Wɛli 5:6 - Bible

⁶ Ŋá bɛ́rɛi lá ƃò mì, kɛ́lɛ fé gáa ní, a lí. Ńii è ŋɔ́nɔ tòo pôlu kpɔ́ a ŋánaa. Ŋá gɔ̀ri, kɛ́lɛ fé gáa ní. Ŋá dòli, kɛ́lɛ vé fáa ní.

Yálá laawoo hɛɓɛ (dc)

⁶ Ŋą́ą́ bɛlɛ́ laa ɓo nwɔ́ wɛlii tɔwɔ, Kɛlaa, nwɔ́ wɛlii ə tɛɛ lɔ ɲɛ̨́i hvili, lii tii aa mo, nwooɠaa di kɛi níi kulɔ mą́ą́; ya hvə, ŋą́ą́ gwɛli! Ŋą́ą́ dəli lɔ kpali-kpali! Hvo hvaa li ɲə́i.

Yálá laawoo hɛɓɛ

⁶ Ŋą́ą́ bɛlɛ́ laa ɓo nwɔ́ wɛlii tɔwɔ, Kɛlaa, nwɔ́ wɛlii ə tɛɛ lɔ ɲɛ̨́i hvili, lii tii aa mo, nwooɠaa di kɛi níi kulɔ mą́ą́; ya hvə, ŋą́ą́ gwɛli! Ŋą́ą́ dəli lɔ kpali-kpali! Hvo hvaa li ɲə́i.

Wɛli 5:6 Referans Kwoze

Wɛli 5:2

Ŋá kɛ̀ nyiî, kɛ́lɛ ŋ́gili è kɛ̀ banaŋ ma. Tɔɔ tí, ŋáwɛli tíŋ ká tí. Bɛ́rɛi lá ƃó mî ŋá wɛ́lii, ŋátoloŋ, ŋáwɛli kɛ́-maa nuu sɔŋ kpɛɛ mai. Ǹɛŋ aâ ńyɔɔ, kpíni a pɛlɛ mâ.

M̀ɛni-lɛɛi 3:19

Diai ŋa díwɛli níi, ŋa lôno dîa ŋá tɔ̂ŋ kpɛ́ dîa; mɛni ma kpanaŋ í ílii pene.

Markə 14:72

È ŋ̀óo lá kùla nɔ́, dɛ́ɛ-sîrɛi é ŋ̀óo píli a veerɛ ɣelei. M̀ɛnii Zîsɛ è m̀o m̀ai, è tòo Pitɛ kíli ŋá, “Ya pâi ḿaa sîa too lâ kɛ̂i saaƃa a gɛ́ɛ ífe ŋ́gɔlɔŋ dɛ́ɛ-sîrɛi é lɛ́ɛ pâi ŋ̀óo píli la kɛ̂i feerɛ.” Ǹíi è kàra kpɔ́ goi a ŋ̀ánaa é wɔ́lɔ.

Maafîu 26:75

Nya ƃe ŋ̀óoi Zîsɛ è mò Pitɛ mai, gíli è tòo Pitɛ ŋ̀á, ǹyɛɛ mai, “Tɛ́ɛ-sirɛ é lɛ́ɛ pâi ŋ̀óo pilîi, ya pâi ḿaa sîa too la kɛ̂i saaƃa.” Nya ƃe è kùla ŋínii ŋá é wɔ́lɔ kpɔ́ a ŋánaa.

Zakari 7:13

Tãi ŋá dítòli lai, dífe díwoli tɔɔ ní. M̀ɛni ma tãi dí ńdòli lai, fé ŋ́oli tɔ̀ɔ ní.

Osia 5:15

“Ŋa pâi liî pôlu ḿbɔ naa é lɛ́ɛ la zu dí dísɔnyɔ̂ŋ kɔ́lɔŋ, dí ŋ́gɔri. Ǹyaŋ tãi da dímɛni-kpɔ̂lu-ŋai kɔ̂lɔŋ lai, da pâi ŋ́gɔ̂rii.”

Osia 5:6

Da pâi díƃala-ŋai da díniŋa-ŋai siɣêi dí lí a dia a gɛɛ dí sâla kula a dia Yâwɛɛ ma, kɛ́lɛ dífe pâi gâai, kpɛ́ni fêi, a dílɛɛ.

Woolaa 3:8

A nɛ̃ɛ ma ŋá wɔ́lɔ, va ŋ̀óli tɔ̀ɔ mâ.

Azaya 58:2

Da ḿvɛ̀li a ɣele kélee, díkɛ m̀o a gɛ́ɛ da ŋ̀wɛ̂lii kpɔ́ dí ŋásɛŋ lɛ́ɛi kɔ́lɔŋ, dí sía a ŋátɔ̂ŋ-ŋai wóo yɛ̂ɛ ǹyaa ƃé díkaa a teniŋ ƃô lɔii-ŋuŋ-ŋa nyíi-ŋai dífe tá díyee kùla ní ŋátɔ̂ŋ-ŋai mui. Da m̀ôi a gɛ́ɛ da ŋ̀wɛ̂lii ŋá tɔ̃yâ tɔŋ-ŋa tɛɛ dípɔ a gɛ́ɛ da kɛ̀ ḿvɛlîi, díkɛ gɛ̀ a lii-nɛ̃̂ɛ pere.”

