Woolaa 3:23 - Bible

²³ Ŋɔwɛli kɛ́-maai da ŋɔmaloŋ kâai káa nɔ́ a nina a ɣele kélee. Ŋɔteniŋ ƃô-laai kɛ̂tɛi.

Yálá laawoo hɛɓɛ (dc)

²³ Di gaa lɔ a di nįnɛ̨ yələwala kəlee. Yai-Laa! Ə́ wɔ kulɔ nwoo ɓalaa hu kɛnɛ̨i

Yálá laawoo hɛɓɛ

²³ Di gaa lɔ a di nįnɛ̨ yələwala kəlee. Yai-Laa! Ə́ wɔ kulɔ nwoo ɓalaa hu kɛnɛ̨i

Woolaa 3:23 Referans Kwoze

Hebreu 10:23

Kwaa kúkili-kɛ-zui sóŋ a gbanaŋɔɔ nyíi kwa mòi, kúfe siɣe kútɔɔ̂i, kpɛ́ni fêi, ǹúui gono-teei kɛ̀i, zã́âi.

Mąątɛ̨nɛ̨ 30:5

Ŋɔlii ŋwânai su fa kôya. Ŋɔmaloŋ kâai káa wɔ́lɔ-wɔlɔ da wɔ́lɔ-wɔ́lɔ mɛni ma. Kwa pɔ̂ri lɛɛ̂i wɔ̂lɔi a kpíni é lɛ́ɛ la zu ɣele é ƃɔ́. Kɛ́lɛ ɣele a ƃɔ̀, lii-see a pà kúpɔ, kú pɛ́lɛ lii-nɛ̃ɛ kulâi.

Azaya 33:2

Yâwɛɛ, kúmalôŋ káa. Yá nɔ́ ƃé kúkili káa yâ kúmɛni-sôli káai kélee su.

Mąątɛ̨nɛ̨ 89:33

Kɛ́lɛ ŋ̀wɛli kɛ́-maai ńyêei Deeƃé mɛni mai, va wɔ́lɔ kpèra, kpaa máŋ gono-teei ŋá gɛ̀ ǹyêei, ŋá ńyee kúla m̀ɛni su.

Mąątɛ̨nɛ̨ 36:5

Yâwɛɛ, íwɛli kɛ́ maa kpanaŋɔɔi káa ŋ̀ele-kɔlɔŋ ma, íteniŋ ƃô-laai seriɛɛ ŋ̀ele-kɔlɔŋ ma.

Sofoni 3:5

Kɛ́lɛ Yâwɛɛ káa dísama. A tɔ̃yâ-mɛni kɛ̀, va mɛni nyɔ́mɔɔ kɛ̀. Ɣele-wâla kélee a ŋɔtɔ̃yâ-laai lɛ̂, ɣele ƃɔ́ɔ kélee va fɛ̂ɣɛ, kɛ́lɛ ŋumɛ fé wôya-nuu ma.

Mąątɛ̨nɛ̨ 146:6

nyii ŋ̀elei, ǹɔii, da yúo kpɛ̀tɛi, da zãai nyii-ŋai gáa dí sui. A ŋɔkono-teei kélee ŋ̀aa sèe kɛ̀.

Lɛɛ gbɔwɔ ɓa 34:6

Yâwɛɛ è tɛ̀ɛ Mose ŋɛ́i-tuɛ é gbîŋ láa tóli ǹyɛɛ, “Yâwɛɛ, Yâwɛɛ, ŋgáa a Ɣâlai maloŋ-kâa támaa káa ǹyêei. Ǹíi-ŋwana-la fé nɛ̃ɛ ní. Wɛli-kɛ-maa támaa káa ǹyêei da sãa-laa.

Hebreu 6:18

a gɛɛ kwa kɛ̀ ƃalo-laa sɔlɔ ƃoi, lii-kpele kpanaŋɔɔ é kɛ́ kúyêei, kú kúkili-kɛ-zui sóŋ a gbanaŋɔɔ nyíi gáa kúŋɛi-tuɛi mɛni feerɛ nyíi-ŋai dímaa fa fâleŋ dísârai nyíi-ŋai dífa pɔ̂ri Ɣâla kɛ̂i é ŋɔkono-teei maa fáleŋ.

Taitɔ 1:2

Kwa dîa-ni ŋwɔlɔ-wɔlɔ fúlu-laai maa-kili kɛ-zui káa kúyêei nyíi Ɣâla, nyíi va lɛ́ɛ kɛ̀i, è góno tèe la a tãi su kôyai.

Mąątɛ̨nɛ̨ 36:6

Íteniŋ ƃô-laai tɔɔ̂i yɛ̂ɛ yée kpaya-kpaya-ŋa, ítɔ̃yâ-laai mɛni seriɛɛ yúo kpóŋ ma. Í kpáaŋɔɔi núu-kpune da fɛnɛ-sãa mɛni ma.