Sofoni 3:2 - Bible

² Va núu wóo mɛni, va ǹyée see lia-wôo mu. Vé láa ní a Yâwɛɛ, va lɛ̂ɣɛ Ɣâla kɔlɛ ma.

Yálá laawoo hɛɓɛ (dc)

² Hvo gɛli, hvo nwəli tɔɔ dəli woo ɓa, niɛwoo yii di gɛ mą, hvo ɉon ni, hvo gilitɔɔ li Yai-Laa ɓa, hvo gɛli hvo lɛɠɛ nwɔ Yálái ɓa.

Yálá laawoo hɛɓɛ

² Hvo gɛli, hvo nwəli tɔɔ dəli woo ɓa, niɛwoo yii di gɛ mą, hvo ɉon ni, hvo gilitɔɔ li Yai-Laa ɓa, hvo gɛli hvo lɛɠɛ nwɔ Yálái ɓa.

Sofoni 3:2 Referans Kwoze

Ɉeremi 22:21

Tãi ká kɛ̀ a kátɔɔ lai, Yâwɛɛ è lòno kápɔ, kɛ́lɛ, káfe káwoli tɔɔ ní a dɔnɔ kpîŋ. M̀ɛni sîi ŋí ƃé ká kɛ̀ gɛ̂i kákɛ-ɣeniɛi su. Káfe pɔri ní káwoli tɔɔ̂i Yâwɛɛ wóo ma.

Ɉeremi 5:3

Tɔ̃yâ ma, Yâwɛɛ káa teniŋ ƃô laa kɔ̂rii. È ká lòkwa, kɛ́lɛ káfe káwoli tɔɔ ní m̀a. Káfe fáa ní ma a gɛɛ ká mɛni maa kɔ́ri. Káŋuŋ su a kpanaŋ kpɔ́ yɛ̂ɛ kɔni. Ǹyaŋ káfe niî kápôlu tɔ̀ɔ ní kásɔnyɔ̂ŋ-ŋai dîa.

Ɉeremi 32:33

Dí díyee kùla ḿû, dí dípôlu tɔɔ ḿâ, dí díyee kúla ŋásɛŋ lɛ́ɛi mu, berei máŋ ŋá kɛ̀ nɔ́ sɛŋ lɛ̂i la dîai, dífe m̀aa kɔ́ri ní.

Ɉeremi 2:30

Ŋa kákùla maa kɛ̀, kɛ́lɛ káfe mɛni da kula ní zu. Ŋálono kɛ́-ƃelai nyíi-ŋai ŋá dítɛ̀ɛi, ká dí pâa a káƃoa-sɔkpɔ-ŋai yɛ̂ɛ yala-sulu líi ŋwánaa.

Azaya 43:22

Yâwɛɛ a m̀ôi ǹyɛɛi, “Eezuɛ, yâ ŋɔ́nɔ nia ḿâ. Ífe ŋɔ́nɔ ḿvɛlîi.

Azaya 29:13

Ǹuu-namui è m̀o ǹyɛɛi, “Ǹûai ŋí da lɛɣɛ̂i nɔ́ a ńyãa a díla-woo folo. M̀aa kɛ́-maai da dɛɛ̂i ḿbɔi, vé kulâi dílii su. Da ḿvɛlîi nɔ́ kpɛ́ni-kpɛni. Díɣâla mɛni kɛ́ɛi káa nɔ́ a núu-kpune tûa-pere nyíi-ŋai da m̀aa kɔ́ri, gɛ́ ƃò díli ŋai.

Hanwon 5:12

Ƃa pâi kɛ̂i môi yɛ̂ɛi, “Ŋ́gula maa kɛ́ɛ mɛni nyɔ́mɔɔ kɛ́ɛ mɛni ma ƃɛlɛ fé ŋ́goi. Lé mɛni ƃé fé núu da kpɛ́ni ŋɔteniŋ tɔɔ-wooi siɣe ní lai?

Mąątɛ̨nɛ̨ 78:22

kpɛ́ni fêi, kili kɛ-zu da laa-laa fé kɛ́ ní díyêei a gɛɛ a pɔ̂ri díŋuŋ maa ƃôi.

Mąątɛ̨nɛ̨ 73:28

Kɛ́lɛ à kɛ̀ à ńyãa, ǹɛ̂lɛɛi núu kɛ́ ƃò a ǹɛɣɛɛ a Ɣâla. Ŋa Ǹuu-namui Yâwɛɛ siɣe a ḿaa kɔ̃ɔ-nuu. Ŋa pâi kɛ̂i gɛ́ mɛni kpaya-kpayai maa mɛ̂ni ƃôi.

Mąątɛ̨nɛ̨ 50:17

Káfe fáa ní mà a gɛɛ ŋá káteniŋ tɔɔ. Ká káyee kúla ŋ́oo mù.

Mąątɛ̨nɛ̨ 10:4

Dísu-mɛni kɛ̂tɛi. Dífe kpáaŋ ní Yâwɛɛ mɛni ma. Da kɛ̀ m̀ôi dîyɛɛi, “Ɣâla fé ɣele ma.”

