Osia 9:3 - Bible

³ Eezuɛ-ŋai dífe pâi lɛɛ̂i Yâwɛɛ ŋɔlɔii su. Kɛ́lɛ ká tá-ŋa ka pâi liî pôlu Ize lɔii su. Ǹûai kpéli-ŋai da pâi liî Asiria lɔii su ƃɛ́i da pâi zãâi mii naa nyii maa fé waa-ni Ɣâla ŋɛi.

Yálá laawoo hɛɓɛ (dc)

³ Di hvo pai pɛlii lɛɛi Yai-Laa nwɔ lɔi hu, Ɛfraimə kaa pai pənəi ə li Eziptə lɔi hu, ɛlɛɛ, kɔ̨nɔ̨n tɔ́n gaa mą, gaa pai mį́į́ Asiri lɔi hu.

Yálá laawoo hɛɓɛ

³ Di hvo pai pɛlii lɛɛi Yai-Laa nwɔ lɔi hu, Ɛfraimə kaa pai pənəi ə li Eziptə lɔi hu, ɛlɛɛ, kɔ̨nɔ̨n tɔ́n gaa mą, gaa pai mį́į́ Asiri lɔi hu.

Osia 9:3 Referans Kwoze

Izikiɛ 4:13

Kpɛ́ni fêi Yâwɛɛ è mò ǹyɛɛi, “Bere ƃé Eezuɛ-ŋai da pâi kɛ̂i dímii-sɛŋ miî la nyii vé pâi kɛ̂i a maa-waa dímii mɛ̂ni ma ǹɔii-ŋuŋ da kpɛ́ni-ŋai su ƃɛ́i ŋa pâi dítɛɛ̂i naai.”

Osia 8:13

Dí wɛ́li ní a sâla kuláa. Da sua kûla a sâla dí mii. Kɛ́lɛ, Ńyãa Yâwɛɛ ḿve wɛ́li ní la. Ǹyaŋ ḿve pâi dísɔnyɔ̂ŋ su-mɛni lɛɛ̂i. Ŋa pâi díkula maa kɛ̂i. Ŋa pâi dítɛɛ̂i pôlu Ize lɔii su.

Levetekɔ 25:23

“Káfe ǹɔii da kɔ̀lɛ núu da ma wɔlɔ-wɔlɔ da wɔlɔ-wɔlɔ mɛni ma, kpɛni fêi, vé a kápɔɔ. Gáa a Ɣâla pɔ́ɔ. Kákaa nɔ́ naa yɛ̂ɛ ŋɔ̃́ya-laa ma.

Ɉeremi 2:7

Ŋa pà a káa lɔii lɛ́lɛɛ su, a gɛɛ ká ǹaa sí-sɛŋ m̀bá lɛ́lɛɛ míi. Kɛ́lɛ, tãi ká pá la naai, ká ŋálɔii maa-tĩa kara. Ká ŋ́gɔlĩŋ maa-tĩa kara.

Osia 7:11

Eezuɛ-ƃelai ƃooɔ̂i yɛ̂ɛ tòloŋ. Táre fé díŋuŋ su. Dí lì Ize kpɔŋ-maa mɛni ma. Naa pôlu ma dí lí Asiria kpɔŋ-maa mɛni ma.

Danîa 1:8

Kɛ́lɛ Danîa è gbɛ̀tɛ gíli ŋá a gɛɛ vé gâloŋ ŋɔmii-sãai ŋí da mìi, kpaa máŋ é ŋwã̂ai da kpele kpɛ́ni fêi, a gɛ̀ tí màa fé pâi kɛ̂i a ŋ̀waá. Ǹya ƃe è Asipena marê kɛ̀ a gɛɛ é fáa ma.

Ɉeremi 16:18

Ŋa pâi díkula-maa kɛ̂i a ŋá-ŋanaa dísɔnyɔ̂ŋ-ŋai da díŋwana lɔ̂ɔ-ŋai mɛ̂ni ma. Kpɛ́ni fêi da ŋálɔii maa-tĩ̂a kara, da nãni pɛ́lɛ ma a díɣâla da kpɛ́ni-ŋa fɛliɛɛi. Da ŋ́gɔ̃lîŋ maa-tĩ̂a kara a ŋ̀âla-da-kpɛ́ni-ŋai nyíi-ŋai díkaa yɛ̂ɛ saa, díƃɛlɛ fé ŋ́goi.”

Tɔɔɓɛlaa veelɛ 17:6

Dí naa yée-mɛi ɣâle a Gâloŋ Osia ŋɔkâloŋ-laa koraŋ ǹɔ́ɔlu mɛi náaŋ. Asiria kaloŋ è Eezuɛ-ŋai sòŋ a kɔ-soŋ-ŋa é lí a dia Asiria lɔii su. È da-ni kɛ̀ dí sée Ala taai su a ŋɔwála-wâla-laai. È gbéli-ŋai kɛ̀ dí sée Abo Ya-leei kɔlɛ Gozaŋ lɔii kpiniŋ su. È gɛ̀ ǹûai kpéli-ŋai dí sée daa-ŋai su ƃɛ́i Midia-ŋai dí kɛ̀ naai.

Tɔɔɓɛlaa dɔlɔɔ 9:7

gɛ̀ ní, ŋa pâi Eezuɛ-ŋai kulâi ǹɔii ma nyíi ŋá dɛ̀ɛ dípɔi. Ŋa pâi ńyee kulâi Ŋ̀âla-pɛrɛ Kɛ́tɛi ŋí mu nyíi ŋá ńyee sèe mu ńaai mɛni mai. Da pâi Eezuɛ maa mɛni sɔɔ̂i a sáŋ díkɛ ɣɛ́lɛ-maa kùla gbonôi ŋ̀éniɛi su-ƃelai kélee sáma.

