂ɛi kpɔ́ a ŋa ŋánaa. A kɔ kpɔ́ a ŋánaa a gɛɛ é kúla vãai ŋɔwála-wala-laai perei.

Yálá laawoo hɛɓɛ (dc)

²² Da ɉɛn, di hva mąąwɛli kaa, a gilɛ həɠə, yɛ kɛ ə tee donwą tɔwɔ,

Yálá laawoo hɛɓɛ

²² Da ɉɛn, di hva mąąwɛli kaa, a gilɛ həɠə, yɛ kɛ ə tee donwą tɔwɔ,

Zôo 27:22 Referans Kwoze

Lomaŋ 8:32

Ǹúui nyíi ve gbîŋ-Loŋ malôŋ káa ni, kɛ́lɛ, e dɛɛ kúkelee kúmɛni mai, ve pâi máŋ sɛŋ kélee tɛɛ̂i kúpɔ e pɛlɛ mà?

Amɔsə 2:14

Pere fé pâi kɛ̂i kɔɔ-maa fêla-nuu yêei é pú, ŋ̀wála-wâla-nuui ŋɔwála-wâlai a pâi kɛ̂i kpɛ́ni-kpɛni, ŋ̀wála-wâla-nuui fé pâi gbîŋ ŋuŋ ma ƃôi.

Izikiɛ 24:14

Ńyãa Yâwɛɛ ƃé mò tí. Ǹyaŋ ŋàa see a pâi kɛ̂i. Ŋa pâi gɛ́i tí. Ḿve pâi koyɛ̃nii perêi. Ḿve pâi í malôŋ kâai. Ḿve pâi ǹíi penei. Ŋa pâi íkula maa kɛ̂i yɛ̂ɛ berei ítâa-pere káa lai. Ńyãa Yâwɛɛ ńyãa ƃé mò tí.”

Izikiɛ 5:11

“M̀ɛni ma, Ŋ̀wála-wâla kélee Ɣalai è mò ǹyɛɛi, ‘Tɔ̃yâ ma, tãi nɔ́ ka ŋápɛrɛ-maa waai maa tĩa kara la a ɣâla-pɔɔkɔŋ-ŋa da sâla nyɔ́mɔɔ-ŋa kulaai, ŋa pâi ǹyée kulâi ká mu. Ḿve pâi ká malôŋ kâai a dɔnɔ kpîŋ.

Ɉeremi 13:14

À kɛ̀ tí, ŋa pâi dítôoi ŋá díwolo yɛ̂ɛ gònoŋ-ŋa da sɔ̀ɔ díkîe-ni dîa. Ŋa m̀ɛni ŋí kɛ̂i a ǹúu pɔ̂lɔ-ŋai da ǹyáŋkpa-ŋai kélee. Ḿve pâi díŋɛi malôŋ kâai a dɔnɔ kpîŋ. Ŋa pâi dípaâi.”

Azaya 10:3

Lé ƃé ka pâi gɛ̂i tãi Ɣâla a pâ la a gɛɛ é ká kula-maa kɛi? Lé ƃé ka pâi gɛ̂i à kɛ̀ Ɣâla a kɛ̀ pâi a mɛni kpɔ̂lu gɛ́ kùla lɔii kôyaa su kôyaa sui? Mí ƃé ka pâi liî naa kpɔŋ mâa mɛni mai? Ka kɛ̀ pûi, mí ƃé ka pâi kátɔɔ-sãai lɛɛ̂i naai?

Zôo 20:24

É máŋ pú a gɛɛ kɔkuluƃa fé bàa a kpála nyii dí gbɛ̀tɛ a kɔlii, da pâi baâi a ƃara sɔ̂la.

Zôo 11:20

Ŋ̀wana-lɔ̂ɔ-ƃelai dífe pâi tarêi m̀ɛnii su gáa kɛ̂i a diai. Dífa berei kâa a gɛɛ dí pú. Ǹyaŋ kili-kɛ-zu da kpɛ́ni fé ǹúu sîi-ŋai ŋí yêei é tée saa pôlu.

Zasua 10:11

Díkɛɛ pûi Eezuɛ-ŋai yêei díkɛ kùla Bɛorɔŋ dí kɛ́ lì Azekai, Yâwɛɛ è gɛ̀ sãɔ-ŋa dí kúla ŋ̀elei su dí kɛ́ tòo dîa. Zãɔi è dámaa pàa é tɛ́ɛ nyíi-ŋai dîa Eezuɛ-ŋai dí dípàa a ƃóa-sɔkpɔ-ŋai.

Dutɛrɔnome 32:23

“‘Ŋa pâi mɛni-kpɔ̂lu lâai dîa ŋá tɔ̃a-ŋa ŋá sée dîa.

Dutɛrɔnome 29:20

Vé pâi wɔ́lɔ zu-mɛni lɛɛ̂i. A pâi dí su karâi a tólo da lii ŋwâna su kɛ́tɛ. Ǹáɣaŋ kélee bɔ̃yɛ̂ɛi gɔlɔi ŋí sui a pâi lɛɛ̂i ma. Yâwɛɛ a pâi ǹáa kulâi ɣele ma.

Lɛɛ gbɔwɔ ɓa 9:14

Tãi ŋí su a pâi ŋɔtɔ̂ŋ-kpɛ-maai kɛ̂i a yá ka ítii-kɛ-ƃelai é pɛ́lɛ ínûai dîa a gɛɛ ká gɔ́lɔŋ a gɛɛ Ɣâla da kélee fé naa ǹɔii gwaa kélee yɛ̂ɛ ǹyaa.

Zôo 10:7

Í gɔ́lɔŋ kpɔ́ ḿve niî mɛni nyɔ́mɔɔ da kɛ́ ní, kɛ́lɛ núu da fé naa é ŋ́gula íyêei.

Zôna 1:10

Zôna è mò dîa a gɛɛ è kɛ̀ pûi Yâwɛɛ yêei. Nya ƃe ǹúai díyao kpɔ́ a dámaa dîyɛɛ m̀ai “Í gɛ̀ tí lé mɛni ma?”

Samuɛlə dɔlɔɔ 25:29

Í Ɣâlai Yâwɛɛ a pâi ímɛi kâai é íŋuŋ ma ƃó íkpɔara-ƃelai yêi da kɛ̀ ŋ̀wɛ̂lii dí í páa. Kɛ́lɛ a pâi dífulu-laai kûlai díyêei a maa féla é tɛ́ɛ la berei ma ya kɔni pîli la a í vûu-mai.

Mąątɛ̨nɛ̨ 11:6

A pâi ŋɔŋ lêŋ da súluŋ su ŋɔŋ pûi ŋ̀wana-lɔ̂ɔ-ƃelai ŋûa. A pâi gɛ̂i fãa-su kpanaŋɔɔ é tɛ́ɛ a dia.