Azaya 57:16

Ŋa fúlu-laa tɛ̀ɛ ŋánûai pɔ́. Fé pâi ŋɔ́nɔ da sɔŋ siɣêi kpaa máŋ ŋá ńii ŋwána dîa wɔ́lɔ-wɔlɔ da wɔ́lɔ-wɔlɔ. Ńyãa ƃé vúlu-laa lɛwoi tɛ̂ɛ dípɔ.

Azaya 50:2

“Lé ƃé gɛ̀ ŋá pà fé núu da káa níi? Lé ƃé gɛ̀ núu da fé ŋ́oo su too níi? Ka ǹɛ̂i ḿâ fa pɔ̂ri káŋuŋ ma ƃôi? Kpaa máŋ káŋuŋ maa ma ƃó wala-wala fé ńyêei? Ŋa gɛ̀ yúo é kpála, ŋá gɛ́ ya-lêe-ŋa dípene a vɛ̃ɛ-kpâlaŋ-ŋa su, ǹaa su nyɛ̃ɛ-ŋai dí sáa.

Azaya 12:1

Ya pâi wule toôi Yâwɛɛ ma a ɣele da yɛ̂ɛ m̀ai, “Yâwɛɛ, ŋa sɛɣɛ-fêi tɛɛ̂i ípɔ, kpɛ́ni fêi ílii fé ŋɔ́nɔ ŋwána ní ḿâ, ya ŋ́aa nɛnɛ.

Azaya 8:17

Yâwɛɛ a gbîŋ loo ŋɔnûai dîa, kɛ́lɛ ŋá kili tɔɔ-maai a pâi kɛ̂i nɔ́ m̀a.

Wɛli 6:1

Ƃíai a nɛnî lɛ́lɛɛ ŋánaai nɛyâa sámai, íwɛlii a lí mí? Ǹiî-pere lɛ́ kûa, a gɛɛ kú kpɔ́ŋ yâ kwa kâa-ni kú gɔ́ri.

Wɛli 5:4

Ŋáwɛli kɛ́-maa nuui è ǹyée lɔ̀ é bili gbôŋ sɔɔŋ su. Gɛ́ɛ tíi, ŋɔwɛli kɛ́-maa é ńii mù sìɣe.

Hanwon 1:28

m̀aa tãi tí ƃé ka pâi táre maa mare-kɛɛ kɛ̂i la, kɛ́lɛ fé pâi káwoo su toôi. Ka pâi ŋ́gɔ̂rii kwaa kélee mà, kɛ́lɛ káfe pâi ŋ́gâai.

Mąątɛ̨nɛ̨ 80:4

Ŋ̀wála-wâla kélee Ɣâlai Yâwɛɛ, tãi ɣɛɛlu ƃé ya pâi kɛ̂i a ílii ŋwánaa la ínûai dîa ífa dífɛli-wooi su tooi?

Mąątɛ̨nɛ̨ 77:3

Ŋà ŋ́gili ŋá sìa é pîlaŋ Ɣâla ma, ŋa wɔ̂lɔ. Ŋà lòno é pîlaŋ ma, ńii a tôo pôlu.

Mąątɛ̨nɛ̨ 69:3

Ŋa lɛɛ wɔ̂lɔi ŋ́gɔŋ lá kélee a kpála, kɔlɔ a kpɛɛ ḿâ. Ŋa kɔ̂i a gɛɛ ŋá ŋɛ́i lá ƃó, ŋá kpɔŋ mâa kɔ́ri íyêei.

Mąątɛ̨nɛ̨ 30:7

Yâwɛɛ, ímaloŋ kâai sarâi, íwala-wala-laai è kɛ̀ a dínaŋɔɔ ḿâ yɛ̂ɛ yée kɛ́tɛ. Kɛ́lɛ í íloo ḿâ, ǹyaŋ è kɛ̀ tí, ŋá kɛ̀ yaôi.

Mąątɛ̨nɛ̨ 28:1

Óo Yâwɛɛ, yá ƃa ḿaa kɔ̃ɔ nuui. Ŋa ítôlii, íwoli tɔ́ɔ ŋ́wɔlɔ-wooi ma. Ƃà wàla ŋ́oo su too, ŋa pâi kɛ̂i yɛ̂ɛ diai da saa, díkɛ ƃò m̀olôŋ sui díta.

Samia Veerɛi 16:10

Kɛ́lɛ gâloŋ è mò ma ǹyɛɛi, “Zeruai ǹônii, lé ƃé ŋá gɛ̀ a káa? À kɛ̀ Yâwɛɛ ƃé mò mà a gɛ́ɛ é lóno ḿâ, gbɛ̂ɛ ƃé naa é m̀arê kɛ́ ǹyɛɛ ma, ‘Ya gɛ̂i tí lé mɛni ma?’ ”

Samuɛlə dɔlɔɔ 28:6

È Yâwɛɛ marê kɛ̀ m̀ɛnii ma a pɔri gɛ̂i. Kɛ́lɛ Yâwɛɛ fé ŋ̀óo su too ní a see-woo su kpaa máŋ a Uliŋ da Tumiŋ, kpaa máŋ a Ɣâla ŋɔlóno kɛ́-nuu da.

Zɛnɛse 42:28

Nya ƃe è mò m̀arâai dîa ǹyɛɛi, “Dí ŋásɛŋ-kaoi pù pôlu ŋáƃɔrɔi su. Ǹyaa ká ŋí!” Dílii è tôo pôlu a maa tãi tí díkɛ díkîe-ni ŋɛ́i kàa dîyɛɛi, “Lé ƃé ŋí Ɣâla a gɛ́ a kûai?”