Nehemi 9:26

“Berei máŋ í kɛ̀ m̀ɛni lɛ́lɛɛ-ŋai ŋí kélee kɛ̂i la dîɛi, dí íwoo pìli, dí díyee kúla ítɔ̂ŋ-ŋai mu, dí tɔ́ɔ yâ. Dí í lóno kɛ́-ƃelai pàa nyii-ŋai kɛ̀ dísɔnyɔ̂ŋ-ŋai maa mɛ̂ni ƃôi dîai. Dí díŋɛi nàɣiŋ ímɛi a gbɛ́ɛ pôlu.

Hebreu 10:22

kwaa lɛ́ɣɛ mà a tɔ̃yâ-lii laa-la láa fɛ́ɛ su da kúlii nyíi m̀aa waâi kúlaa kili-ŋa-sia nyɔ́mɔɔ su, é pɛ́lɛ kúkpono ma nyíi ŋ̀waâi a yá maa waai.

Izikiɛ 24:13

Ŋɔkpɛ̃ɛi káa yɛ̂ɛ ŋɔwulu-wulu kɛ́ɛ maa liƃiɛɛi. Kpɛ́ni fêi, ŋá ká maa waa, kɛ́lɛ ká maa fé waa ní. Ká maa fé ŋɔ́nɔ paî waâi é lɛ́ɛ la zu ŋá ŋálii-ŋwanai ŋ̀aa see kɛ́ a káa.

Ɉeremi 35:17

M̀ɛni ma, Ńyãai a Ŋ̀wála-wâla kélee Yâwɛɛ, nyíi gáa a Eezuɛ Ŋɔɣâlai, ŋa pâi pâi a m̀ɛni kpɔ̂lui ŋá ŋ́gono tèe a gɛɛ ŋa pâi pâi la Zuda da Zerusâlɛŋ-ƃelai dîai. Ŋa pâi nyíŋi kɛ̂i, kpɛ́ni fêi, káfe káwoli tɔɔ ní m̀ɛnii ma ŋá mò kâai. Káfe káyee see ní ŋ́oo mu a tãi ŋá kátòli lai.”

Azaya 31:1

Kpalo-ƃêlaai diai dîa da lì Ize kpɔŋ mâa mɛni mai. Díkili tɔɔ̂i Ize ŋɔkɔ́ kɔ́-soo-ŋai dîa, gɔ́ kɔ́-keleŋ-ŋai da díkɔ kɔ́-ƃelai. Dífe láa ní a Yâwɛɛ, Eezuɛ Ŋɔɣâla Maa Waai. Dífa fúlɔi máŋ m̀arê kɛ̀ kpɔŋ mâa mɛni ma.

Azaya 1:5

Óo ŋánûa, zɔnyɔ̂ŋ kula maa kɛ́ɛ ka zɔlɔ ƃôi, vé gula kɛ̂ɛ ƃó ní kámɛni ma? Lé mɛni ƃé ka tɔɔ̂i la m̀ai? Ka ŋ̀wɛ̂lii é ká kula maa kɛ́ a ŋ̀ánaa é tɛ́ɛ nyíti ma? Kɔlɔ a kpɛɛ kâa ka fûa.

Hanwon 1:7

Ǹúui ŋ̀wɛ̂lii é tárei, fɛ̂ɛ é yao Ɣâla Yâwɛɛ ma a maa-ŋuŋ, kɛ́lɛ ǹûai dífa mɛni ŋá kàa a ǹɛ́lɛɛi da táre da lia-woo maa mɛ̂ni sìɣe nɔ́ kpɛ́ni-kpɛni.

Timote veelɛ 3:16

Ŋâla-kɔlɔi kélee a kûla Ɣâla yêei, ǹɛ́lɛɛ sɛŋ-lɛ mɛni ma, ǹɛ́lɛɛ lɛɛ-sɛŋ lɛ-ƃela dímarê-kɛɛi su kula mɛni ma, ǹɛ́lɛɛ núu kula mɛni ma tua-pere-nyɔŋ su é pá pôlu Ɣâla pɔ, ǹɛ́lɛɛ ŋɔnɔ tɔ̃yâ laa-la lɛ-mɛni ma núu ma,

Ɉeremi 13:25

Bere ƃé ŋa pâi ímɛnii-ŋa têei la, ńyãai ŋ́gaa a Yâwɛɛ ńyãa ƃé mò tí, kpɛ́ni fêi, ya nîa ḿâ ya láa a ɣâla-da kpɛ́ni-ŋa.

Izikiɛ 22:24

“Núu kpune ǹóŋ, mò Eezuɛ ma yɛ̂ɛi mai, í maa fé waa ni, m̀ɛni ma ŋa pâi ńii wãnâi yâ, ŋá í kula maa kɛ.

Azaya 9:12

Siria kɔ kɔ́-ƃelai da pâi kulâi vóloi kulâi-pere Felesia kɔ kɔ́-ƃelai dí kúla vólo liî-pere. Da pâi kɛ̂i a díkpîŋ kpɛtɛɛ a gɛɛ dí Eezuɛ su-kara. É máŋ kɛ́ tí, Yâwɛɛ a pâi kɛ̂i nɔ́ a ǹíi ŋ̀wánaa é lɛ́ɛ la zu é Eezuɛ kula maa kɛ́.

Sofoni 1:6

Ŋa pâi diai su-karâi da kûla ḿbôlui, da diai dífa ŋ́gɔ̀ri kpaa máŋ dí marê kɛ́ a gɛ́ɛ ŋá dímɛi kaai.”