Zôo 21:14 - Bible

¹⁴ “Ŋ̀wana-lɔ̂ɔ-ƃelai da kɛ̂ Ɣâla mà ‘Tée kúpôlu. Kúfe ŋ̀wɛlii a gɛɛ kú mɛni da kɔ́lɔŋ é pîlaŋ yâ.

Yálá laawoo hɛɓɛ (dc)

¹⁴ Ya pa di kɛi kɛ Yálá ɓa: «Ə́ mąą kwɛa kuɔ, ə́ wɔ pələi kɔ́lɔn mɛ̨nį mąą kpaan və kuɔ,

Yálá laawoo hɛɓɛ

¹⁴ Ya pa di kɛi kɛ Yálá ɓa: «Ə́ mąą kwɛa kuɔ, ə́ wɔ pələi kɔ́lɔn mɛ̨nį mąą kpaan və kuɔ,

Zôo 21:14 Referans Kwoze

Zôo 22:17

Ǹûai tí dí mò Ɣâla ma dîyɛɛi, ‘Ye tée kûa kúkɛ kúkpîŋ yèe ma.’ Dílâai la Ŋ̀wála-wâla kélee Ɣalai fa pɔ̂ri mɛni ŋánaa kɛ̂i a dia.

Lomaŋ 8:7

Kpɛ́ni fêi, gili-kɛ-maai gáa núu kpîŋ-tua-perei mɛni mai gáa a Ɣâla kpɔaraa; va lɔ̂ Ɣâla ŋɔtɔ̂ŋ mu, tɔ̃yâ ma va pɔ̂ri kɛ̂i;

Mąątɛ̨nɛ̨ 10:4

Dísu-mɛni kɛ̂tɛi. Dífe kpáaŋ ní Yâwɛɛ mɛni ma. Da kɛ̀ m̀ôi dîyɛɛi, “Ɣâla fé ɣele ma.”

Hanwon 1:29

Ká táre kpɔ̀ara káfe gbɛtɛ ní kákili ŋá a gɛɛ ká yáo Ɣâla Yâwɛɛ ma.

Lomaŋ 1:28

È kɛ̀ tí, kpɛ́ni fêi, dífe Ɣâla maa mɛni sìɣe ní a tɔ̃yâ. Ɣâla è nɛ̀ɛ dí díkɛ-ɣeniɛi kɛ́ a kili-ŋa-sia nyɔ́mɔɔ da tua-pere nyɔŋ nyíi m̀aa fé nɛ̃ɛ ní kɛ̀ dí gɛ́i.

Lukə 8:37

Nya ƃe gbɔŋ kélee kùla Gɛ̂rɛsa lɔii gwaa kélee mai, dí Zîsɛ kpera fé a gɛɛ e siɣe díkɔlɛ e li. Kpɛ́ni fêi, yao kɛ́tɛ e dísòŋ. Nya ƃe Zîsɛ e pìli yá ŋá-keleŋ su, e li pôlu.

Lukə 8:28

Gɛɛ a Zîsɛ káai, e làɣi e too gɔ́ɔ mu e m̀ó a ŋ̀óo su kɛ́tɛ, ǹyɛɛi, “Le-mɛni ƃe íyeêi í gɛ́ a ńyãa, Zîsɛ, yái a Ŋ̀âla Gɛ́tɛi Ǹóŋ? Ŋa íkpera fêi, ífe ŋ́ɛi maa nɔ̃̂ɔ.”

Habakukə 1:15

Da dí sòŋ a kpawɔ, dí díɣala a dítumai dí dípu dísooi su, m̀ɛni ma dílii nɛ̃ɛ̂i dímɛni ma.

Hanwon 1:22

“Káai káfa mɛni ŋá kàa a ǹɛ́lɛɛi, ka pâi lɛ̂ɛi m̀ɛnii ŋí su a tãi ɣɛɛlu? Káai a ŋ̀ɛ́lɛ-maa-kula-ƃelai, lé-tãi ƃé ka pâi kperâi la kánîa-kɛɛ ma ɣɛlɛ-maa kuláa sui? Káai táre fé káŋuŋ sui, káfe pâi wɔ́lɔ mɛni maa kɔ̂rii?

Hanwon 1:7

Ǹúui ŋ̀wɛ̂lii é tárei, fɛ̂ɛ é yao Ɣâla Yâwɛɛ ma a maa-ŋuŋ, kɛ́lɛ ǹûai dífa mɛni ŋá kàa a ǹɛ́lɛɛi da táre da lia-woo maa mɛ̂ni sìɣe nɔ́ kpɛ́ni-kpɛni.

Mąątɛ̨nɛ̨ 10:11

Ŋwana-lɔ̂ɔ-ƃelai da m̀o dîyɛɛi, “Ɣâla fé kpáaŋ ni! A ŋɛ́i lá tɛ́, ǹyaŋ vé pâi ŋ́gaai!”

Zôo 34:27

A gɛ̀ tí kpɛ́ni fêi, dí dípôlu tɔ̀ɔ mà, dífa díwoli tɔ̀ɔ m̀ɛnii mâ è mò dîa a gɛɛ dí gɛ́i.

Zôo 35:10

Kɛ́lɛ dífa tìnaŋ Ɣâla pɔ́naa pêre nyii gáa a díkpɛtɛ nuui nyii a pâ dípɔ a ŋuŋ ma ƃô tãi da kɛ̂ mɔ̃lɛ̂i lai.

Azaya 30:11

Ka káŋɛi síɣe kúŋɛi. Kúfe ŋɔ́nɔ ŋ̀wɛ̂lii kú mɛni da mɛni é pîlaŋ Eezuɛ Ŋɔɣâla Maa Waai ma.”

Ɉeremi 9:6

Díkaa nɔ́ ŋwana lɔ̂ɔ ŋáa tɛ̂i gîe mɛi, dí kɛ̀ núu pɛ̀lɛ a tãi kélee. Da nia ḿâ. Yâwɛɛ ƃé mò tí.

Mąątɛ̨nɛ̨ 95:10

Dí tɔ̀ɔ ḿâ a kóraŋ buu náaŋ. Nya ƃe ŋá m̀o ńyɛɛ, ‘Díkaa a ŋánûa, kɛ́lɛ dífe ḿbôlu. Dífe siâi a ŋátɔ̂ŋ-ŋai wóo.’

Ɉeremi 2:31

Óo Eezuɛ-ƃela, ka káwoli tɔ́ɔ ŋ́oo ma ńyãai ŋ́gáa a Yâwɛɛ. Ŋ́gáa yɛ̂ɛ fɛ̃ɛ-kpâlaŋ Eezuɛ maa mɛni ma? Vé tí a dɔnɔ kpîŋ. Kpaa ḿve yɛ̂ɛ tuna-ya kpini. Lé mɛni ƃé ká môi la kákɛ ŋuŋ ma ƃô sɔlɔ ƃó, mɛni ma kú fa ŋɔ́nɔ pa pôlu ípɔi?