Woolaa 4:22 - Bible

²² Óo Zãiyɔŋ-ƃela, kâa nâa kásɔnyɔ̂ŋ fela fêi kɛ́. Káfe ŋɔ́nɔ pâi kɛ̂i luɛ lâa su a zu kôyaa. Kɛ́lɛ à kɛ̀ a káa óo Idɔŋ-ƃela, Yâwɛɛ a pâi ká kula maa kɛ̂i. Ká mɛni nyɔ́mɔɔ-ŋai a too pono ŋá.

Yálá laawoo hɛɓɛ (dc)

²² Siɔn nɛ̨ɛ̨kpɛla, ə́ wɔ hɔn ɲɔ̨n, aa kpɛɛ, di hvo kɛa pai ə́ həɠəi ə́ heei. Edɔmə hee ɓo nuą, ka wɔ hɔn mə Yai-Laa kaa pai ɉutɔɔi, ə́ kɛ nɛ̨ŋɛ̨n mə gaa pai kulɔi pono ɲą.

Yálá laawoo hɛɓɛ

²² Siɔn nɛ̨ɛ̨kpɛla, ə́ wɔ hɔn ɲɔ̨n, aa kpɛɛ, di hvo kɛa pai ə́ həɠəi ə́ heei. Edɔmə hee ɓo nuą, ka wɔ hɔn mə Yai-Laa kaa pai ɉutɔɔi, ə́ kɛ nɛ̨ŋɛ̨n mə gaa pai kulɔi pono ɲą.

Woolaa 4:22 Referans Kwoze

Azaya 40:2

Ka Zerusâlɛŋ-ƃelai kíli kúla. Ka m̀ó dîa a gɛ́ɛ da mɔ̃́lɛ a zu kôyaa. Ŋa dísu-mɛni lɛɛ dísɔnyɔ̂ŋ-ŋai mɛ̂ni ma. Ŋá díkula maa kɛ̂ é seri góyaŋ ma zɔnyɔ̂ŋ-ŋai dí gɛ̀i mɛ̂ni ma.”

Ɉeremi 50:20

Ŋ̀elei tí a pà, núu da fé pâi ŋɔ́nɔ sɔnyɔ̂ŋ kɛ̂i Eezuɛ. À kɛ̀ tí, núu da fé ŋɔ́nɔ pâi ŋwana lɔ̂ɔ tua kɛ̂i Zuda, kpɛ́ni fêi, diai ŋá gɛ̀ dí lɛ́ɛ ɣele mai, ŋa pâi dísɔnyɔ̂ŋ su-mɛni lɛɛ̂i. Ńyãa Yâwɛɛ ƃé mò tí.”

Mąątɛ̨nɛ̨ 137:7

Yâwɛɛ, m̀ɛnii Idɔŋ-ƃelai dí gɛ̀i, gíli é lɛ́ɛ íŋa, a tài dí Zerusâlɛŋ kula yêei kɛ̀ lai. Gíli é lɛ́ɛ íŋa a gɛɛ díkɛ m̀ôi dîyɛɛi, “Ka ŋ̀ólo ká ǹaa lɛɛ a yɛ́ɛ ŋá.”

Malasi 1:4

À kɛ̀ Isɔɔ ŋɔnûai Idɔŋ-ŋai da mò dîyɛɛ, “Da kútaa-ŋai wólo kɛ́lɛ kwa pâi dɔɔ̂i ŋɔ́nɔ pôlu,” gɛ̀ ní Yâwɛɛ a pâi zu toôi ǹyɛɛ, “Tɔɔ dí dɔɔ pôlu, ŋa pâi díwôloi ŋɔ́nɔ. Nûa da pâi dílɔii tôlii a ŋwana-lɔɔ lɔii, maa lɔii tí su-ƃelai ƃé Yâwɛɛ líi ŋwânaai dîa wɔ́lɔ-wɔlɔ da wɔ́lɔ-wɔlɔ.”

Izikiɛ 37:28

À kɛ̀ ŋa ŋápɛrɛi tɔ̀ɔ dísama wɔ́lɔ-wɔlɔ da wɔlɔ-wɔlɔ, ǹɔii-ŋûŋ-ŋai da pâi gɔ̂lɔnii a gɛɛ ńyãa ƃa Yâwɛɛ nyii Eezuɛ sìɣe ŋá gɛ́ a ŋánûa.’ ”

Woolaa 4:21

Káai a Idɔŋ da Uzi-lɔii su-ƃelai, ka ɣɛ́lɛ, ká lii-nɛ̃ɛ kula. Kɛ́lɛ káwɔ̂ mɛni kpɔlui maa tãi a pâi. Ka pâi kɛ̂i siâi taka-taka yɛ̂ɛ lɔɔ kpele-ƃela, ká kɛ́ kákaŋ lɛ̂.

