Zôo 12:4 - Bible

⁴ Ǹúui nyii kélee a Ɣâla fɛ̀li gíli tɔ̂ɔ ma a gɛɛ é ŋ̀óo su tooi, m̀arâai da gɛ̀ nɔ́ a díɣɛlɛ maa sɛŋ, berei máŋ deniŋ ƃôɔɔi la, a Ɣâla fɛli gɛ́ ŋ̀óo mɛnii.

Yálá laawoo hɛɓɛ (dc)

⁴ Ŋą́ą́ kɛ a mɛlaa di wɔ yɛlɛ mąą hɛn. Ɲą́ą́i kɛi Yálá təli ə gɛ ə nwóó pulu pənə. Tələnmomun yii hɔn və mą, aa kɛ a yɛnɛ̨ɛ̨ nuą di wɔ yɛlɛ kulɔ ɉu hɛn.

Yálá laawoo hɛɓɛ

⁴ Ŋą́ą́ kɛ a mɛlaa di wɔ yɛlɛ mąą hɛn. Ɲą́ą́i kɛi Yálá təli ə gɛ ə nwóó pulu pənə. Tələnmomun yii hɔn və mą, aa kɛ a yɛnɛ̨ɛ̨ nuą di wɔ yɛlɛ kulɔ ɉu hɛn.

Zôo 12:4 Referans Kwoze

Mąątɛ̨nɛ̨ 91:15

Da ńdòli, ŋa pâi díwoo su toôi. Ŋa pâi kɛ̂i díkɔlɛ dímɛni kpɔ̂lui kélee su. Ŋa pâi díŋuŋ ma ƃôi ŋá ƃaa kɛ́-maa tɛ́ɛ dípɔ.

Zôo 30:1

Ǹîa-pɛlɛɛi nyii-ŋai dífe tɛ́-ni ḿbɔi díkaa nâa ɣɛ́lɛ-maa kulâi ŋ́gbonôi. Dínâni kpɛ́ni-kpɛniɛi kpɔ́ a sɛŋ nyii ḿva pɔ̂ri dí marê kɛ̂i a gɛɛ dí kpɔŋ mâa tɛɛ ŋáɣila-ŋai pɔ́ a gɛɛ dí ŋáƃála-ŋai mɛi kaa.

Zôo 21:3

Ka kálii kpéle ká káwoli tɔ́ɔ ḿâ a ǹɛ́lɛɛ. Ŋà kpɛ̀ɛ a lónoɔɔ, gɛ̀ ní ka pɔ̂ri ɣɛ́lɛ maa kulâi ŋ́gbonôi.

Zôo 17:6

A gɛ́ ǹûai díkɛ ɣɛ́lɛ-maa wule tòo ḿâ, díkɛ díla-ya pù ḿâ a ŋume-pere.

Zôo 17:2

Ǹûai kélee díkaa ɣɛ̂lɛi ḿa, ǹyaŋ ŋa gâai berei da ɣɛlɛ̂i la ḿâ a ŋwana-lɔ̂ɔ-perei.

Zôo 16:10

Da díla tàɣa ḿâ yɛ̂ɛ lɔɔ-fɛnɛ sãa díkɛ ḿaa yâo. Dí ńokwa ŋ́goma ma díkɛ ɣɛ́lɛ-maa kùla ŋ́gbonôi. Dí díŋa tɛ̀ gîe ma a gɛɛ dípɛlɛ ḿâ.

Hebreu 11:36

Dí ɣɛ́lɛ-maa kùla núu da-ni kponôi dí dílokwa dí yɔlɔ pú dîa máŋ dí dípili kpini-pɛrɛ mu.

Gɛlaɠaa 17:32

Pɔ̂ɔ lónoɔɔ é m̀u-siɣe yêei saa yêei mɛni mai, ǹúui da-ŋa dí ɣɛ́lɛ maa kùla gbonôi, gbéli-ŋai dí mò, dîyɛɛi, “Kwa pâi íwoo mɛnii ŋɔ́nɔ é pîlaŋ mɛnii ŋí ma.”

Lukə 16:14

Faresii-ŋai nyii-ŋai kɛ̀ a sɛŋ-kao wɛliɛi, dí mɛnii ŋi kélee mɛ̀ni, dí ɣɛlɛ-maa kúla zu.

Markə 5:40

Dí ɣɛ́lɛ-maa kùla Zîsɛ kponôi. Kɛ́lɛ, è díkelee kpɛ̀ dí kúla ŋ̀énei ŋá. Ǹyaa, ǹôloŋ ǹâŋ, ǹôloŋ ǹee da diai kɛ̀ gɔlɛi mai nɔ́ ƃé lì ƃɛ́i ǹôloŋ è kɛ̀ laai ni naai.

