Osia 8:5 - Bible

⁵ Óo Sameria taa-leei, fé wɛ̂lii a kániŋa-loŋ pɔkɔɔŋ fɛli-mɛnii. Níi ŋwânaai dí mɛni ma. Tãi nênɛ ƃé ka pâi teêi la dífɛliɛɛ mai?

Yálá laawoo hɛɓɛ (dc)

⁵ Yai-Laa aa lənə ə́ wɔ nįŋɛ̨ lon ɓa, Samari. Nwɔ́ líiholii aa muhəɠə di laa ɓa, lə yələ kpɔ ɓə hɔn gaa pai kpɛɛi la kaa?

Yálá laawoo hɛɓɛ

⁵ Yai-Laa aa lənə ə́ wɔ nįŋɛ̨ lon ɓa, Samari. Nwɔ́ líiholii aa muhəɠə di laa ɓa, lə yələ kpɔ ɓə hɔn gaa pai kpɛɛi la kaa?

Osia 8:5 Referans Kwoze

Osia 10:5

Sameria-ƃelai kpaaŋɔ̂ɔi díkɛ kpɛ̃liŋ díɣâla niŋa-loŋ pɔkɔɔŋ mɛ̂ni ma Bɛtɛ taa-leei su. Ŋɔnûai da pâi wɔ̂lɔi mɛ̀ni ma. Ŋɔɣâlai ŋɔsâla láa-soŋ-ƃelai da pâi gbêɣe toôi mɛ̀ni ma, kpɛ́ni fêi, ƃaa kɛ́-maa fé ŋɔ́nɔ mà.

Ɉeremi 13:27

Ŋá íkàa íkɛ ŋumɛ tûa támaa kɛ̀ nyíi m̀ɛlɛ kpɛɛ̂i ŋ́goi. Ŋá íkàa íkɛ ɣâla-da-kpɛni-ŋa fɛ̀li ǹyée-ŋai dîa ǹɔɔi-su, yɛ̂ɛ berei sinaa da kɛ̂ la díƃarâai dínɛyâai pôlui. Kpaa máŋ yɛ̂ɛ berei soo-sîrɛ a kɛ̂ la soo sâa-ŋa pôlui. Káai a Zerusâlɛŋ-ƃelai, kpalo ƃêlaai kâa. Lé tãi ƃé ka pâi kɛ̂i la a ká maa-waai?”

Hanwon 1:22

“Káai káfa mɛni ŋá kàa a ǹɛ́lɛɛi, ka pâi lɛ̂ɛi m̀ɛnii ŋí su a tãi ɣɛɛlu? Káai a ŋ̀ɛ́lɛ-maa-kula-ƃelai, lé-tãi ƃé ka pâi kperâi la kánîa-kɛɛ ma ɣɛlɛ-maa kuláa sui? Káai táre fé káŋuŋ sui, káfe pâi wɔ́lɔ mɛni maa kɔ̂rii?

Gɛlaɠaa 7:41

Nya ƃe dí niŋa-lonii pɔɔkɔ̂ŋ kpɛ̀tɛ a ŋ̀ele-ŋai tí dí sâla kula ma. Dí kɛ̀ díkpɔɔ̂i kpɛtɛ sɛŋ maa lii-nɛ̃ɛ kulâi.

Osia 8:6

Káne ɣale-nuu ƃé gbɛ̀tɛ ǹyaŋ vé a Ɣâla. Niŋa-loŋ pɔkɔɔŋ gáa Sameriai da pâi doôi dí ŋ̀ólo.

Ɉeremi 4:14

Zerusâlɛŋ, ye ŋ̀wana lɔ̂ɔ tuai kúla í liî su a gɛɛ í ƃalo-laa sɔlɔ ƃó. Í ŋwana lɔ̂ɔ kili-ŋa-siâi a pâi gɛ̂i í liî su a tãi ɣɛɛlu?

Azaya 45:20

Yâwɛɛ è mò ǹyɛɛi, “Káai kélee ŋuŋ ma ƃô sɔlɔ ƃò ǹɔii ŋuŋ kɛ́tɛi toɔ́ɔ pôlu mai, ka lɛɣɛ a kákîe ni. Káai kélee pù ká kúla ǹɔii ŋuŋ-ŋai yêei, ka káŋa lɛ́ɣɛ gîe ma m̀ɛni-sâa ŋá tée ɣenei ŋá! Diai da ɣâla pɔkɔɔŋ-ŋa fɛli nyíi-ŋai díkpɛtɛ̂ɛi a wúru-ŋai, táre fé díŋuŋ su. Da kɛ̂ nɔ́ ɣâla da kpɛ́ni-ŋa fɛlîi ǹyaŋ dífa ŋuŋ ma ƃô sɔlɔ ƃô da yêei.