Woolaa 4:6

Ŋánûai díwɔ̂ mɛni kula maa kɛ́ɛi tɛɛ̂i Sodɔŋ-ƃelai díwɔ̂i ma, nyii Ɣâla è gɛ̀ a dia a m̀aa félaa, núu da fé kɛ́ ní naa é tɔ́ɔ berei.

Ɉeremi 33:8

Ŋa pâi zɔnyɔ̂ŋ-ŋai dí gɛ̀ a ńyãai kulâi dia, ŋá dísu-mɛni lɛɛ dísɔnyɔ̂ŋ-ŋai da dítɔɔ mâ tuai kélee mɛni ma.

Ɉeremi 32:40

Ŋa pâi kpanaŋ-woo kɛ̂i díyêei wɔ́lɔ-wɔlɔ da wɔlɔ-wɔlɔ. Ḿve pâi kperâi mɛni lɛ́lɛɛ kɛ̂i dîɛ. Ŋa pâi gɛ̂i dí ŋumɛ maa tɛɛ ḿbɔ a dí líi kélee, dífa lâ ŋɔ́nɔ dípôlu tɔɔ la ḿâ.

Azaya 60:18

Núu da fé ŋɔ́nɔ pâi mɛni su kara mɛ̂ni da kɛ̂i kálɔii ma yɛ̂ɛ berei da kâa gɛ̀ lai. Núu da fé ŋɔ́nɔ pâi kálɔii su karâi. Ŋa pâi ká mɛi kâai, ŋá ká maa kɔ̃́ɔ yɛ̂ɛ siɣãŋ. Ya pâi ńaa maa tɛ̂i kpɛ́ni fêi, ŋa íŋuŋ mâ ƃò.

Azaya 52:1

Ka káŋɛi lá ƃó, ká kámu-siɣe, kákponôi é kpanáŋ, óo Zerusâlɛŋ-ƃela. Káai a Ɣâla ŋɔtaa-lêe maa waai su-ƃelai, ka kámaa ɣíri a káseɣe lɛ́lɛɛ-ŋai. Ŋ̀ɔ̃ya-ŋai ká taa-lêei su kàrai, da fé pâi ŋɔ́nɔ tɛ̂i kátaai su.

Ɉeremi 33:7

Ŋa pâi gɛ̂i Zuda da Eezuɛ dí ƃûu ƃó, ŋá dí kɛ́ yɛ̂ɛ berei dí wɔ́lɔ kɛ̀ la a bɔlɔi.

Ɉeremi 49:10

Kɛ́lɛ, ŋá Isɔɔ ŋɔsuui su-ƃelai maa kpôloŋ kpɔ́ sɛŋ da fé lɛ̀ɛ ní dîa. Ŋa pâi díloo kwaa-ŋai kélee ma lɛ̂i banaŋ ma, a gɛɛ dífa ŋɔ́nɔ dílòo naa, ŋa Ídɔŋ-ƃelai kélee kpɔ́ su kara. Ǹyaŋ, díta dɔnɔ kpîŋ fé lɛ̀ɛ.

Izikiɛ 6:12

Ǹúui nyii gáa kwaa koyaa mai, kɔlɔ-fela nyɔmɔ a pâi baai. Ǹyaŋ ǹúui nyii gáa kwaa kpûa mai, a pâi lɛɛ̂i mòa-sɔkpɔi mu. Naa pôlu ma, ǹúui nyii pâi lɛɛ̂i ɣele mai, a pâi sâai a puru. Bere ƃé ŋa pâi ŋálii-ŋwanai lɛi la día.

Malasi 1:3

ǹyaŋ ŋá Isɔɔ kpɔ̀ara da ŋɔkáayɔɔ-ŋai. Ŋá ŋɔkɔni-yee lɔii su kàra ŋá dɛɛ lɔɔ sûa-ŋa pɔ́.”

Abdiasə 1:10

“Káai a Idɔŋ-ƃelai, ŋumɛ a pâi kásonîi ŋ̀wana-lɔ̂ɔ tuai mɛ̂ni ma ká gɛ̀ a kálêɣe Zeeka ŋɔnûai. Ŋa pâi kásuui kélee kpɛɛ̂i ǹɔii ma wɔ́lɔ-wɔlɔ da wɔ́lɔ-wɔlɔ.