Woolaa 1:14 - Bible

¹⁴ “A ŋásɔnyɔ̂ŋ kélee kpɛtɛ yɛ̂ɛ yɔlɛ a gbíniŋ a ŋ́gɔŋ. Ǹyɔlɛi ŋí ŋɔwuyɛ a kɔlɔ kpɛɛ̂i ḿâ. Ǹuu-namui a ńdɛɛ diai pɔ́ díyee tɛɛ̂i ḿâi.

Yálá laawoo hɛɓɛ (dc)

¹⁴ Aa nwɔ́ túwɔ́ pələ ɲɔ̨n gəlee kili lɛɛ ŋą, aa gəlee laa ɲee kpala. Aa kwɛli pili ɉúnwɛ̨i, aa hvaŋą kpɛɛ ɲə́i, aa dɛ́ɛ́ ɲówóɠaa pɔ. Vá pɛli mą́ą́kɔ̨nwɔ̨i.

Yálá laawoo hɛɓɛ

¹⁴ Aa nwɔ́ túwɔ́ pələ ɲɔ̨n gəlee kili lɛɛ ŋą, aa gəlee laa ɲee kpala. Aa kwɛli pili ɉúnwɛ̨i, aa hvaŋą kpɛɛ ɲə́i, aa dɛ́ɛ́ ɲówóɠaa pɔ. Vá pɛli mą́ą́kɔ̨nwɔ̨i.

Woolaa 1:14 Referans Kwoze

Azaya 47:6

Ŋá ńii ŋwàna ŋánûai dîa, ŋá tûa a dia yɛ̂ɛ ǹyaa ƃé dífe a ŋánûa, ŋá dítɛɛ ípɔ. Kɛ́lɛ ífe díŋɛi malôŋ káa ní. Ífe kpîŋ ǹúu pɔlɔ-ŋai ŋɛ́i malôŋ káa ní. Í kpîri wuyɛɛ-ŋa làa díŋûa.

Dutɛrɔnome 28:48

Mɛni ma, puru, kpele wɛ̂li, seɣe saa maa da kolo-laa su kɛ́tɛ da pâi kɛ̂i nɔ́ kâa. Ka pâi tíi kɛ̂i kákpɔara-ƃelai yée mu. Da pâi yɔlɔ toôi kákɔŋ ma é lɛ́ɛ la zu ká sáa kpɔ́ kúŋ.

Izikiɛ 25:7

Tãi nɔ́ ká gɛ̀ tí lai, ŋa pâi ká tɛ̂ɛi lɔii-ŋuŋ da kpɛ́ni ŋa pɔ́ a gɛɛ díka-sãai kula ká yêei. Ŋa pâi ká paâi ká kúla ǹɔii-ŋûŋ-ŋai sáma. Ŋa pâi gɛ̂i ká sáa kálaa é láŋ ǹɔii-ŋûŋ-ŋai sáma. À kɛ̀ tí ká pâi gɔlɔnîi a gɛɛ ńyãa ƃa Yâwɛɛ.’ ”

Izikiɛ 25:4

M̀aa mɛ̂ni ma, ŋa pâi ká tɛɛ̂i ǹûai pɔ́ kùla vóloi kulâi perei a díyee mu-ƃela. Da pâi díƃûu-ŋai tɔɔ̂i ká sama dísee naa. Da pâi kɛ̂i ká wúru-ƃa-ŋai miî díkɛ niŋa-ŋini-yai kpêle m̀aa nɛ̃ɛ̂i ká gbelei.

Ɉeremi 28:14

Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai è mò ǹyɛɛ: Ŋa pâi ǹiŋa kɔŋ-ma karaŋ nyíi gáa a kɔlii, toôi ǹɔii-ŋuŋ-ŋai tí kɔŋ-ma a gɛɛ dí kɛ́ tíi kɛ̀ Babelɔŋ kaloŋ Nɛbukinaza mì. Da pâi kɛ̂i a ŋɔluɛ-ŋa. Ŋa pâi máŋ wála-wala laa tɛɛ̂i Nɛbukinaza pɔ́ vɛnɛ-sãai kélee mɛi.”

Hanwon 5:22

Ŋwana-lɔ̂ɔ-nuu ŋɔsɔnyɔ̂ŋ káa yɛ̂ɛ ƃáre. A kɔ̂ a gbîŋ ƃare.

Osia 5:14

Ǹyaŋ ŋa pâi kɛ̂i yɛ̂ɛ yala-sulu Eezuɛ mɛni ma, ŋ́gɛ ƃò yɛ̂ɛ yala-sulu loŋ Zuda mɛni ma. Ńyãa kpîŋ ŋa pâi dífala-fâlai ŋá dí ɣála-ɣâla. Ŋa pâi liî a dîa, núu da fé pâi dí kulâi ńyêei.

Izikiɛ 23:28

Ŋ̀wála-wâla kélee Yâwɛɛi è mò Óoliƃa mà ǹyɛɛi, “Ŋa pâi ítɛɛ̂i í kpɔara-ƃelai pɔ́ nyii-ŋai díƃɛlɛ fé íkoi.

Izikiɛ 21:31

Ŋa pâi ńii ŋwânai kâa. Ŋa pâi ńii ŋwânai kâa nyii pâi kɛ̂i yɛɛ ŋɔŋ-sôŋ. À kɛ̀ tí, ŋa pâi ká tɛɛ̂i ŋwana-lɔ̂ɔ-ƃela pɔ́ nyii-ŋai dítii ƃa núu su karáa.

