Zôo 12:23 - Bible

²³ Ɣâla a gɛ̀ núu-suu-ŋa tɔɔ̂i é kpanaŋ, é ŋɔ́nɔ gɛ́ dí kɛ́ a fii kpɛ̂ɛ-ƃela. À gɛ̀ díƃûu ƃó, é ŋɔ́nɔ gɛ́ díkôlo.

Yálá laawoo hɛɓɛ (dc)

²³ A lɔi ɲąąnɛ̨ɛ̨, ə pənə ə nɛɛ a gboloon, a lɔi nuą tamąą, yili ə di kɛ a luwɔɠaa.

Yálá laawoo hɛɓɛ

²³ A lɔi ɲąąnɛ̨ɛ̨, ə pənə ə nɛɛ a gboloon, a lɔi nuą tamąą, yili ə di kɛ a luwɔɠaa.

Zôo 12:23 Referans Kwoze

Azaya 26:15

Óo Yâwɛɛ, ya ǹɔii-ŋuŋ su-kɛtɛ. Ya gɛ́ zu a kɛ̂tɛ m̀éla kélee ma. M̀ɛnii ŋí a gɛ́ ƃaa kɛ́-maa támaa a kɛ́ yâ.

Azaya 9:3

Yâwɛɛ, yaâ ǹɔii-ŋûŋ-ŋai su-ƃelai kɛ́ díkɛ ƃûu ƃò, díkɛ lii-nɛ̃ɛ kùla. Dílii lâai, díkɛ lii-nɛ̃ɛ kùla m̀ɛni-ŋai mɛni ma ƃa gɛi, yɛ̂ɛ nûa ƃé lii-nɛ̃ɛ kulâi sí-sãa ƃá kula kûu ma, kpaa máŋ yɛ̂ɛ nûa ƃé kɔ́ su-kula yeei sãa ŋákɔlɛ̂i díkîe-ni loai.

Azaya 60:22

Ínuu-sûui gbɛɛ-ŋai a pâi kɛ̂i a núu-sûu kɛ́tɛ, guro-téi kɛ́ ƃò a lɔii-ŋûŋ wála-wâlaa. M̀aa ɣêlei tí a sèri, ŋa pâi gɛ̂i é kɛ́ a m̀aa félaa. Ńyãa ƃa Yâwɛɛ.”

Mąątɛ̨nɛ̨ 107:38

A gɛ̀ nûa dí nîa-pɛlɛɛ maa sɔlɔ ƃó a dámaa, é lûwa láa dítaa tulɛ-ŋai dîa.

Zakari 10:8

“Ŋa pâi dítôli, ŋá pá a dia. Ŋa díŋuŋ maa ƃôi, ǹyaŋ da pâi kɛ̂i a dítamaa yɛ̂ɛ berei dí kɛ̀ la a bɔlɔi.

Ɉeremi 33:22

Ŋa pâi gɛ̂i ńyee mu-nuui Deeƃé ŋɔsuui su é kɛ́tɛ da zâla láa-soŋ-nuui kùla Liiva suui sui. Dísuui su a pâi kɛ̂tɛi kpɔ́ yɛ̂ɛ yúo ma ŋãya da bɛ́mɛlɛŋ-kao-ŋai nyii núu da fa pɔ̂ri dí lônoi.”

Ɉeremi 30:19

Ǹûai pâi kɛ̂i naai, da pâi kɛ̂i laa-maa-tɛ wule-ŋa toôi. Ɣɛ́lɛ-woo a pâi kɛ̂i tɛ̂i naa. Ŋa pâi nîa-pɛlɛɛ támaa tɛɛ̂i dípɔ a gɛɛ dí kɛ́ a dítamaa. Ŋa pâi ƃaa-kɛ-ma kɛ̂i dîa, a gɛɛ núu da fé ŋ̀ɛ́i nàɣiŋ dí mɛi.

Azaya 51:2

Ka kákili ŋá sía é pîlaŋ kákaa-ƃela pɔlɔ-ŋai Eberaɣɛ̃ɛ, da Seera ni dîa nyii-ŋai ká kùla díkponôi. Tãi ŋá Eberaɣɛ̃ɛ tòli lai, lóŋ fé kɛ́ ní ǹyêei, kɛ́lɛ ŋá lûwa tòo m̀a, zuu é kɛ́ ma. Ŋá gɛ̀ ŋɔsuui su é kɛ́tɛ.

Azaya 27:6

Ŋ̀ele-ŋai da pâi pâi Eezuɛ-ƃelai da pâi ŋɔ́nɔ dísame nina-ŋa siɣêi yɛ̂ɛ wúru-ŋa. Zeeka ŋɔsuui su-ƃelai ŋí da pâi ŋɔ́nɔ ƃûu ƃôi dí ǹɔii lá-fɛɛ. Mii-sãa támaa da pâi kɛ̂i naa dímɛni ma.

Lɛɛ gbɔwɔ ɓa 1:20

Mɛni ma Ɣâla è tɔ̀ɔ vɛ̃ɛ-lee zoo-ŋai pôlu. Eezuɛ-ŋai dí ƃûu ƃò wála-wala kɛ́ ƃò díyêei.

Lɛɛ gbɔwɔ ɓa 1:7

Kɛ́lɛ Eezuɛ-ŋai dí ƃûu ƃò dí táma dí ǹɔii láa fɛ́ɛ, wála-wala kɛ́ ƃò díyêei.

Gɛlaɠaa 17:26

A sîi-ŋa kélee kula koo-ƃɔlɔŋ tɔnɔ su a gɛ́ɛ dí kɛ́ ǹɔii gwaa kélee. A díɣeniɛi koyaŋ tèe. A dílɔii-ŋai loai lâa,

Mąątɛ̨nɛ̨ 107:39

Tãi Ɣâla ŋɔnûai díkpɔara-ƃelai dí díyee mɛi ɣâle la, dí dísoŋ a ǹyɔ́mɔɔi,