Zĩi 1:4 - Bible

⁴ Ka tɔɔ fɔlɔ-fɔlɔ é dɔɔ̂i káa kákponôi kpɔ́ a gbanaŋɔɔ a gɛɛ ká kɛ́ a maa-waa-ƃela ka láa é fɛ́ɛ, sɛŋ da kélee ƃalâŋ fé kɛ̀ kâa.

Yálá laawoo hɛɓɛ (dc)

⁴ Kɛlaa, ká tɔɔ a ká nwąnąi, ká wɔ liikpələlaa ə too pono ŋą, ə gɛ ka mąą mɛ̨nį laa ə kulɔ kpɔ a neelee, ká hvo hvɛɠɛ a hɛn nɔpee ta.

Yálá laawoo hɛɓɛ

⁴ Kɛlaa, ká tɔɔ a ká nwąnąi, ká wɔ liikpələlaa ə too pono ŋą, ə gɛ ka mąą mɛ̨nį laa ə kulɔ kpɔ a neelee, ká hvo hvɛɠɛ a hɛn nɔpee ta.

Zĩi 1:4 Referans Kwoze

Piɛrə dɔlɔɔ 5:10

Kámɛni-soli-kaai pôlu ma nàa kuro à kɛ̀ tí, m̀ɛlɛ-see kélee-Ɣalai nyíi a kátoli ŋɔwɔlɔ-wɔlɔ fólo-laai ma Kôrai kponôi, ǹyaa kpîŋ a pâi kámaa waâi, é kátɔɔ̂i kpanaŋ, é kákponôi kpanaŋ.

Lukə 21:19

Kálii-kpele-pere ƃe ka pâi káfulu-laai sɔlɔ ƃôi la.

Maafîu 5:48

Mɛni ma kálaa é kɛ́ a vɛ́ɛ a wɛli-kɛ-maa, yɛ̂ɛ berei Káɣâla-taa-Nâŋ láa fɛɛ̂i la a wɛli-kɛ-maai.

Timote veelɛ 3:17

a gɛ́ɛ ǹúui gáa a Ɣâla-nuui é kɛ́ a gbɛ́tɛɛ kpɔ́ a ǹɛ́lɛɛ tíi lɛ́lɛɛ kélee mɛni ma.

Habakukə 2:3

Kɛ́lɛ zĩ̂ai fé niî pá ní. Gáa pâi a maa félaa. Vé a lɛ́ɛ. A wàla kɛ́ pâi a maa-felaa, maa kpɛ̂ŋ kɛ́. Tɔ̃yâ ma a pâi pâi, nàa fé pâi tûai.

Hebreu 13:21

é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sârai. Fólo-laa é kɛ́ ma wɔlɔ-wɔlɔ da wɔlɔ-wɔlɔ. É kɛ́ tí.

Galatə 6:9

Kúfii fe kpɛ̀ɛ a mɛni lɛ́lɛɛ kɛ́ɛ, kpɛ́ni fêi, tãi a pâi, kwa pâi sɛŋ da kulâi zu, à kɛ̀ kúfe kpera ni.

Mąątɛ̨nɛ̨ 40:1

Ŋa Yâwɛɛ maa kpɛ́ŋ a lii kpêle pere. A ŋ̀óli tɔ́ɔ ḿâ a kpɔŋ ḿâ.

Mąątɛ̨nɛ̨ 37:7

Ílii kpéle í Yâwɛɛ maa kpɛ́ŋ. Ílii fé sɛ̀lɛŋ diai mɛ̂ni ma díkɛ mɛ̂ni a ƃûu ƃoi, kpaa máŋ diai mɛ̂ni ma dímɛni kpɛtɛɛ nyɔ́mɔɔ-ŋai ŋ̀aa-see a kɛ̂i.

Zĩi 3:2

Kúkelee kwa pɔara-maa támaa kɛ̀, ǹyaŋ ǹúui va pɔara-maa kɛ̀ ǹóno-woo sui, maa-nuui maa waâi. Pɔ̂ri káa mì a gɛɛ é gbonoi kélee mɛi káa máŋ.

Zĩi 1:5

À kɛ̀ táre à wàla kɛ́ káyêei, ka Ɣâla marê kɛ́, nyíi a sɛŋ tɛ̂ɛ núu kélee pɔ́ kpɛ́ni-kpɛni va maa-lôno kɛ̀ mài, gɛ̀ ní a pâi dɛɛ̂i kápɔ.