Izikiɛ 11:9

Ŋa pâi ká kulai daa-leei su ŋá ká tɛ́ɛ ŋɔ̃yâ-ŋa pɔ́ ŋa kákula maa kɛ́.

Ɉeremi 37:17

Ǹaa kɛ́ɛ tíi, Gâloŋ Zɛdikaya è ŋ́orɛ̂ tɛ̀ɛ ǹyɛɛ ŋá lí gâloŋ-pɛrɛi lá é ḿarê kɛ́ loo-pere su ǹyɛɛ, “Yâwɛɛ è worɛ̂ da tɛ̂ɛ?” Ŋá mò ma ńyɛ̃ɛi, “Óoi. Da pâi ítɛɛ̂i Babelɔŋ kaloŋ pɔ́.”

Ɉeremi 32:5

Da pâi liî a Zɛdikaya Babelɔŋ. Ǹaa ƃé a pâi lɛɛ̂i naa é lɛ́ɛ la zu ŋá gula maa kɛ́. A nɛ̃ɛ ma kpîŋ é kɔ́, da pâi ǹyée mɛi ɣalêi. Ńyãa Yâwɛɛ ƃé mò tí.’ ”

Ɉeremi 27:12

Ŋá m̀ɛni tɔ̂nɔi ŋí ƃò Zuda kaloŋ Zɛdikaya ma ńyɛ̂ɛ mai, “Íkpîŋ kɛ́ a Babelɔŋ kaloŋ yée-mu nuu, íkɛ tíi kɛ̀ mì, gɛ̀ ní ya pâi lɛɛ̂i ɣele ma.

Ɉeremi 27:8

“Kɛ́lɛ lɔii-ŋuŋ da, kpaa kâloŋ-laa nyíi vé pâi fâai a gɛɛ é tíi kɛ́ Babelɔŋ kaloŋ Nɛbukinaza mii, ŋa pâi maa nuui tí kula ma kɛ̂i a kɔ́, puru, da kɔlɔ-fela nyɔ́mɔɔ. Ŋa pâi Nɛbukinaza kɛ̂i é m̀aa lɔii tí su kara kpɔ́ kpúŋ.

Ɉeremi 25:9

‘Tãi nɔ́ káfe káwoli tɔ̀ɔ ní ḿâi, ŋa pâi yá-ŋua-pere kɔkɔ́-ƃelai kélee da ńyee mu-nuui Nɛbukinaza nyíi gáa a Babelɔŋ kaloŋ tôlii ŋa pá a dia dí kɔ́ pɛ́lɛ Zuda ma da ŋɔnûai. Da pâi kɔ́ pɛlɛ̂i ǹɔii-ŋuŋ-ŋai díkaa kákɔlɛ mai dia. Ǹyaŋ a kɛ̀ tí, ŋa pâi Zuda da gɔlɛ ma lɔiii-ŋuŋ-ŋai su-ƃela kélee kpɔ́ kpúŋ paâi ŋá ǹaa lɛɛ a bûŋ wɔ́lɔ-wɔ́lɔ. Tãi ǹûai da pâi ǹaa kâai lai, dí láa a pâi kpâlai dîa. Ǹaa a pâi kɛ̂i a yao-maa kwaa ma, ǹûai díkɛ díŋuŋ mɛi tée lono kɛ̀.

Azaya 14:25

Ŋa pâi Asiria-ŋai su-karâi ŋálɔii Eezuɛ ma. Ŋa pâi dítaŋ-tâni a ŋ́gɔɔ ŋáyee-ŋai su. Ŋa pâi ŋánûai ŋuŋ ma ƃôi díyêei, ŋá díkula m̀ɛni kpɔ̂lu-ŋai su da wɔ́lɔ tɛɛ̂i zu díyee mui.

Ɉeremi 28:13

Yâwɛɛ è mò Zɛlemaya ma ǹyɛɛ, “Lí í m̀ó Ananaya ma a gɛɛ Yâwɛɛ ǹyɛɛ ǹiŋa kɔŋ-ma sɛŋ nyíi í ŋ̀ale-ɣalei, dí gbɛ̀tɛ a wúru, kɛ́lɛ ŋa pâi niŋa kɔŋ-ma karaŋ kpɛtɛ̂i a kɔli ŋá doo nyíti pɔ́ɔ ŋá.

Ɉeremi 32:3

Gâloŋ Zɛdikaya ƃé ḿbìli gbini-pɛrɛi mu, kpɛ́ni fêi, è mò ǹyɛɛ, “Lɛ́ ƃé gɛ̀ í mò ǹyɛɛ, ‘Yâwɛɛ a pâi daa-lêei ŋí tɛɛ̂i Babelɔŋ kaloŋ pɔi?

Mise 2:3

M̀ɛni ma, Yâwɛɛ è mò ǹyɛɛi, “Ka gáa, ńdɔɔ̂i kâa. Ŋa mɛni nyɔ́mɔɔ kpɛtɛ̂i kámɛni ma nyii káŋuŋ fé pâi kulâi zui. Káfe pâi ŋɔ́nɔ siâi a yoŋka-pere kpɛ́ni fêi, a pâi kɛ̂i a mɛni kpɔ̂lu ɣele.