Dutɛrɔnome 32:22

Ŋá lii-ŋwânai a pâi kɛ̂i yɛ̂ɛ ŋɔŋ é zãai díkaa ɣele mai kélee kéreŋ. A pâi ǹɔii kérenîi é lɛ́ɛ la zu é seri m̀olôŋ kpóŋ ma saa táa. A pâi ǹyée-ŋai kérenîi é tóo ǹɔii tanaŋ ma.

Mąątɛ̨nɛ̨ 19:13

Ífe ǹɛɛ naa mɛnii nyii-ŋai ŋá díkɔlɔŋ dínyɔmɔ̂ɔ ŋ́gɛ díkɛ. Ífe ǹɛɛ naa ŋá kɛ́ a dí luɛ. Fé pâi ŋɔ́nɔ mɛni nyɔ́mɔɔ da kélee kɛ̂i, a gɛɛ ŋá kɛ́ ŋa ŋ́uŋ ma ƃóɔɔ sɔnyɔ̂ŋ yêei.

Ɉeremi 48:13

À kɛ̀ tí, Môa-ƃelai díɣâlai Kemosi maa mɛni a pâi ŋumɛ lâai díŋɛi yɛ̂ɛ berei ŋ̀âlai nyíi Eezuɛ-ŋai dí kɛ̀ vɛlîi Bɛtɛ, dílaa lài, m̀aa mɛni è ŋumɛ lâa la díŋɛi.

Osia 13:2

Ǹyaŋ díkaa nɔ́ niî sɔnyɔ̂ŋ kɛ̂i, dí kɛ́ díkpîŋ díkpɛtɛ sãai fɛ̂li, nyii dí gbɛ̀tɛ a kánei díkɛ mò dîyɛɛi, “Sâla kùla dîa,” ǹûai díkɛ díla-gbɔ sèe dîa.

Amɔsə 8:14

Diai da dífòo Asima ma nyii gáa Sameria, díkɛ m̀ó, dîyɛɛi, ‘Óo Daŋ, íɣâlai káa ɣele ma,’ Dîyɛɛ, ‘Óo Bɛɛsiba, ímɛi-kaa-ɣalai káa ɣele mai,’ da pâi toôi, dífe pâi ŋɔ́nɔ dímu siɣêi pôlu.”

Kɔlɔnikɔ Veerɛi 13:8

Ǹyaŋ yaâ gbɛ̀tɛ íkili ŋá a gɛ́ɛ í tɔ́ɔ gâloŋ-laai ma nyíi Yâwɛɛ è wɔ́lɔ dɛ̀ɛ Deeƃé da ŋɔsuui dípɔi. Tɔ̃yâ ma kákaa a kɔkuluƃa kpulu kɛ́tɛ, gôo niŋa-lonii-ŋai Zɛroboaŋ è gbɛ̀tɛ gɛ́ ƃò káyêei a káɣâla-ŋai.

Osia 10:8

Eezuɛ-ŋai dí lɛ́ɛ ɣala-fɛli kwaa-ŋai ma ƃɛ́i da sɔnyɔ̂ŋ kɛ̀ naai su a pâi karâi. Kala a pâi tɛ̂i díɣâla teƃele-ŋai dîa. Da pâi môi ǹyée kpaya-kpayai dîa, “Ka kúloo,” dîyɛɛ bɛlɛ-pɛlɛɛi dîa, “Ka tòo kûa.”

Mise 1:7

Ŋa pâi díɣâla-pɔkɔɔŋ-ŋai kélee su karâi. Zãâi dí zɔlɔ ƃô Ŋ̀âla-pɛrɛi mɛni ma díwulu-wulu kɛ́ɛi sârai, ŋa pâi gérenîi a ŋɔŋ. Ŋa pâi díɣâla-pɔkɔɔŋ-ŋai wôloi. Zãâi è zɔlɔ ƃô ŋɔwulu-wulu kɛ́ɛi sârai, ŋɔkpɔara-ƃelai da pâi liî dí gɔlɛ wulu kɛ́ɛ pôlu kwaa da kpɛ́ni ma.”