Dutɛrɔnome 28:63

Yɛ̂ɛ berei nɔ́ è kɛ̀ la a ǹíi láa mɛni gɛ́ gɛ̀ ká kɛ́ ƃûu ƃò ká kɛ́ mɛni kɛ̀ ƃûu ƃoi, bere nɔ́ ƃé a pâi kɛ̂i la a ǹíi láa mɛni é kásu kara. A pâi kásu karâi ǹɔii ma ka liî naai.

Dutɛrɔnome 4:26

ŋa pâi ǹɔii da ŋ̀elei tôlii dí tɔ́ɔ kâa, ǹyaŋ kásu a pâi karâi ǹɔii ma ka liî naai.

Gɛlaɠaa 10:14

Kɛ́lɛ, è mò mà, ǹyɛɛi, “Vé ti, Kúnuu-namui, kpɛ́ni fêi, fé niî mii-sɛŋ da kélee mii ní nyíi ƃâa fé ma, maa fé waa níi.”

Mise 2:10

Ka kámu siɣe ká lí ká kɛ̂i fé ŋɔ́nɔ ƃɛ́, kpɛ́ni fêi, kásɔnyɔ̂ŋ a ƃɛ́ kara kpɔ́ kpɔlɔwɔ.

Osia 11:11

Da pâi kɛ̂i kpɛ̃linii yɛ̂ɛ ŋɔni-ŋa, díkɛ kula Ize lɔii su, da-ni dí kúla Asiria lɔii su yɛ̂ɛ tòloŋ-ŋa. Ŋa pâi pâi a dia pôlu dípɔ-taai tɛi-tɛi. Ńyãa Yâwɛɛ ƃé nyíŋi ƃôi.”

Osia 11:5

“Da pâi liî pôlu Ize-lɔii su. Asiria ƃé pâi kɛ̂i a díkâloŋ, kpɛ́ni fêi, dífe ŋ̀wɛ̂lii dí lene pôlu ḿbɔ naa-pere.

Osia 9:6

A nɛ̃ɛ ká pú ká kúla Asiria ŋɔmɛni kpɔ̂lui yêei, Ize-ƃelai da pâi ká sonîi dí ká ŋáa tɛ́ ma. Da pâi ká saa loôi Mɛfi taa leei su. Gáne-ŋai da pâi kɛ̂i a kala pɔ́ɔ, ŋalêŋ kpɔlɔ é tɛ́ dípɛrɛ-ŋai dîa.

Zasua 23:15

Berei nɔ́ a ŋɔkono têei-ŋai kélee ŋ̀aa-see kɛ́ lai, bere nɔ́ ƃé ŋ̀ɛ́i káa la kâa a gɛ́ɛ ká m̀ɛni-ŋai kélee a mò kâai, ŋ̀aa-see kɛ́ la. À wàla kɛ́ tí, a pâi kákula maa kɛ̂i yɛ̂ɛ berei è mò lai.

Dutɛrɔnome 28:68

Yâwɛɛ a pâi kátɛɛ̂i pôlu Ize ya-ŋa keleŋ su berei máŋ ŋá mò la a gɛɛ káfe pâi wɔ́lɔ liî la naai. Ka kɛ̀ naa ka pâi kɛ̂i ŋ̀wɛ̂lii ká kákpîŋ kɔlɛ kákpɔara-ƃelai dîa, kɛ́lɛ núu da fé pâi ŋ̀wɛ̂lii é ká yá.”

Levetekɔ 20:22

“Ka ŋátûa pere-ŋai maa kɔ́ri, ká ŋá-tɔ̂ŋ-ŋai mɛi káa, ka mɛni-ŋai kɛ́ ŋa mò kâai, a gɛɛ ǹɔii ŋa kátɛɛ̂i mai va lâa bôlu fé la kâa.

Levetekɔ 18:28

À kɛ̀ ka da kɛ̀, ǹɔii a pâi ƃôlu fêi káa yɛ̂ɛ berei è gɛ̀ la a ǹûai kɛ̀ naa kátuɛi.

Woolaa 5:6

Kú kúkpîŋ tɛ̀ɛ Ize-ŋai da Asiria-ŋai pɔ́ mii-sãa mɛni ma.

Osia 7:16

Da tínaŋ Bêe-ɣalai pɔ́ naa-pere. Díkaa yɛ̂ɛ kerâŋ-ɣɛli. Ƃóa-sɔkpɔ a pâi díkâloŋ-lonii paâi dílono nyɔ́mɔɔ-ŋai mɛni ma. Nyíŋi a pâi kɛ̂i a ɣɛlɛ-maa dîa Ize lɔii su.”

Amɔsə 7:17

M̀ɛni ma, Ɣâla Yâwɛɛ è mò, ǹyɛɛ, ‘Ínɛnîi a pâi kɛ̂i a wulu-wulu-nɛni daa-leei su, ƃóa-sɔ̂kpɔ é ílônii sinaai da ílônii-nɛyaa páa. Ílɔii ŋáa a pâi kɔlɛ̂i a gbua-kpuaa, yá kpîŋ í sáa lɔii su nyii ve Ɣâla mɛni kɔ́lɔnii, ǹyaŋ da pâi Eezuɛ-ŋai kulâi dílɔii su a tɔ̃yâ dí lí a dia luɛ-laa su.’ ”