Maafîu 27:29

Dí ɣalêŋ-ƃɔrɔ pàla dí zèe ŋ̀ûa, dí kpalo lɔ́ ǹáa-mii yêe ŋá, dí pɛ́lɛ gɔ́ɔ mu, díkɛ ɣɛlɛ-maa kula gbonôi, dîyɛɛ mai, “Óo, Zûu-ŋai Díkâloŋ!”

Mise 7:7

À kɛ̀ a ńyãa, ŋa pâi ŋɛ́i kɛ̂i Yâwɛɛ ma. Ŋa pâi Ɣâla maa kpɛ́niii a kili-kɛ-zu nyii gáa a ŋáƃalo-nuui. Ŋáɣâlai a pâi ŋ́oo mɛnîi.

Ɉeremi 33:3

“Ńdoli a tãi kélee, ǹyaŋ à kɛ̀ tí, ŋa pâi íwoo su toôi. Ŋa pâi loo mɛni kpaya-kpaya-ŋa ƃôi yâ nyíi-ŋai ífe mɛni da kɔ́lɔŋ é pîlaŋ dîai.

Hanwon 14:2

Tɔ̃yâ-tua kɛ́ɛ a ǹɛ́ a gɛɛ ƃaa-kɛ-maa káa íyêei Ɣâla Yâwɛɛ mɛni ma, kɛ́lɛ núui dûa-pere fé sã́a-nii a ǹɛ a gɛɛ ƃaa kɛ́-maa fé ǹyêei m̀ɛni ma.

Mąątɛ̨nɛ̨ 35:16

Da kɛ̂ ɣɛ́lɛ maa kulâi ŋ́gbonôi yɛ̂ɛ ǹyaa ƃé ŋ́gɔ̃liŋɔ̂ɔi. Da kɛ̂ dísĩa miî a ńyãa.

Zôo 16:20

Ḿbarâi nyii-ŋai lônoi ḿaa mɛni mai da ɣɛ́lɛ-maa kulâi ŋ́gbonôi. Ŋa wɔ̂lɔi a gɛɛ Ɣâla é kpɔ́ŋ ḿâ.

Zôo 11:3

Ǹóno-ŋai ya gɛ̀i, fa pɔ̂ri gɛ̂i ǹúui gbéli-ŋai dí dímɛi sáa. Ya ɣɛ́lɛ-maa kùla núu da kponôi, dífa í téniŋ tɔɔ? Tɔ̃yâ ma da pâi gɛ̂i tí.

Zôo 6:29

Kpera ínîa lono kɛ̂i mɛi. Kpera dûa sii ŋí ma, kɛ́ a gɔ́lɔŋɔɔ a gɛɛ fé mɛni nyɔ́mɔɔ da kɛ́ ní.

Maafîu 9:24

è mò dîa, ǹyɛɛi, “Ka kúla kâa, kpɛ́ni fêi, nɛnî-loi fé saa ní, kɛ́lɛ, gáa nyiî.” Nya ƃe díkɛ̀ ɣɛ́lɛ-maa kulâi gbonôi.

Zôo 9:21

Ŋ́zɔŋ fé m̀ɛnii su. Ḿve nâa kpáaŋ-ni mɛni-sii kélee da mɛni ma. Ŋá kɛ̀ ɣéniɛi mɛni ƃɛlɛ fé ŋɔ́nɔ ŋ́goi.

Zôo 12:5

Diai mɛni da fé dípôlui da wɔ́lɔ kɛ́ nɔ́ ɣɛ́lɛ maa kulâi diai mɛni kpɔ̂lu sui díkponôi. Mɛni kpɔ̂lu a wɔ́lɔ láa nɔ́ diai mɔ̃lɛi dîa.

Zôo 13:18

Íwoli tɔ́ɔ kpɔ́ ḿâ a ǹɛ́lɛɛ kpɛ́ni fêi ŋâa nâa ŋámɛni-saai maa woo-su kula-wooi kpɛtɛ a gɛɛ ŋá mó yâ. Ŋá gɔ́lɔŋ Ɣâla a m̀ɛnii ŋá tèe vé pâi ńzɔŋ kâai zu.

Zôo 30:9

Ǹyaŋ dínîa-pɛlɛɛi da pá díkɛ ɣɛ́lɛ-maa kûla ŋ́gbônoi. Ŋ́gaa nɔ́ nâa a díɣɛlɛ maa-sɛŋ.

Zôo 34:7

“Ka tá wɔ́lɔ núu da káa m̀óloŋɔɔ Zôo ŋí ma nyii va ŋumɛ mâ tɛ̀ɛ Ɣâla pɔi?

Ɉeremi 20:7

Yâwɛɛ, í ḿbɛ̀lɛ, ŋ́gili-ŋa é tɛi. Íwala-walaai é tɛ́ɛ ḿâ. Íyee a tɛ̀ɛ ḿâ. Ǹûai kélee da ɣɛ́lɛ-maa kulâi ŋ́gbonôi. Da lɛ̂ɛ ɣɛ̂lɛi ḿâ é lɛ́ɛ la zu ɣele wûlii é kɛ́.