Korɛntə dɔlɔɔ 2:6

É máŋ kɛ́ tí, à kɛ̀ a kúai kúƃɔlɔ̂i M̀ɔlêŋ sui ku-sama, kwa tare-woo-ŋa ƃo, berei máŋ ve la a ŋ̀éniɛi ŋí su tare-woo-ŋa, kpaa máŋ ŋ̀éniɛi ŋí su mɛi-ƃelai dítare-woo-ŋai, nyíi-ŋai gáa a sɛŋ fɛ̂ɛ dí sáai.

Kolosə 4:12

Zîsɛ Kôrai yée-mu-nuui Ɛpafɔlɛ, nyíi gáa a kátài e fàa kâa. Gáa tɔ̂ɔni kámɛni ma kpɔ́ a gbanaŋɔɔ Ŋɔɣâla fɛliɛɛi su, a gɛ́ɛ ka tɔɔ kpɔ́ a gbanaŋɔɔ ka Ɣâla ŋɔnîa-mɛnii kélee kɔlɔŋ a ǹɛ́lɛɛ.

Lukə 8:15

Nyii-ŋai ǹɔii lɛ́lɛɛi mai, dia ƃa ǹûai da m̀ɛni dí ŋ̀óoi lâai kɛ́ a tɔ̃yâ-lii lɛ́lɛɛ dí ƃa a lii-kpele-perei.

Maafîu 10:22

Ǹyaŋ núu kélee a pâi kákpɔarâi ńaai mɛni ma. Kɛ́lɛ, ǹúui a ǹíi kpèle é lɛ́ɛ la zu gbɛɛ-ŋai é serii, a pâi ƃálôi.

Zôo 17:9

É máŋ kɛ́ tí, ǹúui nyii ǹâai a Ɣâlai a pâi kɛ̂i nɔ́ Ɣâla pôlu. Ǹyaŋ ǹúui nyii ǹyée ma wâai dɔɔ̂i a pâi kɛ̂i nɔ́ a gbanaŋɔɔ a ɣele kélee.

Hanwon 4:8

Ƃa táre ƃâa sìɣe, a pâi ílaa maa tɛ̂i. Ƃà kpùlɔŋ mà, gɛ̀ ní a pâi ƃaa-kɛ-maa tɛɛ̂i ípɔ.

Piɛrə veelɛ 1:9

Kpɛ́ni fêi, ǹúui kélee zãai ŋí fé yêei, maa-nuui ŋ́ɛi púɔɔ̂i, va kwaa kôyaa ma kàa. Maa-nuui a nîa a gɛɛ ŋɔsɔnyɔ̂ŋ pɔlɔi è wàa ma.

Ɉaan 17:23

Ŋ́gɛ ƃò díkponôi, yáŋ íkɛ ƃo ŋ́gbonôi, a gɛɛ dí kɛ́ kpɔ́ tɔnɔɔ, a gɛɛ ǹɔii e gɔlɔŋ ƃia ƃe ńdɛ̀ɛ, ǹyaŋ ya díwɛli yɛ̂ɛ berei í ŋ́wɛ̀li lai.

Lukə 18:22

Ǹyaŋ, tãi Zîsɛ e mɛ̀ni lai, è mò ma, ǹyɛɛi, “Mɛni tɔnɔ ƃe a lɛ̂ɛ. Íyee-ŋa-sãai kélee kɔ́lɛ, í zɛŋ-kaoi tɛɛ gôlo-ƃelai pɔ, gɛ̀ ní, laai-kɛ-sɛŋ a pâi kɛ̂i íyeêi Ɣâla-taa; í pá, í pîlaŋ ḿbôlu.”

Markə 10:21

Zîsɛ è ŋ̀ɛi pìlaŋ mà a wɛli kɛ́-maa pere, ǹyɛɛ m̀ai, “Mɛni tɔnɔ ƃé a lɛɛ. Lí íyeêi sãai kélee kɔ́lɛ, zɛŋ yâ gula zui, dɛɛ gôlo-ƃelai pɔ́, gɛ̀ ní, laai-kɛ-sɛŋ a pâi kɛ̂i íyeêi Ɣâla-taa. Nyíŋí pôlu ma, pá í kɛ́ ḿbôlu.”

Maafîu 19:20

Ǹyaŋkpâi è mò ma, ǹyɛɛi, “Ŋa nyii-ŋai ŋí kélee mɛi káa. Lé ƃa lɛɛ a gɛɛ ŋá gɛ́?”

Tɛsalonikə dɔlɔɔ 5:23

Nii-see-Ɣalai ǹyaa kpîŋ é kámaa wáa pere-sii kélee su; sɔnyɔ̂ŋ fè kɛ̀ kámɔ̂leŋ ma da kákponôi a Kúnuu-namui Zîsɛ Kôrai pá-tãi.